ନାଚୁଣୀ ମହାବିଦ୍ୟାଳୟ ଓଡ଼ିଆ ବିଭାଗ ର ପାଠଚକ୍ର

୨୧ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ )ବାଲୁଗାଁ :-  ନାଚୁଣୀ ମହାବିଦ୍ୟାଳୟ ର ଓଡ଼ିଆ ଭାଷା ସାହିତ୍ୟ ବିଭାଗର ସତ୍ୟବାଦୀ ସାହିତ୍ୟ:ଆଭିମୁଖ୍ୟ ଓ ଯୁଗାଦର୍ଶ ଶୀର୍ଷକ ଏକ ପାଠଚକ୍ର ଅନୁଷ୍ଠିତ ହୋଇ ଯାଇଛି। ବିଭାଗୀୟ ମୁଖ୍ୟ ପ୍ରାଧ୍ୟାପକ ରାଜକିଶୋର ସାହୁ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ପାଠ୍ୟଚକ୍ର କୁ ଆନୁଷ୍ଠାନିକ ଭାବେ ପ୍ରଦୀପ ପ୍ରଜ୍ଜ୍ୱଳନ କରି ଉଦଘାଟନ କରିଥିଲେ ମହାବିଦ୍ୟାଳୟ ର ଅଧ୍ୟକ୍ଷ ନାରାୟଣ ବଳିୟାର ସିଂହ। ଗମ୍ଭାରୀ ମୁଣ୍ଡା ସ୍ଥିତ ପରଶୁରାମ ମହାବିଦ୍ୟାଳୟ ର ପ୍ରାକ୍ତନ ଅଧ୍ୟାପକ ପ୍ରଦୀପ୍ତ କୁମାର ଶତପଥୀ -ମୁଖ୍ୟଅତିଥି, ନାଚୁଣୀ ମହାବିଦ୍ୟାଳୟ ର ରାଜନୀତି ବିଜ୍ଞାନ ବିଭାଗ ର ଅଧ୍ୟାପକ ଶାନ୍ତନୁ କୁମାର ମିଶ୍ର,

ରସାୟନ ବିଜ୍ଞାନ ର ଅଧ୍ୟାପକ ଦିଲ୍ଲୀପ କୁମାର ବେହେରା, ଉଦ୍ଭିଦ ବିଜ୍ଞାନ ର ଅଜିତ କୁମାର ମିଶ୍ର, ସଂସ୍କୃତ ବିଭାଗର ମୁଖ୍ୟ ଡଃ ସୁଭଦ୍ରା ଭୋଳ ପ୍ରମୁଖ ସତ୍ୟବାଦୀ ଯୁଗ ର ଓଡ଼ିଆ ସାହିତ୍ୟ ଓ ତାର ଆଭିମୁଖ୍ୟ, ଦର୍ଶନ ସଂପର୍କରେ ଆଲୋଚନା ରଖିଥିଲେ। ପାଠଚକ୍ର ର ସମ୍ପାଦିକା ଛାତ୍ରୀ ସୋନାଲୀ ମାଝୀ ସାମଗ୍ରିକ ସନ୍ ଯୋଜନା କରିଥିବା ବେଳେ ଓଡ଼ିଆ ବିଭାଗ ର ଅଧ୍ୟାପକ ପ୍ରଦୀପ କୁମାର ମିଶ୍ର,ଲିକୁ ବେହେରା, ଅଧ୍ୟାପିକା ରାଜଲକ୍ଷ୍ମୀ ବେହେରା ଙ୍କ ତତ୍ତ୍ଵାବଧାନରେ ଛାତ୍ରୀ ସୁଜାତା ସେଣ, ଲିଜା ବେହେରା, ଜ୍ୟୋତି ରାଣୀ ପ୍ରଧାନ ସ୍ବରଚିତ ନିବନ୍ଧ ପାଠ କରିଥିଲେ। ଦ୍ଵିତୀୟ ବର୍ଷର ଛାତ୍ରୀ ସଂଘମିତ୍ରା ସାହୁ ଧନ୍ୟବାଦ ପ୍ରଦାନ କରିଥିଲେ।