ରାଇରଙ୍ଗପୁର ନୂତନ ଜିଲ୍ଲା ଦାବି ନେଇ କ୍ରିୟାନୁଷ୍ଠାନ କମିଟିର ସର୍ବଦଳୀୟ ବୈଠକ ଅନୁଷ୍ଠିତ

୫ ଡିସେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> ଓଡ଼ିଶାର ସର୍ବବୃହତ୍ତମ ଆଦିବାସୀ ଅଧ୍ୟୁଷିତ ବଣ ଜଙ୍ଗଲ , ନଦୀ, ନାଳ , ,ପାହାଡ ପର୍ବତ ଘାଟୀ ପରିବେଷ୍ଟିତ ମୟୂରଭଞ୍ଜ ଜିଲ୍ଲା ହେଉଛି ସବୁଠାରୁ ବଡ ଜିଲ୍ଲା । ଏହି ଜିଲ୍ଲାରେ ୪ ଟି ଉପଖଣ୍ଡ ରହିଛି । ସେଥି ମଧ୍ଯ ରୁ ବାମନଘାଟୀ ଉପଖଣ୍ଡ ଅନ୍ଯତମ ଉପଖଣ୍ଡ ଅଟେ , ଏହା ୭ ଟି ବ୍ଳକ ଓ ଗୋଟିଏ ରାଇରଙ୍ଗପୁର ମ୍ୟୁନିସିପାଲଟିକୁ ନେଇ ଗଠିତ ।ସିମାନ୍ତ ତିରିଂ ରୁ ଜିଲ୍ଲା ବାରିପଦା ସଦର ମହକୁମା ୧୬୦ ରୁ ୭୦ କିମି ଦୂରତା ରହିଛି । ସ୍ବାସ୍ଥ୍ୟ, ବିଜୁଳି, ଶିକ୍ଷା, ଗମନାଗମନ,ପାନୀୟ ଶିଳ୍ପ ସବୁଥିରେ ପଛୁଆ ।

ଖଣିଜ ସମ୍ପଦ ଭରପୁର ଥାଇ କୌଣସି ଶିଳ୍ପ ନାହିଁ ଭୌଗଳିକ ଦୃଷ୍ଟିରୁ ଦୁଆରଶୁଣୀ ଘାଟୀ ମୟୂରଭଞ୍ଜକୁ ଦୁଇ ଭାଗ କରି ରଖିଛି । ତେଣୁ ଏହି ପଛୁଆ ଆଦିବାସୀ ଅଧ୍ୟୁଷିତ ଅଂଚଳରେ ସବୁ ଜାଗାକୁ ପୋଲିସ ସେବା ହେଉ କି , ସ୍ବାସ୍ଥ୍ୟ ସେବା ହେଉ , ସରକାରୀ ପ୍ରଶାସନ ଠିକ୍ ସମୟରେ ପହଞ୍ଚି ପାରୁ ନାହାଁନ୍ତି । ତେଣୁ ଲୋକେ ପ୍ରଶାସନର ସୁଫଳ ପାଇପାରୁ ନାହାନ୍ତି । ଏଥିପାଇଁ ବାମନଘାଟି ଉପଖଣ୍ଡବାସୀ ଦୀର୍ଘବର୍ଷ ଧରି ନୂତନ ଜିଲ୍ଲା ପାଇଁ ଜୋରଦାର ଆନ୍ଦୋଳନ କରି ଆସିଛି । ବିଗତ ଦିନ ଗୁଡିକରେ ଅନେକ ଶୋଭାଯାତ୍ରା , ଅନେକ ହରତାଳ କରିବା ସହିତ ମୁଖ୍ୟମନ୍ତ୍ରୀ,ରାଜ୍ୟପାଳ,୫ ଟି ସଚିବ, ଓ ମହାମହିମ ରାଷ୍ଟ୍ରପତିଙ୍କୁ ଏହି ବିଷୟରେ ଲିଖିତ ଦାବିପତ୍ର ପ୍ରଦାନ କରାଯାଇଅଛି ବୋଲି କର୍ମକର୍ତ୍ତା ମାନେ ପ୍ରକାଶ କରିଛନ୍ତି ।

କହିବାକୁ ଗଲେ ରାଇରଙ୍ଗପୁର ମଧ୍ୟ ରାଷ୍ଟ୍ରପତିଙ୍କ ବାସଭବନ ରହିଛି । ନୂତନ ଜିଲ୍ଲା ଗଠନ ପାଇଁ ଯାହାକିଛି ଭିତ୍ତିଭୂମି ଆବଶ୍ୟକ ତାହା ସବୁକିଛି ରାଇରଙ୍ଗପୁର ର ମାଟିରେ ରହିଛି । ତେଣୁ ରାଜ୍ୟ ସରକାର ଘୋଷଣା କରିଥିବା ପଦ୍ମପୁରକୁ ନୂତନ ଜିଲ୍ଲାକୁ କାର୍ଯ୍ୟ କରିବାପାଇଁ ଯୁଦ୍ଧକାଳୀନ ପ୍ରସ୍ତୁତି ହେଉଛନ୍ତି । ସେହି ପରିପ୍ରେକ୍ଷୀରେ ରାଇରଙ୍ଗପୁର ଜିଲ୍ଲାକୁ ମଧ୍ୟ ମାନ୍ୟତା ଦେବା ନେଇ ଆଜି ରାଇରଙ୍ଗପୁରସ୍ଥ କଲ୍ୟାଣ ମଣ୍ଡପ ଠାରେ ରାଇରଙ୍ଗପୁର ନୂତନ ଜିଲ୍ଲା କ୍ରିୟାନୁଷ୍ଠାନ କମିଟିର ଏକ ସର୍ବଦଳୀୟ ବୈଠକ ଅନୁଷ୍ଠିତ ହୋଇଥିଲା ।

