ଓଡିଶା ତାଜା ନ୍ୟୁଜ୍ ( ୦୪ ଅଗଷ୍ଟ ମଙ୍ଗଳବାର ) କଟକ, ମାହାଙ୍ଗା :- ପଂଚାୟତ ଛାତ ଉପରେ ପାଇପ କାର୍ଯ୍ୟ କରୁଥିବା ଶ୍ରମିକ ତଳକୁ ଗଳିପଡି ମୃତ୍ୟୁ କୁ ନେଇ ମାହାଙ୍ଗା ଗୋଷ୍ଟି ସ୍ଵାସ୍ତ୍ୟ କେନ୍ଦ୍ରରେ ଉତ୍ତେଜନା ପ୍ରକାଶ ପାଇଛି । ଏଭଳି ଘଟଣା ଘଟିଛି ଖୋଦ କଟକ ଜିଲ୍ଲା ମାହାଙ୍ଗା ପଂଚାୟତ ସମିତି ଅଧୀନ ଶ୍ରୀକୃଷ୍ଣ ପୁର ପଂଚାୟତ କାର୍ଯ୍ୟଳୟ ପରିସରରେ । ପଂଚାୟତ କାର୍ଯ୍ୟାଳୟରେ ଏକ ଲାଟିନ ଟାଙ୍କି ରେ ପାଇପ କାମ କରିବାକୁ ଯାଇଥିବା ଏହି ପଂଚାୟତ ଅଡ଼ମ ମହେଶପୁର ଗ୍ରାମର ସ୍ୱାବଲମ୍ବୀ କାରିଗର ଶରତ ଚନ୍ଦ୍ର ଦାସ 30 କୌଣସି କାରଣରୁ ଛାତରୁ ଗଳିପଡି ଗୁରୁତର ଆହତ ହୋଇଥିଲେ । ତୁରନ୍ତ ଦମକଳ ବାହିନୀ ସାହାଯ୍ୟରେ ମାହାଙ୍ଗା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରକୁ ନିଆ ଯାଇଥିଲା କିନ୍ତୁ ଡାକ୍ତର ସେଠାରେ ତାକୁ ମୃତ ଘୋଷଣା କରିଥିଲେ । ମୃତ ଶରତକୁ ଶ୍ରୀକୃଷ୍ଣପୁର ପଂଚାୟତ ର ଭାରପ୍ରାପ୍ତ ସରପଞ୍ଚ ରାଜେଶ ବେହେରା ଓ ଭିଏଲ ଡବ୍ଲୁ ସରକାରୀ ପାଇପ କାର୍ଯ୍ୟରେ ଲଗାଇଥିବାରୁ ତାଙ୍କୁ ଦାଈକରି ଗ୍ରାମବାସୀ ଓ ପରିବାର ଲୋକ ମାନେ ମେଡିକାଲ ସମୁଖରେ ବସି ଟାୟାର ଜାଳି ରାସ୍ତା ଅବରୋଧ କରିଥିଲେ ।
କାର୍ଯ୍ୟରେ ଲଗାଇଥିବା ସରପଞ୍ଚ ଘଟଣା ପରେ ଲୁଚି ପଳାଇଥିବାରୁ ଲୋକମାନଙ୍କ ମଧ୍ୟରେ ପ୍ରବଳ ଉତ୍ତେଜନା ପ୍ରକାଶ ପାଇଛି । କିପରି ଶରତ ଛାତରୁ ପଡିଲା ସେଥିନେଇ ସନ୍ଦେହ ଜାତ ହୋଇଛି । ଛାତ ଉପରେ ଯାଇଥିବା 33 କେଭି ବିଦ୍ୟୁତ ତାର ସଂସ୍ପର୍ଶରେ ଆସି ଛାତ ଉପରୁ ଗଳିପଡିଥିବା ନେଇ ଶୁଣିବାକୁ ମିଳିଛି । ମୃତ ଶରତ ଙ୍କ ପରିବାରକୁ ସରକାରୀ କ୍ଷତିପୂରଣ ଦାବୀ କରି ଶତାଧିକ ଗ୍ରାମବାସୀ ମେଡିକାଲ ସମ୍ମୁଖରେ ଟାୟାର ଜାଳି ରାସ୍ତା ଅବରୋଧ କରିଥିଲେ । ଘଟଣା ସ୍ଥଳରେ ମାହାଙ୍ଗା ତହସିଲଦାର ଚିତ୍ତରଞ୍ଜନ ପଟନାୟକ , ବିଡ଼ିଓ ନିହାର ମଲିକ ଆଇଆଇସି ରଞ୍ଜନ ପ୍ରଧାନ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରି ଜିଲ୍ଲା ରେଡ କ୍ରସ ପାଣ୍ଠିରୁ କୋଡିଏ ହଜାର ଓ ବ୍ଲକ ପ୍ରଶାସନ ପକ୍ଷରୁ ଦଶ ହଜାର ଟଙ୍କା ମୃତକ ଙ୍କ ପରିବାରକୁ ସହାୟତା ରାଶି ପ୍ରଦାନ କରିବା ପରେ ମେଡିକାଲ ସମ୍ମୁଖରୁ ଅବରୋଧ ହଟିଥିଲା । ମୃତକ ପତ୍ନୀ କୁ ସରକାରୀ ଚାକିରୀ ପ୍ରଦାନ କରାନଗଲେ ଆନ୍ଦୋଳନ ଜୋରଦାର କରାଯିବ ବୋଲି ଗ୍ରାମବାସୀ ମାନେ ଚେତାବନୀ ଦେଇଛନ୍ତି । ( ରିପୋର୍ଟ ଲଷ୍ମୀଧର ଖୁଣ୍ଟିଆ )
