ଗାଁ କୁ ଫେରିଲା ଦାଦନ ଶ୍ରମିକ କର ମୃତ ଦେହ : ଟଙ୍କା ପାଇଁ ବନ୍ଧା ପଡିଛନ୍ତି ପରିବାର

10 ଜାନୁଆରୀ,୨୦୨୪ (ଓଡ଼ିଶା ତାଜା ନ୍ୟୁଜ୍ ) ପାଟଣାଗଡ଼ :-> ଜମ ଥୁ ବି ବଳି ଗଲା ଦାଦନ ଦୁଃଖ…ପୁଅ ର ମୃତ୍ୟୁ ପରେ ବି ପରିବାର କୁ ଛାଡିଲାଣି ଦାଦନ ସର୍ଦାର ମଧୁ ନାଏକ |ମୃତ ଦେହ କୁ ଗାଁ କୁ ପଠାଇ ଟଙ୍କା ପାଇଁ ପରିବାର ଲୋକଙ୍କୁ ବନ୍ଧା ରଖିଛି ସର୍ଦାର | ଏନେଇ ପରିବାର ଲୋକ ଥାନା ରେ ଅଭିଯୋଗ କି କାହାକୁ କିଛି କହିଲେ ସ୍ଥିତି ଭୟଭୟ ହେବ ବୋଲି ମଧ୍ୟ୍ୟ ଧମକ ଚକକ ଦେଉଥୁବା ପରିବାର ଲୋକ କହୁଛନ୍ତି | ଏମିତି କି 80 ହଜାର ଟଙ୍କା ନେଇ ଚୁପ ରହିବାକୁ ପରିବାର କୁ ଚାପ ଦେଉଥୁବା ମଧ୍ୟ୍ୟ ଅଭିଯୋଗ ହେଉଛି |

ତେବେ ଏମିତି ଘଟଣା ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲା ବେଲପଡା ଥାନା ଖଲଖଲି ଗାଁରେ | ଗାଁର 22 ବର୍ଷିଆପୁଅ କ୍ଷୀର ମହନ ମାଝୀ ପେଟ ପାଟଣା ପାଇଁ ଇଟାଭାତି କୁ କାମ କରିବାକୁ ଯାଇଥିବା ବେଳେ ଶ୍ରମିକ ର ମୃତ୍ୟୁ ହୋଇଛି ଜଣାପଡିଛି ତେବେ ସୁସ୍ଥ ସବଳ ଯବାନ ପୁଅ ର ମୃତ୍ୟୁ କୁ ସହଜରେ ଗ୍ରହଣ କରି ପାରୁନାହାନ୍ତି ପରିବାର ତାକୁ ଦାଦନ ସର୍ଦାର ନିର୍ଯାତନା ଦେବା ଫଳରେ ପୁଅ ର ଜୀବନ ଚାଲିଯାଇଥିବା ପରିବାର ଲୋକ ଅଭିଯୋଗ କରିଛନ୍ତି |

ଅନ୍ୟପଟେ ଯୁବକ କର ମୃତ୍ୟୁ ପରେ ବି ସର୍ଦାର ର ନିର୍ଯାତନା ଥମିବାର ନା ନେଉନି ଶବ ଏମ୍ବୁଲାନ୍ସ ଯୋଗେ ଗାଁ କୁ ପଠାଇ ଦେଇ ଟଙ୍କା ପାଇଁ ପରିବାର 6ଜଣକୁ ଶ୍ରମିକ କୁ ସର୍ଦାର ମଧୁ ନାଏକ ବନ୍ଧକ ରଖିଥିବା ପରିବାର ଲୋକ ଅଭିଯୋଗ କରୁଛନ୍ତି | ଟଙ୍କା ଫେରାଇଲେ ସେମାନଙ୍କୁ ଘର କୁ ଛାଡିଦେବୁ ନହେଲେ ଏଠାରେ କାମ କରିବେ ବୋଲି ପରିବାର ଉପରେ ଧମକ ଚକମ ଦେଉଥୁବା ଅଭିଯୋଗ ହେଉଛି |

ତେବେ ଏନେଇ ପରିବାର ଲୋକ ଭୟଭୀତ ଥିବା ବେଳେ ବନ୍ଧକ ପରିବାର କୁ ଫେରାଇ ଆଣିବାକୁ ଦାବି କରିଛନ୍ତି | ମିଳିଥିବା ସୂଚନା ଅନୁସାରେ ଡ୍ରେବିପାଳି ଗାଁର ଦାଦନ ସର୍ଦାର ମଧୁ ନାଏକ ଶ୍ରମିକ ପରିବାର କୁ ମୁଣ୍ଡପିଛା 30 ହଜାର ଟଙ୍କା ବଇନା ଦେଇ ଦାଦନ ଖଟାଇବାକୁ ନେଇଥିଲା | ଘଟଣା ପରେ ଦାଦନ ସର୍ଦାର ଫେରାର ଥିବାବେଳେ 80 ହଜାର ଟଙ୍କା ନେଇ ଘଟଣା କ୍ୟାପିଦେବାକୁ ପରିବାର ଲୋକଙ୍କ ଉପରେ ଚାପ ପକାଉଥିବା ଅଭିଯୋଗ ହେଉଛି |ଅନ୍ୟପଟେ ବାପ ର ମୃତ୍ୟୁ ପରେ ନିଜ ଭଉଣୀ ଆଉ ମା କୁ ନିଜେ ପ୍ରତିପୋଷଣ କରୁଥୁଲା କ୍ଷୀର | ଏବେ ପୁଅ ର ମୃତ୍ୟୁ ପରେ ଭାଙ୍ଗି ପଡିଛନ୍ତି ପରିବାର ସରକାରୀ ସହାୟତା ସହ ସର୍ଦାର ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ସେମାନେ ଦାବି କରିଛନ୍ତି | ଏନେଇ ପୁଲିସ ପ୍ରତିକ୍ରିୟା ମିଳିପାରିନାହିଁ |