ଖୁବଶୀଘ୍ର ଏକ ସ୍ବତନ୍ତ୍ର ଦଳ ସେମାନେ ଭୁବନେଶ୍ୱର ଯାଇ ମାନ୍ୟବର ମୁଖ୍ୟମନ୍ତ୍ରୀ ଏବଂ ୫ ଟି ସଚିବ ଭି କେ ପାଣ୍ଡିଆନକୁ ସାକ୍ଷାତ କରି ନୂତନ ଜିଲ୍ଲା ମାନ୍ୟତା ଦେବା ପାଇଁ ଆଲୋଚନା ସହ ଏକ ଲିଖିତ ଦାବିପତ୍ର ପ୍ରଦାନ କରିବେ ବୋଲି ସର୍ବ ସମ୍ମତି କ୍ରମେ ନିଷ୍ପତ୍ତି ହୋଇଥିଲା ଭୁବନେଶ୍ଵରରୁ ଫେରିବାପରେ ଏକ ବୈଠକ ବସିବ ଏବଂ ପରବର୍ତ୍ତୀ କାର୍ଯ୍ୟକ୍ରମର ନିଷ୍ପତ୍ତି ନିଆଯିବ ବୋଲି କ୍ରିୟାନୁଷ୍ଠାନ କମିଟି ସଭାପତି ସୂଚନା ଦେଇଛନ୍ତି ।। ଏଥିରେ ରାଇରଙ୍ଗପୁର ବିଧାୟକ ନବ ଚରଣ ମାଝି, ରାଇରଙ୍ଗପୁର ପୌରାଧ୍ଯକ୍ଷ ଅଭିଷେକ ପଟ୍ଟନାୟକ,ବରିଷ୍ଠ ବିଜେପି ନେତା ମନୋରଂଜନ ମହାନ୍ତି,ପ୍ରାକ୍ତନ କଂଗ୍ରେସ ବିଧାୟକ ଲକ୍ଷ୍ମଣ ମାଝୀ,ପ୍ରାକ୍ତନ ବିଧାୟକ ପ୍ରହଲ୍ଲାଦ ପୂର୍ତି, ମୟୂରଭଞ୍ଜ ସଦର ବିଜେଡି ଜିଲ୍ଲା ସଭାପତି କାଶୀନାଥ ହେମ୍ବ୍ରମ,

ସମାଜସେବୀ ରାଇସେନ ମୁର୍ମୁ,ଓରାଜ୍ୟ ବିଜେପି କାର୍ଯ୍ୟକାରିଣୀ ସଦସ୍ୟ ସଂଜୀବ ମହାନ୍ତି,ଵରିଷ୍ଠବିଜେପି ନେତା ଈଶାନ ମିଶ୍ର, ସମାଜସେବୀ ସେବା ନିବୃତ ପୋଲିସ ଅଧିକାରୀ ରାଇସେନ ମୁର୍ମୁ,ବିଜେଡି ନେତ୍ରୀ ତନୁଜା ମହାନ୍ତ,ରୋଟାରୀ କ୍ଲବ ସଭାପତି କାଳୀପ୍ରସନ୍ନ ମହାନ୍ତି,ଅଧ୍ୟାପକ ବିଜୟ‌ରାମ,ଆବାହକ କିଶୋର ରଜକଷ ତିରିଂ ବ୍ଳକ ଅଧ୍ୟକ୍ଷ ପରମେଶ୍ବର ସାମାଡ, ସମାଜସେବୀ ଗୋପାଲ ଵେଶ୍ରା,ରାଇରଙ୍ଗପୁର ବ୍ଳକ ଅଧ୍ୟକ୍ଷ ଜ୍ଞାନ ରଂଜନ ହେମ୍ରମ,କୁସୁମୀ ବ୍ଳକ ଜିଲ୍ଲା ପରିଷଦ ସଦସ୍ୟ ରାମଚନ୍ଦ୍ର ମୁର୍ମୁ,ଜାମଦା ବ୍ଳକ ଜିଲ୍ଲା ପରିଷଦ ସଦସ୍ୟ ପୂର୍ଣ ମାର୍ଣ୍ଡୀ,, ରାଇରଙ୍ଗପୁର ମ୍ୟୁନିସିପାଲିଟିର କାଉନସିଲର ବୃନ୍ଦ ପ୍ରମୁଖ ଉପସ୍ଥିତ ରହି ନୂତନ ଜିଲ୍ଲା ଗଠନ ସମ୍ବନ୍ଧରେ ନିଜସ୍ବ ମତ ଦେଇଥିଲେ ।