୫ ଜୁନ୍,୨୦୨୪ (ଓଡ଼ିଶା ତାଜା ନ୍ୟୁଜ୍ ) ଭୁବନେଶ୍ୱର :-> ଏକାମ୍ର ନିର୍ବାଚନ ମଣ୍ଡଳୀରେ ନବ ନିର୍ବାଚିତ ବିଜେପି ବିଧାୟକ ପ୍ରାର୍ଥୀ ବାବୁ ସିଂ ନିଜର ବିଜେପି କାର୍ଯ୍ୟାଳୟରୁ ହଜାର ହଜାର ସଂଖ୍ୟାରେ ସମର୍ଥକ ଓ ଜନସାଧାରଣ ସହ ବିଶାଳ ପଦଯାତ୍ରା ରେ ଜାଇ ପ୍ରଭୁ ଶ୍ରୀ ଲିଙ୍ଗରାଜ ଙ୍କ ଦର୍ଶନ କରି ସମସ୍ତଙ୍କ ମଙ୍ଗଳ କାମନା କରିଥିଲେ। ଏହି ଅବସରରେ ଭୁବନେଶ୍ୱର ନବ ନିର୍ବାଚିତ ସାଂସଦ ଅପରାଜିତା ଷଡ଼ଙ୍ଗୀ,
ପୂର୍ବତନ ରାଜ୍ୟ ସଭାପତି ସମୀର ମହାନ୍ତି , ନାରୀ ନେତ୍ରୀ ରଶ୍ମି ମହାପାତ୍ର, ସୁରେନ୍ଦ୍ର ପ୍ରଧାନ, ରାମଚନ୍ଦ୍ର ରଣସିଂହ, ଅରୁଣ ପୁରୋହିତ ଙ୍କ ସହ ବହୁ ଦଳୀୟ ନେତୃବୃନ୍ଦ ପ୍ରମୁଖ ଯୋଗ ଦେଇଥିଲେ। ଏହି ଅବସରରେ ଶ୍ରୀ ବାବୁ ସିଂ କହିଛନ୍ତି ଯେ,
ଏ ବିଜୟ ମୋର ନୁହେଁ ଏ ବିଜୟ ଏକାମ୍ର ର ପ୍ରତ୍ୟେକ ଜନସାଧାରଣଙ୍କର।ଏକାମ୍ର ତଥା ଓଡ଼ିଶାର ସ୍ୱାର୍ଥ ପୂରଣ କରିବା ଦିଗରେ ମତେ ବାଟ କଢ଼େଇ ନେବାକୁ ମୁଁ ସଭିଙ୍କୁ ନିବେଦନ କରୁଛି। ପ୍ରଭୁ ଶ୍ରୀ ଲିଙ୍ଗରାଜ ଙ୍କ ଚରଣରେ ପ୍ରଣାମ କରୁଛି l ସମଗ୍ର ଏକାମ୍ର ନିର୍ବାଚନ ମଣ୍ଡଳୀ ଏବଂ ଓଡିଶା ବାସୀଙ୍କୁ ଉଦେଶ୍ୟରେ ଏହି ବିଜୟ ଉତ୍ସର୍ଗ କରୁଛି।
