ବିଜେଡି କର୍ମୀଙ୍କ ଦାବି ଜୋର ଧରିଲା : ଲଲ ପରେ ଏବେ ଝିଲକୀଙ୍କ ପ୍ରାର୍ଥୀ ହେବାକୁ ଦାବି କଲେ କର୍ମୀ …..

କୋରାଇ ଆସନ ଲାଗି ଦାସ ଓ ଘଡେଇ ପରିବାରରେ ଶୀତଳ ଯୁଦ୍ଧ….

୪ ଏପ୍ରିଲ, ୨୦୨୪ ( ଓଡିଶା ତାଜା ନ୍ୟୁଜ ) କୋରାଇ :-> କୋରାଇ ବିଧାନ ସଭା ଆସନ ପାଇଁ ବିଜେଡିରୁ ପ୍ରାର୍ଥୀ ହେବାକୁ ମନ ବଳାଇଲେ ଓଲିଉଡ ଅଭିନେତ୍ରୀ ଝିଲକୀ ଭଟ୍ଟାଚାର୍ଯ୍ୟ । ବିଜେଡିର ବରିଷ୍ଠ ନେତା, ରାଜ୍ୟ ଗ୍ରାମ୍ୟ ଉନ୍ନୟନ ମନ୍ତ୍ରୀ ତଥା ସୁକିନ୍ଦା ବିଧାୟକ ପ୍ରୀତିରଞ୍ଜନ ଘଡେଇଙ୍କ ପତ୍ନୀ ଝିଲକୀଙ୍କୁ ଏଥର କୋରାଇରୁ ପ୍ରାର୍ଥୀ କରିବାକୁ ଦାବି କରିଛନ୍ତି କୋରାଇ ବିଜେଡ଼ି କର୍ମୀ । ଏନେଇ ଗତକିଛି ଦିନହେଲା

କୋରାଇ ଅଂଚଳରେ ଆଲୋଚନା ହେଉଥିଲା ବେଳେ ଆଜି (ଗୁରୁବାର) ଶତାଧୂକ ସମର୍ଥକ ମନ୍ତ୍ରୀ ପ୍ରୀତିରଞ୍ଜନ ଘଡେଇଙ୍କ ଯାଜପୁରରୋଡ ସ୍ଥିତ ଧବଳଗିରି ବାସଭବନରେ ପହଂଚି ଝିଲିଜୀଙ୍କୁ ପ୍ରାର୍ଥୀ ହେବାକୁ ଅନୁରୋଧ କରିଥିଲେ l କୋରାଇ ବାସୀଙ୍କ ସହଯୋଗି, ସମର୍ଥନ ଓ ଦାବିକୁ ପାଥେୟ କରି ଝିଲକୀ ମଧ୍ୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦଳୀୟ ଟିକେଟରେ ଲଢ଼ିବାକୁ ସୁଯୋଗ ଦେବାକୁ ଅନୁରୋଧ ଜଣାଇଛନ୍ତି ।

ଯାହାକୁ ନେଇ ତାଙ୍କ ବାସଭବନରେ କର୍ମୀ ସମର୍ଥକଙ୍କ ଭିଡ଼ ଜମିଥିବା ଦେଖ‌ିବାକୁ ମିଳିଛି । ଅନ୍ୟପକ୍ଷରୁ ବିଜେଡି ରାଜ୍ୟ ସାଙ୍ଗଠନିକ ସଂପାଦକ ତଥା ଯାଜପୁରର ବିଧାୟକ ପ୍ରଣବ ପ୍ରକାଶ ଦାସ(ବବି) ତାଙ୍କ ଭାଇ ଭବପ୍ରସାଦ ଦାସ(ଲଲ)ଙ୍କୁ ଜୋରାଇ ଜର୍ମୀ ଓ ଶୁଭେଚ୍ଛୁଙ୍କ ନିବେଦନ କ୍ରମେ କୋରାଇ ଆସନରୁ ପ୍ରାର୍ଥୀ କରିବା ଲାଗି ଉଦ୍ୟମ କରୁଥିବା କୁହାଯାଉଛି।

ଫଳରେ ସୁକିନ୍ଦା ବିଧାୟକ ଶ୍ରୀ ଘଡେଇ ଓ ଯାଜପୁର ବିଧାୟକ ଶ୍ରୀ ଦାସ ଉଭୟେ କୋରାଇ ଆସନକୁ ନିଜ ହାତରେ ରଖୁବା ଲାଗି ପରିବାରରୁ ପ୍ରାର୍ଥୀ କରିବା ପାଇଁ ଲାଗିପଡିଥିବା କୁହାଯାଉଛି । ଫଳରେ କୋରାଇ ଆସନ ଲାଗି ଏବେ ଦାସ ଓ ଘଡେଇ ପରବିର ମଧ୍ୟରେ ଶୀତଳ ଯୁଦ୍ଧ ଲାଗିରହିଛି ।

କୋରାଇର ବିଜେଡି କର୍ମୀ ଏଥରେ ସୈନିଜ ସାଜି କେତେକ ଦାସ ଶିବିରରେ ତ ଆଉ କେତେକ ଘଡେଇ ଶିବିରରେ ରହି ପ୍ରାର୍ଥୀ ସପକ୍ଷରେ ଲବି କରୁଛନ୍ତି । ତେଣୁ ବିଜେଡିରେ କୋରାଇ ଆସନ ଲାଗି ପ୍ରାର୍ଥୀ ଘୋଷଣା ଯେତିକି ବିଳମ ହେଉଛି ; ପ୍ରାର୍ଥୀକ ସଂଖ୍ୟା କ୍ରମଶଃ ବଢ଼ୁଥିବା ଦେଖ‌ିବାକୁ ମିଳୁଛି । ଯାହାକି ଭୋଟରମାନଙ୍କୁ ରୋଚକ ସ୍ଥିତରେ ପଡୁଥ‌ିବା ଦେଖାଯାଉଛି l