ଓଡିଶା ତାଜା ନ୍ୟୁଜ୍ (୩୦ ଜୁଲାଇ ଗୁରୁବାର) କଳାହାଣ୍ଡି :- ଚଳିତ ବର୍ଷ ମାଟ୍ରିକ ପରୀକ୍ଷାରେ କଳାହାଣ୍ଡି ଜିଲ୍ଲାରେ ୭୦.୩୧ ପ୍ରତିଶତ ପାସହାର ରହିଥିବା ଜିଲ୍ଲା ଶିକ୍ଷାଧିକାରୀ ସୁଶାନ୍ତ କୁମାର ଚୋପେଦାର ପ୍ରକାଶ କରିଛନ୍ତି । ତେବେ ଜିଲ୍ଲାରେ ସର୍ବାଧିକ ନମ୍ବର ରଖି ଜିଲ୍ଲା ଟପ୍ପର ଛାତ୍ର ହେଉଛନ୍ତି ସୌରଭ କୁମାର। ଜୁନାଗଡ଼ ବ୍ଳକ ହାବସପୁର ଗ୍ରାମର କୃପାସିନ୍ଧୁ ନୋଡାଲ ସରକାରୀ ହାଇସ୍କୁଲର ଛାତ୍ର ସୌରଭ ୫୪୦(୯୦%) ନଂ ରଖି ଜିଲ୍ଲାରେ ପ୍ରଥମ ସ୍ଥାନ ଅଧିକାର କରିଛନ୍ତି । ହାବସପୁର ପଞ୍ଚାୟତ ଅମ୍ବାଦୋଲା ଗ୍ରାମର ମନ୍ଧର କୁମାର ଓ ତ୍ରେତୟା କୁମାରଙ୍କ ସାନପୁଅ ସୌରଭ ଅଟନ୍ତି । ଭବିଷ୍ୟତରେ ସେ ଜଣେ ଆଇଏଏସ୍ ଅଫିସର ହେବା ସହ ଲୋକଙ୍କ ସେବା କରିବେ ବୋଲି ପ୍ରକାଶ କରିଛନ୍ତି ।
( ରିପୋର୍ଟ – ପ୍ରଦୀପ କୁମାର ଗଉଡ )
