ସଂପୁର ନୂଆଁଖାଇ ମହୋତ୍ସବ ପ୍ରସ୍ତୁତି ବୈଠକ

୨୪ ଅଗଷ୍ଟ,୨୦୨୪(ଓଡ଼ିଶା ତାଜା ନ୍ୟୁଜ୍ ) ବୋଲଗଡ଼  :-> ବୋଲଗଡ଼ ବ୍ଲକ ଅନ୍ତର୍ଗତ ସଂପୁର ଗ୍ରାମର ପ୍ରସିଦ୍ଧ ନୂଆଁଖାଇ ପର୍ବ ଉପଲକ୍ଷେ ନୂଆଁଖାଇ ମହୋତ୍ସବ ଭେଟ୍ ଘାଟ୍ ୨୦୨୪ ର ପ୍ରସ୍ତୁତି ବୈଠକ ଗ୍ରାମର ନୟା ପାଟଣା ରଘୁନାଥ ମନ୍ଦିର ପ୍ରାଙ୍ଗଣରେ ଅନୁଷ୍ଠିତ ହୋଯାଇଅଛି। ସ୍ଥାନୀୟ ପାଞ୍ଚଗଡ ଶାସିକା ତଥା ସମ୍ବଲପୁର ରାଣୀ ମୁକ୍ତା ଦେଈଙ୍କ ଅମଳରୁ ଦୀର୍ଘ୍ ୨୦୦ ବର୍ଷ ଧରି ଗ୍ରାମର ଜନସାଧାରଣମାନେ ମହାଆଡ଼ମ୍ବର ସହକାରେ ନୂଆଁଖାଇ ପର୍ବକୁ ପାଳନ କରିଆସୁଛନ୍ତି । ପଶ୍ଚିମ ଓଡ଼ିଶାରେ ଏହି ପର୍ବକୁ ମହାଆଡ଼ମ୍ବର ସହକାରେ ପାଳନ କରୁଥିବା ବେଳେ ପୂର୍ବ ଓଡ଼ିଶାର ଖୋର୍ଦ୍ଧା ଜିଲ୍ଲା ଅନ୍ତର୍ଗତ ବୋଲଗଡ଼ ବ୍ଲକସ୍ଥିତ ସଂପୁର ଗ୍ରାମରେ କେବଳ ନୂଆଁଖାଇ ପର୍ବ କୁ ପୁର୍ବ ପିଢ଼ି ଅନୁସାରେ ମହାଆଡ଼ମ୍ବର ସହକାରେ ପାଳନ କରୁଅଛନ୍ତି ।

ସଂପୁର ଗ୍ରାମର ଗୌରବମୟ ଐତିହ କଳା ସଂସ୍କୃତି ପରମ୍ପରାକୁ ବଜାୟ ରଖିବା ଉଦ୍ଦେଶ୍ୟରେ ଏହୀ ନୂଆଁଖାଇ ମହୋତ୍ସବ ଆରମ୍ଭର ତୃତୀୟ ବର୍ଷରେ ପଦାର୍ପଣ କରିଛି । ସ୍ଥାନୀୟ ସରପଞ୍ଚ ଜଳଧର ମହାନ୍ତିଙ୍କ ସଭାପତିତ୍ବରେ ଗ୍ରାମର ସମସ୍ତ ଭଦ୍ର ବ୍ୟକ୍ତି ଓ ଯୁବ ଗୋଷ୍ଠୀମାନଙ୍କୁ ନେ଼ଇ ମହୋତ୍ସବ ଶାନ୍ତି ଶୃଙ୍ଖଳା ଓ ସରଶ ସୁନ୍ଦର କରିବା ପାଇଁ ନିଷ୍ପତ୍ତି ଗ୍ରହଣ କରାଗଲା । ଆସନ୍ତା ମାସ ସେପ୍ଟେମ୍ବର ୮ ତାରିଖରେ ମହୋତ୍ସବ ଅନୁଷ୍ଠିତ ହେବାକୁ ଥିବା ବେଳେ ସ୍ଥାନୀୟ ଅଞ୍ଚଳର ବିଭିନ୍ନ କଳାକାରମାନେ ନୃତ୍ୟ ସଙ୍ଗୀତ ଆଦି କଳା ପରିବେଷଣ କରିବା ସହିତ ରାଜ୍ଯ ସରକାରଙ୍କ ସଂସ୍କୃତି ବିଭାଗ ପକ୍ଷରୁ ରାଜ୍ୟର ବିଭିନ୍ନ ଜିଲ୍ଲାରୁ ପ୍ରତିଷ୍ଠିତ କଳାକାରମାନେ ନୃତ୍ୟ ପରବେଷଣ କରିବାର ବ୍ୟବସ୍ତା ରହିଛି ବୋଲି ମହୋତ୍ସବ ପାରିବାର ପକ୍ଷରୁ ସୂଚନା ମିଳିଛି ।

ଏହି ପ୍ରସ୍ତୁତି ବୈଠକରେ ଶ୍ରୀଧର ଦତ୍ତ,ଚିତରଞ୍ଜନ ମିଶ୍ର, ଧନେଶ୍ଵର ସ୍ୱାଇଁ , କୃଷ୍ନଚନ୍ଦ୍ର ଝପଟସିଂ, ଚିତ୍ତରଂଜନ ଦେଓ ମହାପାତ୍ର, ଭଗବାନ ସ୍ବାଇଁ, ପ୍ରଫୁଲ୍ଲ ଚନ୍ଦ୍ର ମହାନ୍ତ, ପ୍ରମୋଦ ଚୌଧୁରୀ, ରବିନ୍ଦ୍ର ସାଥୁଆ, ହରିହର ଲେଙ୍କା, ପ୍ରସନ୍ନ କୁମାର ମହଲା, ରାମଚନ୍ଦ୍ର ଜୟସିଂ, ରବିନ୍ଦ୍ର ସେନାପତି , ପ୍ରିୟବ୍ରତ ଦାସ, ଅଭିନାଶ ମହାନ୍ତିଙ୍କ ସମେତ ଗ୍ରାମର ବରିଷ୍ଠ ବ୍ୟକ୍ତି ମାନେ ଯୋଗ ଦେଇଥିଲେ ।ପରିଶେଷରେ ନିରଞ୍ଜନ ନାୟକ ସମସ୍ତଙ୍କର ନିରୋଗ ଜୀବନ କାମନା କରି ଧନ୍ୟବାଦ ଅର୍ପଣ କରିଥିଲେ।