ରାଇରଙ୍ଗପୁର ଉପଖଣ୍ଡ ସ୍ତରୀୟ ବିଶ୍ବ ପ୍ରେସ୍ ଦିବସ ପାଳିତ ହୋଇଯାଇଛି

୧୬ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ରାଇରଙ୍ଗପୁର :-> ମୟୂରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡ ଉପଜିଲ୍ଲାପାଳ ଙ୍କ ସମ୍ମିଳନୀ କକ୍ଷ ଠାରେ ପୂର୍ବାହ୍ନ ସମୟରେ ରାଇରଙ୍ଗପୁର ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀ ବିକାଶ ରଞ୍ଜନ ମହାନ୍ତିଙ୍କ ଆବାହକ ରେ ବାମନଘାଟୀ ଉପଜିଲ୍ଲାପାଳ ଶ୍ରୀଯୁକ୍ତ ସରୋଜ କୁମାର ଦାଶ ଙ୍କ ସଭାପତିତ୍ବ ରେ ବାମନଘାଟୀ ଉପଖଣ୍ଡ ର ବିଭିନ୍ନ ଗଣ ମାଧ୍ୟମ ର ପ୍ରତନିଧି ମାନେ ଉପସ୍ଥିତ ହୋଇଥିଲେ । ଗଣମାଧ୍ୟମ ପ୍ରତିନିଧି ମାନେ ଉପଖଣ୍ଡ ସ୍ତରୀୟ ଜାତୀୟ ପ୍ରେସ ଦିବସ ପାଳିତ ରେ ସହଭାଗିତା ଦେଖିବାକୁ ମିଳିଥିଲା ।

କାର୍ଯ୍ୟକ୍ରମ ପ୍ରାରମ୍ଭ ରେ ଶ୍ରୀ ମହାନ୍ତି କାର୍ଯ୍ୟକ୍ରମ କୁ ସମସ୍ତଙ୍କୁ ସ୍ୱାଗତ କରିବା ସହ ଶୁଭେଚ୍ଛା ସହ ଅଭିନନ୍ଦନ ଜଣାଇ ଥିଲେ । ଚଳିତ ବର୍ଷର ଆଲୋଚନା ବିଷୟ ବସ୍ତୁ କୁ ପ୍ରେସ୍ ଦିବସ କାଉନସିଲ ଦ୍ୱାରା ପ୍ରଦତ୍ତ ଶୀର୍ଷକ ଥିଲା “କୃତ୍ରିମ ମେଧା ଯୁଗରେ ରେ ଗଣମାଧ୍ୟମ” Media in the Era of Artificial Intelligence ” ଉପରେ ଆଲୋଚନା ହୋଇଥିଲା. ଏହି ଅବସରରେ ଉପଜିଲ୍ଲାପାଳ ଶ୍ରୀଯୁକ୍ତ ଦାଶ ତାଙ୍କ ଅଭିଭାଷଣ ରେ କହିଥିଲେ କି ସମାଜ ର ବିକାଶ ରେ ଗଣମାଧ୍ୟମ ର ଭୂମିକା ଅତ୍ୟନ୍ତ ଗୁରୁତ୍ୱ ପୂର୍ଣ୍ଣ.

ପ୍ରାକୃତିକ ବିପର୍ଯୟ ସମୟ ରେ ହେଉ କିମ୍ବା କରୋନା ଭଳି ମହାମାରୀ ବିପତ୍ତି ସମୟ ରେ ହେଉ ବା କୌଣସି ଆନନ୍ଦ ଉଲ୍ଲାସ ମୁହୂର୍ତ ରେ ହେଉ ଗଣମାଧ୍ୟମ ଅବିରତ ତାର ଭୂମିକା କୁ ଯଥା ଯଥ ନିର୍ବାହ କରିଥାଏ. ଗଣତନ୍ତ୍ର ର 4 ଟି ସ୍ତମ୍ଭ ମଧ୍ୟରୁ ଚତୁର୍ଥ ସ୍ତମ୍ଭ ଟି ଅନ୍ୟ 3 ଟି ଅପେକ୍ଷା ଅଧିକ ସୁଦୃଢ.ସାମ୍ବାଦିକତା ର ମୌଳିକ ନୀତି ହେଉଛି ଜନସାଧାରଣ ଙ୍କ ପାଖରେ ସତ୍ୟ, ବସ୍ତୁନିଷ୍ଟ ଓ ଉତ୍ତମ ମାନର ନିରପେକ୍ଷ ସମ୍ବାଦ ପହଂଚାଇବା.

