ଶିଶୁ ଦିବସରେ ୧୧୦ ଶିଶୁଙ୍କୁ ପୁରସ୍କୃତ କଲା ସତ୍ୟମ

୧୪ ନଭେମ୍ବର ୨୦୨୩ (ଓଡ଼ିଶା ତାଜା ନ୍ୟୁଜ ) ନୟାଗଡ଼ :-> ସ୍ଥାନୀୟ ଶିକ୍ଷାନୁଷ୍ଠାନ ସତ୍ୟମ ତରଫରୁ ଆଜି ଶିଶୁ ଦିବସ ଅବସରରେ ୧୧୦ ଜଣ ଶିଶୁ ଙ୍କୁ ପୁରସ୍କାର ବଣ୍ଟନ କରାଯାଇଛି । ଶିଶୁ ଦିବସ ପାଇଁ ଅନୁଷ୍ଠିତ ହୋଇଥିବା ବିଭିନ୍ନ ପ୍ରତିଯୋଗିତାରେ ନୟାଗଡ଼ ପୌରାଞ୍ଚଳ ରେ ଅବସ୍ଥିତ ସମସ୍ତ ସ୍କୁଲର ପ୍ରାୟ ୪୦୦ ରୁ ଉର୍ଦ୍ଧ୍ବ ପିଲା ଭାଗ ନେଇଥିଲେ । ଏହି ପିଲା ମାନଙ୍କ ମଧ୍ୟରୁ ଯୋଗ୍ୟ ବିବେଚିତ ଛାତ୍ର ଛାତ୍ରୀ ମାନଙ୍କୁ ଆଜି ସଂଧ୍ୟାରେ ଏକ ପୁରସ୍କାର ବିତରଣ ଉତ୍ସବରେ ପ୍ରମାଣପତ୍ର ସହ ମେଡାଲ ଓ ଟ୍ରଫି ବଣ୍ଟନ କରାଯାଇଥିଲା।

ସତ୍ୟମ ର ନିର୍ଦେଶକ ରୋଟାରିଆନ ଧିରେନ୍ଦ୍ର ପଟ୍ଟନାୟକଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭାରେ ମୂଖ୍ୟ ଅତିଥି ଭାବେ ନୟାଗଡ଼ ମୁନିସିପାଲିଟି ଅଧକ୍ଷା ନିରୂପମା ଖଟେଇ ଓ ସମ୍ମାନିତ ଅତିଥି ଭାବେ ସୁର ଗନ୍ଧର୍ବ ନବକିଶୋର ମିଶ୍ର ଯୋଗ ଦେଇଥିଲ । ସତ୍ୟମ ର ଏହି କାର୍ଯ୍ୟକ୍ରମ ଲୁକ୍କାୟିତ ପ୍ରତିଭାଙ୍କୁ ବାହାର କରିବାରେ ସହାୟକ ହେବ ବୋଲି ମୂଖ୍ୟ ଅତିଥି କହିଥିଲେ ।

ସମ୍ମାନିତ ଅତିଥି ନବକିଶୋର ମିଶ୍ର ଅବିଭାବକ ଙ୍କ ସହ ପିଲା ମାନଙ୍କୁ ଅଭିନନ୍ଦନ ଜଣାଇବା ସହ ସତ୍ୟମ ଏହିପରି କାର୍ଯ୍ୟକ୍ରମ ଆଗାମୀ ଦିନରେ ଜାରି ରଖୁ ବୋଲି ମତବ୍ୟକ୍ତ କରିଥିଲେ। ଆଜିର ଏହି କାର୍ଯ୍ୟକ୍ରମ କୁ ସତ୍ୟମ ର କମ୍ପ୍ୟୁଟର ଶିକ୍ଷକ ସୁଶାନ୍ତ ପାଇକରାୟ ପରିଚାଳନା କରିଥିବା ବେଳେ କର୍ମଚାରୀ ପ୍ରଦୀପ ବରାଡ଼, କାଜଲ ଡାକୁଆ, ମଳୟ ଡାକୁଆ ଓ ଛାତ୍ର ଛାତ୍ରୀ ମାନେ ସହାୟତା କରିଥିଲେ। ଆଗାମୀ ଦିନରେ ଏପରି କାର୍ଯ୍ୟକ୍ରମ ଜିଲ୍ଲାସ୍ତରରେ ଆୟୋଜନ କରାଯିବ ବୋଲି ସତ୍ୟମ ର ନିର୍ଦେଶକ ସୂଚନା ଦେଇଛନ୍ତି ।