୨୯ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ୍ ) ଖୋର୍ଦ୍ଦା ଜିଲ୍ଲା :-> ବୋଲଗଡ ବ୍ଳକ୍ ଅନ୍ତର୍ଗତ ଗୋପାଳପୁର ପଞ୍ଚାୟତର ତାଳତୁମ୍ବ ଗ୍ରାମର ପଶ୍ଚିମେଶ୍ୱର୍ ଦେବ ଉଚ୍ଚ ବିଦ୍ୟାଳୟର ୧୯୯୯ ମସିହାରେ ମାଟ୍ରିକ ପରୀକ୍ଷାରେ ପାସ୍ କରିଥିବା ଛାତ୍ର ଛାତ୍ରୀ ମାନେ ନିଜ ନିଜ ମଧ୍ୟରେ ମିତ୍ରତା ବଜାୟ ରଖିବା ଉଦ୍ଦେଶ୍ୟରେ ପ୍ରତି ବର୍ଷ ବିଭିନ୍ନ ସ୍ଥାନରେ ବନ୍ଧୁ ମିଳନ କାର୍ଯ୍ୟକ୍ରମ କରିଥାନ୍ତି । ଏ ବର୍ଷ ହାଇ ସ୍କୁଲ ଛାଡିବାର ୨୫ ବର୍ଷ ପୂର୍ତ୍ତି ଉପଲକ୍ଷେ ବନ୍ଧୁ ମିଳନର ରୌପ୍ୟ ଜୟନ୍ତୀ ପାଳନ ପାଇଁ ଓ ନିଜର ପୁରୁଣା ସ୍ମୃତିକୁ ମନେ ପକେଇବା ପାଇଁ ସେହି ଶିକ୍ଷାର ମନ୍ଦିର ପ୍ରାଙ୍ଗଣର ଟିକେ ସ୍ପର୍ଶ ଅନୁଭବ କରିବା ନିମିତ୍ତ ,
ସେମାନଙ୍କୁ ଶିକ୍ଷା ଦାନ କରିଥିବା ସେ ସମୟର ସମସ୍ତ ଶିକ୍ଷକ ଓ ଶିକ୍ଷୟତ୍ରୀ ମାନଙ୍କୁ ନିମନ୍ତ୍ରଣ କରାଯାଇଥିବାରୁ ,ଶ୍ରୀ ପୁରୁଷୋତ୍ତମ ବେହେରା,ଶ୍ରୀ ରବୀନ୍ଦ୍ର ନାୟକ, ଶ୍ରୀ ପବିତ୍ର ବେହେରା, ଶ୍ରୀ ପଞ୍ଚାନନ ମହାନ୍ତି, ଶ୍ରୀ ପ୍ରସନ୍ନ ଆଚାର୍ଯ୍ୟ, ଶ୍ରୀ ସୁଶିଲ ସାହୁ, ଶ୍ରୀଯୁକ୍ତ ଦେବୀ ପ୍ରସାଦ ମାନ୍ଧାତା, ଶ୍ରୀଯୁକ୍ତ ରଘୁନାଥ ଦଳବେହେରା, ଶ୍ରୀଯୁକ୍ତ ହରିବନ୍ଧୁ ତ୍ରିପାଠୀ, ଶ୍ରୀ ପ୍ରଭାକର ସାହୁ, ଶ୍ରୀ ପୂର୍ଣ୍ଣଚନ୍ଦ୍ରସାହୁ ଓ ଶିକ୍ଷୟତ୍ରୀ ଶ୍ରୀମତୀ ଜୟନ୍ତୀ ମିଶ୍ର ପ୍ରମୁଖ ଉକ୍ତ କାର୍ଯ୍ୟକ୍ରମରେ ଯୋଗ ଦେଇଥିଲେ । ଏହି କାର୍ଯ୍ୟକ୍ରମରେ ସ୍ଥାନୀୟ ଲୋକ ପ୍ରିୟ ସରପଞ୍ଚ ଶ୍ରୀଯୁକ୍ତ ପ୍ରଦୀପ କୁମାର ବାରିକଙ୍କୁ ସମ୍ମାନିତ ଅତିଥି ଭାବେ ଯୋଗଦେଇ ଥିଲେ।
