୩ ଅକ୍ଟୋବର ୨୦୨୩ (ଓଡ଼ିଶା ତାଜା ନ୍ୟୁଜ ) କଟକ :->କଟକ ସ୍ଥିତ ଇଣ୍ଡିଗୋ ଉଚ୍ଚ ମାଧ୍ୟମିକ ବିଜ୍ଞାନ ଓ ବାଣିଜ୍ୟ ବିଦ୍ୟାଳୟ ପରିସରରେ ଗାନ୍ଧିଜୀ ଓ ଶାସ୍ତ୍ରୀଜୀଙ୍କ ଜୟନ୍ତୀ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ବିଦ୍ୟାଳୟର ଅଧ୍ୟକ୍ଷ ଡକ୍ଟର ଭାଗବତ ଶୁକ୍ଳଙ୍କ ଅଧ୍ୟକ୍ଷତା କରି କହିଥିଲେ ଅହିଂସା ଓ ସତ୍ୟର ପୂଜାରୀ ଥିଲେ ଗାନ୍ଧିