ଖୋର୍ଦ୍ଧା ମୁକୁନ୍ଦପ୍ରସାଦ ବିଚ ରାସ୍ତାରେ ଯୁବକଙ୍କୁ ଖଣ୍ତାରେ ହାଣି ହତ୍ୟା:ଗଣ୍ଡଗୋଳ ଆଶଙ୍କା ନେଇ ୧୬୩ ଧାରା ଲାଗୁ କଲେ ଉପଜିଲ୍ଲାପାଳ

୨୫ ଅଗଷ୍ଟ,୨୦୨୪(ଓଡ଼ିଶା ତାଜା ନ୍ୟୁଜ୍ )  ଖୋର୍ଦ୍ଧା :->  ଅପରାହ୍ନରେ ଖୋର୍ଦ୍ଧା ମୁକୁନ୍ଦପ୍ରସାଦ ଛକ ବିଚ ରାସ୍ତାରେ ଏମଡି ସାଜିଦ(୩୦)ନାମକ ଯୁବକ କୁ ସଙ୍ଘ ବଦ୍ଧ ଭାବେ ୩୦ ରୁ ଉର୍ଦ୍ଧ୍ବ ଯୁବକ ଗୋଡେଇ ଗୋଡେଇ ହତ୍ୟା ଘଟଣା ଘଟିବା ପରେ ଖୋର୍ଦ୍ଧା ମୁକୁନ୍ଦପ୍ରସାଦ ରେ ଅଶାନ୍ତ ର ବାତାବରଣ ଦେଖିବାକୁ ମିଳିଛି।ସେପଟେ ଘଟଣା ଅଧିକ ହେବାର ଆଭାସ ପାଇ ଖୋର୍ଦ୍ଧା ଉପଜିଲ୍ଲାପାଳ ଦୀପ୍ତିରଞ୍ଜନ ସେଠି ୧୬୩ ଧାରା ଲାଗୁ କରିଛନ୍ତି। ସୂଚନା ଯେ ପୂର୍ବ ଶତ୍ରୁତା ରଖି ଆଜି ଖୋର୍ଦ୍ଧା ମୁକୁନ୍ଦପ୍ରସାଦ ରେ ଏମଡି ସାଜିଦ (୩୦)ନାମକ ଯୁବକ ଙ୍କୁ ଗୋଡାଇ ଖଣ୍ଡାରେ ହାଣିଲେ କିଛି ଯୁବକ।ଖୋର୍ଦ୍ଧା ଶିଳ୍ପାଂଚଳ ଥାନା ଅନ୍ତର୍ଗତ ଜଟଣୀ ବାଇପାସ ନିକଟରେ ଏହି ଘଟଣା ଘଟିଛି ।

ମୃତକ ହେଲେ ମୁକୁନ୍ଦପ୍ରସାଦ ର ମହମ୍ମଦ ସାଜିଦ (୩୦) । ଏହାକୁ ନେଇ ମୁକୁନ୍ଦପ୍ରସାଦ ଛକରେ ଉତେଜନାପୂର୍ଣ୍ଣ ପରିସ୍ଥିତି ସୃଷ୍ଟି ହୋଇଛି । ଅଭିଯୁକ୍ତ ଙ୍କୁ ଗିରଫ ଦାବିରେ ମୁକୁନ୍ଦପ୍ରସାଦ ଛକରେ ଶବ ରଖି ଟାୟର ଜାଳି ରାସ୍ତାରୋକ କରିଥିଲେ ମୃତକ ପରିବାର ଲୋକେ ।ଘଟଣା ସ୍ଥଳ ରେ ଜିଲ୍ଲା ପ୍ରଶାସନ ପହଁଛି ପ୍ରତିଶୃତି ପରେ ଧାରଣା ପ୍ରତ୍ୟାହୃତ ହୋଇଥିଲେ ସୁଦ୍ଧା ବିଳମ୍ବିତ ରାତି ସୁଧା ଉତ୍ତେଜନା ଲାଗି ରହିଛି । ମୃତକଙ୍କ ସମର୍ଥକ ମାନେ ମୁକୁନ୍ଦପ୍ରସାଦ ଛକ ଉପରେ ଶବ ରଖି ରାସ୍ତାରୋକ କରିବା ସହ ଦଧିବାମନସାହି, ମାଳିସାହି, ପୋଡାସାହି ପ୍ରଭୃତିରେ ପଶି ଗାଡି ଓ ଘର ଭଙ୍ଗାରୁଜା କରିଥିଲେ ।

ସ୍ଥିତି ଉତେଜନାପୂର୍ଣ୍ଣ ହୋଇଥିବାବେଳେ ଘଟଣାସ୍ଥଳରେ ଡିଜିପି ଯୋଗେଶ ବାହାଦୁର ଖୁରାନିଆ, ଗୁଇନ୍ଦାମୁଖ୍ୟ ସୌମେନ୍ଦ୍ର ପ୍ରିୟଦର୍ଶୀଙ୍କ ସମେତ ପୁଲିସ ଅଧିକାରୀମାନଙ୍କ ସମେତ ଖୋର୍ଦ୍ଧା ଏସ୍ପି ଅବିନାଶ କୁମାର , ଜିଲ୍ଲାପାଳ ଚଂଚଳ ରାଣା, ଏଡିଏମ , ଉପଜିଲ୍ଲାପାଳ ଦୀପ୍ତିରଞ୍ଜନ ସେଠି,ତହସିଲଦାର ବିଭାସ କୁମାର ପାଣିଗ୍ରାହୀ ପ୍ରମୁଖ ଉପସ୍ଥିତ ରହି ସ୍ଥିତି ପରଖିଛନ୍ତି । ମୁକୁନ୍ଦପ୍ରସାଦରେ ଶାନ୍ତି ଫେରାଇବା ଲାଗି ପୁଲିସ ଫ୍ଲାଗମାର୍ଚ୍ଚ କରିଛି । ଜିଲ୍ଲା ପ୍ରଶାସନ ପକ୍ଷରୁ ଉପଜିଲ୍ଲାପାଳ ଦୀପ୍ତିରଞ୍ଜନ ସେଠି ସନ୍ଧ୍ୟାରେ ମୁକୁନ୍ଦପ୍ରସାଦ ଅଂଚଳରେ ୧୬୩ ଧାରା ଜାରୀ କରିଛନ୍ତି ଫଳରେ ଉକ୍ତ ୪ ଟି ୱାର୍ଡ ରେ ବିନା ଅନୁମତି ରେ ୫ ଜଣରୁ ଅଧିକ ଠିଆ ହୋଇପାରିବେନି।ରାଲି, ଶୋଭାଯାତ୍ରା,ଧାରଣା,ସ୍ଲୋଗାନ ଆଦି ସର୍ବସାଧାରଣ ସ୍ଥାନରେ କରିପରିବେନି।ସ୍ଥାନୀୟ ଅଞ୍ଚଳରେ ସ୍କୁଲ,କଲେଜ,ପ୍ରାଣନାଥ ମହାବିଦ୍ୟାଳୟ, ଅଙ୍ଗନବାଡି କେନ୍ଦ୍ରକୁ ବନ୍ଦ କରାଯାଇଛି।ଲାଠି,ବର୍ଚ୍ଛା, ଖଣ୍ଡା,ମାରଣା ଅସ୍ତ୍ର,ଉକ୍ତ ସ୍ଥାନରେ ବ୍ୟବହାର ମନା କରାଯାଇଛି।

ସାଉଣ୍ଡ ସିଷ୍ଟମ କୁ ବନ୍ଦ କରାଯାଇଛି।ଯଦି ଏହାକୁ କିଏ ଅବମାନନା କରନ୍ତି ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ବ୍ୟବସ୍ଥା କରାଯାଇଛି।ପ୍ରକାଶଥାଉକି, ପୂର୍ବ ଶତୃତାକୁ କେନ୍ଦ୍ର କରି ଦିନ ଦିପ୍ରହରରେ ଶିଳ୍ପାଂଚଳ ଥାନା ଅନ୍ତର୍ଗତ ଖୋର୍ଦ୍ଧା-ଜଟଣୀ ରାସ୍ତା ଚାଚେରା ଶବରସାହିସ୍ଥିତ ଏକ ନର୍ସରୀ ସମ୍ମୁଖରେ ବିଚ ରାସ୍ତାରେ ସାଜିଦଙ୍କୁ ଗୋଡାଇ ଖଣ୍ଡାରେ ହାଣିଲେ ଦୁବୃର୍ତ । ସାଜିଦ ର ମୁଣ୍ଡ, ମୁଁହ, ହାତ, ପେଟ, ବେକ ଭଳି ଶରୀର ର ଅନେକ ସ୍ଥାନରେ ଗଭୀର କ୍ଷତ ହୋଇଛି । ଏଥିରେ ତାଙ୍କର ମୃତ୍ୟୁ ହୋଇଛି ।୨ଜଣ ଲୋକ ଆହତ ହୋଇଛନ୍ତି । ସାଜିଦ କୁ ଯୁବକମାନେ ଯୋଜନା ବଦ୍ଧ ଭାବେ ଆକ୍ରମଣ କରି ମାରିଥିବା ବଡ଼ ଭାଇ ଏମଡି ମୋତାରାମ ଖୋର୍ଦ୍ଧା ଆଦର୍ଶ ଥାନାରେ ଅଭିଯୋଗ କରିଛନ୍ତି ।

ସାଜିଦଙ୍କ ମୃତ୍ୟୁକୁ ନେଇ ମୁକୁନ୍ଦପ୍ରସାଦରେ ଉତେଜନା ବଢିଛି । ମୃତକଙ୍କ ସମ୍ପର୍କିୟ ଓ ସହଯୋଗୀମାନେ ରାସ୍ତାରୋକ କରିବା ସହ ଦଧିବାମନସାହି, ମାଳିସାହି, ପୋଡାସାହି ପ୍ରଭୃତିରେ ପଶି ଗାଡି ଓ ଘର ଭଙ୍ଗାରୁଜା କରିଥିବା ଖବର ମିଳିଛି । ଘଟଣାସ୍ଥଳରେ ଉତେଜନା ରୋକିବାକୁ ୧୨ପ୍ଲାଟୁନ ପୁଲିସ ଫୋର୍ସ ନିୟୋଜିତ ହୋଇଛନ୍ତି । ଘଟଣାସ୍ଥଳରେ ଡିଜିପି ଖୁରାନିଆ, ଗୁଇନ୍ଦାମୁଖ୍ୟ ପ୍ରିୟଦର୍ଶୀଙ୍କ ସମେତ ପୁଲିସ ଅଧିକାରୀମାନେ ପହଁଚି ସ୍ଥିତି ଅନୁଧ୍ୟାନ କରିବା ସହ ମୁକୁନ୍ଦପ୍ରସାଦରେ ଶାନ୍ତି ଫେରାଇବା ଲାଗି ଫ୍ଲାଗମାର୍ଚ୍ଚ କରିଥିଲେ ।କୌଣସି ପରିସ୍ଥିତିରେ ଆଇନ କୁ ହାତକୁ ନନେବାକୁ ପରାମର୍ଶ ଦେଇଥିଲେ । ସ୍ଥାନୀୟ ଅଂଚଳରେ ଶାନ୍ତି ଫେରାଇ ଆଣିବାକୁ ସମସ୍ତଙ୍କ ସହଯୋଗ ପାଇଁ ଡିଜିପି ଅନୁରୋଧ କରିଥିଲେ ।