ସାମ୍ବାଦିକ ମାନେ ହେଲେ ରାଷ୍ଟ୍ର ର ଜାଗ୍ରତ ପ୍ରହରୀ. ସେଇ ଦୃଷ୍ଟି ରୁ ସାମ୍ବାଦିକ ମାନେ ଯଦି ବାହ୍ୟ ଶକ୍ତି ଦ୍ୱାରା ପ୍ରଭାବିତ ହୋଇ ନିଜ କର୍ତ୍ତବ୍ୟ ରୁ ବିଚ୍ୟୁତ ହୁଅନ୍ତି ଏବଂ ଭୁଲ ସମ୍ବାଦ ପରିବେଶଣ କରନ୍ତି ତେବେ ରାଷ୍ଟ୍ର ର ପ୍ରଗତି ଅସମ୍ଭବ. ପ୍ରତିକୁଳ ପରିସ୍ଥିତି ରେ ଜନ କଲ୍ୟାଣ ପାଇଁ ସାମ୍ବାଦିକ ସ୍ୱର ଉତ୍ତୋଳନ କରିଥାନ୍ତି ଯାହାର ସୁଫଳ ପରବର୍ତୀ ସମୟ ରେ ସାମଗ୍ରିକ ଭାବେ ଲୋକ ମାନେ ପାଇଥାନ୍ତି. ତେଣୁ ସତ୍ୟ, ନିରପେକ୍ଷ ଗଠନ ମୂଳକ ସମ୍ବାଦ ପରିବେଷଣ ସାମ୍ବାଦିକ ମାନଙ୍କ ଆଭିମୁଖ୍ୟ ହେବା ଉଚିତ.

ଆଲୋଚ୍ୟ ବିଷୟ ଉପରେ ଆଲୋକପାତ କରି କହିଥିଲେ କି ଏକ ବିକାଶନ୍ମୁଖୀ ରାଷ୍ଟ୍ର ପାଇଁ ଗଣମାଧ୍ୟମ କ୍ଷେତ୍ର ରେ କୁତ୍ରିମ ମେଧା ର ଉପଯୋଗ ବିସ୍ତାରିତ ହେଲେ ଆଗାମୀ ଦିନରେ ଏହା ଗଣମାଧ୍ୟମ ଦୃଶ୍ୟ ପଟରେ ନିଶ୍ଚିତ ଭାବେ ଏକ ନୂତନ ଅଧ୍ୟାୟ ସୃଷ୍ଟି କରିବ. କାରଣ ଆଧୁନିକ ବୈଷୟିକ ଜ୍ଞାନ କୌଶଳ ଦ୍ୱାରା ଗଣମାଧ୍ୟମ ପରିପୃଷ୍ଠ ହେବ ଏବଂ ଯୁଗୋପଯୋଗୀ ହୋଇ ଲୋକମାନଙ୍କ ପାଇଁ ଅଧିକ ଅସ୍ଥାଭାଜନ ହେବ.

ଏହି ଅବସରରେ ବିଭିନ୍ନ ଗଣମାଧ୍ୟମ ର ପ୍ରତିନିଧି ମାନେ ଗଣମାଧ୍ୟମ କ୍ଷେତ୍ର ରେ କୁତ୍ରିମ ମେଧା ଉପଯୋଗ ର ଉଭୟ ଦିଗକୁ ବିଚାର କରି କୃତ୍ରିମ ମେଧା ଓ ପ୍ରାକୃତିକ ମେଧା ର ସମନ୍ୱୟ ରେ ସମାଜ ର ହିତ ପାଇଁ ସଠିକ ସମ୍ବାଦ ପରିବେଷଣ ଉପରେ ନିଜ ନିଜର ସୁଚିନ୍ତିତ ମତାମତ ରଖିଥିଲେ ଏବଂ ସେମାନଙ୍କ ବିଭିନ୍ନ ସମସ୍ୟା ବିଷୟରେ ଉପଜିଲ୍ଲାପାଳ ଙ୍କ ଦୃଷ୍ଟି ଆକର୍ଷଣ କରିଥିଲେ.

ଏହି ଅବସରରେ ନିକଟରେ ଅତୀତ ରେ ମୃତ୍ୟୁବରଣ କରିଥିବା ସାମ୍ବାଦିକ ମାନଙ୍କ ଅମର ଆତ୍ମା ର ସଦଗତି ପାଇଁ ଦୁଇ ମିନିଟ ନିରବ ପ୍ରାର୍ଥନା କରାଯାଇଥିଲା. ଆଜିର ଅନୁଷ୍ଠିତ ଉକ୍ତ କାର୍ଯ୍ୟକ୍ରମ ପରିଚାଳନା ରେ ଉପଖଣ୍ଡ ସୂଚନା ଲୋକ ସମ୍ପର୍କ କାର୍ଯ୍ୟାଳୟ ର ନିକ୍ଷେପକ ଶ୍ରୀ ପ୍ରଫୁଲ୍ଲ କୁମାର ସାହୁ, ଗ୍ରନ୍ଥାଗାରିକ ଶ୍ରୀ ହରିଶ ଚନ୍ଦ୍ର ମହାପାତ୍ର ଓ ପିଅନ ସଂଗ୍ରାମ ବିଶ୍ୱାଳ ସହଯୋଗ କରିଥିଲେ.