ଉକ୍ତ ବ୍ୟାଚର ସଭାପତି ଶ୍ରୀ ପ୍ରକାଶ କୁମାର ନାୟକ, ସମ୍ପାଦକ ଶ୍ରୀ ମନୋଜ କୁମାର ନାୟକ, କୋଷାଧ୍ୟକ୍ଷ ଶ୍ରୀ ସଞ୍ଜୟ କୁମାର ନାୟକଙ୍କ ଅକ୍ଲାନ୍ତ ପରିଶ୍ରମ ବଳରେ ସମସ୍ତ ଛାତ୍ର ୧୯ ଓ ଛାତ୍ରୀ ୩୨ ଜଣ ସପରିବାର ପ୍ରାୟ ୧୫୦ ରୁ ଉର୍ଦ୍ଧ୍ବ ଯୋଗ ଦେଇଥିଲେ। ସକାଳ ୧୧ ଟା ୩୦ ମିନିଟରେ ତତ୍କାଳୀନ ୧୯୯୯ ମସିହାର ପ୍ରଧାନ ଶିକ୍ଷକ ଶ୍ରୀଯୁକ୍ତ ରଘୁନାଥ ଦଳବେହେରାଙ୍କ ଅଧ୍ୟକ୍ଷତାରେ ଜଗତର ନାଥ ଜଗନ୍ନାଥଙ୍କ ନିକଟରେ ପୁଷ୍ପ ଧୂପ ଦେଇ ପ୍ରଦୀପ ପ୍ରଜ୍ବଳନ କରି ସଭାକାର୍ଯ୍ୟ ଆରମ୍ଭ ହୋଇ ଥିଲା।ପୂର୍ବତନ ପ୍ରଧାନ ଶିକ୍ଷକ ଶ୍ରୀଯୁକ୍ତ ପୁରୁଷୋତ୍ତମ ବେହେରା ଅତି ସୁନ୍ଦର ଭାବରେ ମଞ୍ଚାପରିଚାଳନା କରିବା ସହ ଉପସ୍ଥିତ ଗୁରୁଜୀ ମାନଙ୍କ ପରିଚୟ ପ୍ରଦାନ କରିଥିଲେ।
ବର୍ତ୍ତମାନର ପ୍ରଧାନ ଶିକ୍ଷକ ହରିବନ୍ଧୁ ତ୍ରିପାଠୀଙ୍କୁ ବିଦ୍ୟାଳୟ ଉପଲକ୍ଷେ ଛାତ୍ର ଛାତ୍ରୀ ମାନଙ୍କ ତତଫରୁ ଏକ କାନ୍ଥ ଘଣ୍ଟା ସହ ମୋ ସ୍କୁଲ ପାଣ୍ଠି କୁ ପାଞ୍ଚ ହଜାର ଟଙ୍କା ପ୍ରଦାନ କରାଯାଇଥିଲା। ଉପସ୍ଥିତ ଶିକ୍ଷକ ମାନେ ଛାତ୍ର ଛାତ୍ରୀ ମାନଙ୍କ ଉଜ୍ଜ୍ୱଳ ଭବିଷ୍ୟତ କାମନା କରିବା ସହ ବିଦ୍ୟାଳୟର ଉନ୍ନତୀ ଉପଲକ୍ଷେ ଧ୍ୟାନ ଦେବା ପାଇଁ ଛାତ୍ର ଛାତ୍ରୀଙ୍କୁ କହିଥିଲେ। ପ୍ରଧାନ ଶିକ୍ଷକ ଶ୍ରୀ ହରିବନ୍ଧୁ ତ୍ରିପାଠୀଙ୍କ ପ୍ରସ୍ତାବ ଅନୁକ୍ରମେ ପଂଚାୟତର ସରପଞ୍ଚ ଶ୍ରୀ ବାରିକ ବିଦ୍ୟାଳୟର ଉନ୍ନତି ନିମନ୍ତେ ତୁରନ୍ତ ପାଞ୍ଚଲକ୍ଷ ଟଙ୍କାର ଅନୁଦାନ ଅର୍ଥ ଘୋଷଣ କରିଥିଲେ। ସମସ୍ତଙ୍କ ପାଇଁ ଖାଦ୍ୟର ବ୍ୟବସ୍ଥା କରାଯାଇଥିଲା। ସର୍ବସେଶରେ ଛାତ୍ର ସଭାପତି ଶ୍ରୀ ପ୍ରକାଶ କୁମାର ନାୟକ ସମସ୍ତ ଶିକ୍ଷକ ଶିକ୍ଷୟତ୍ରୀ,ସହପାଠୀ ଓ ପରିବାର ବର୍ଗଙ୍କୁ ଧନ୍ୟବାଦ୍ ଅର୍ପଣ କରିଥିଲେ।
