୭ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ବୋଲଗଡ :-> ବୋଲଗଡର ବରିଷ୍ଠ ସାମ୍ବାଦିକ ପୂର୍ବତନ ପଞ୍ଚାୟତ ସମିତି ଅଧକ୍ଷ, ଭାରତୀୟ ଜନତା ପାର୍ଟି ର ବୋଲଗଡ ମଣ୍ଡଳ ସଭାପତି ରଘୁନାଥ ଷଡ଼ଙ୍ଗୀ ଙ୍କ ମାତା ଚନ୍ଦ୍ରମଣି ଷଡ଼ଙ୍ଗୀ ୮୦ ବର୍ଷ ବୟସ ଆଜି ଗୁରୁବାର ସକାଳ ନଅଟା ସମୟରେ ଇହଲିଳା ସମ୍ବରଣ କରିଛନ୍ତି । ସେ ଜଣେ ଧର୍ମ ପରାୟଣ, ପରୋପକାରୀ , ସମାଜସେବୀ ଥିଲେ , ତାଙ୍କ ମରଶରୀରକୁ ବୋଲଗଡସ୍ଥ ବାସ ଭବନରୁ ଏକ ଶୋଭାଯାତ୍ରାରେ ନିଆଯାଇ ଘୋରାଡିଆ ଗ୍ରାମ ଶ୍ମଶାନରେ ସତ୍କାର କରାଯାଇଥିଲା ।
ଏକମାତ୍ର ପୁତ୍ର ରଘୁନାଥ ଷଡ଼ଙ୍ଗୀ ମୁଖାଗ୍ନି ଦେଇ ଥିଲେ । ମର ଶରୀର ନିକଟରେ ପୁଅ , ବୋହୂ , ଝିଅ , ଜ୍ବାଇଁ , ପୁତୁରା , ବୋହୂ , ନାତି ନାତୁଣୀ , ଭଣଜା , ଭାଣେଜି ଓ ଅନ୍ର୍ଜାତୀୟ ସ୍ୱଜନ ,ବନ୍ଧୁ ବାନ୍ଧବ ସମସ୍ତେ ଉପସ୍ଥିତ ଥିଲେ । ତାଙ୍କ ମୃତ୍ୟୁରେ ଭୁବନେଶ୍ୱର ସଂସଦ ଅପରାଜିତା ଷଡ଼ଙ୍ଗୀ ।ବି ଜେ ପି ନେତା ପ୍ରକାଶ ରଣବିଜୁଳି ,
ଲୋତକ ପଟ୍ଟନାୟକ , ଆର୍ତ୍ତବନ୍ଧୁ ପ୍ରଧାନ , କଂଗ୍ରେସ ବ୍ଲକ ସଭାପତି ସଂଜୟ କୁମାର ସୁବୁଦ୍ଧି , ପୃଥି ବଲ୍ଲଭ ପଟ୍ଟନାୟକ , ସମାଜସେବୀ ରବୀନ୍ଦ୍ର କୁମାର ପରିଡ଼ା , ଗୋପୀନାଥ ଖାଡଙ୍ଗା , ବିଜେଡି ନେତା ଶୁଭେନ୍ଦୁ କୁମାର ସାହୁ । ଯୁବ ନେତା ପ୍ରମୋଦ କୁମାର ମାନ ଧାତା, ତପନ ବେବର୍ତ୍ତା ପଟ୍ଟନାୟକ । ଅଶୋକ କୁମାର ରାଉତ ସମେତ ବୋଲଗଡ ବ୍ଲକ ଅଞ୍ଚଳର ବହୁ ସାମ୍ବାଦିକ ଓ ବ୍ଲକ ଅଞ୍ଚଳର ସରପଞ୍ଚ, ସମିତି ସଭ୍ୟ ପ୍ରମୁଖ ବାସଭବନରେ ପହଞ୍ଚି ଶୋକ ପ୍ରକାଶ କରିଥିଲେ ।
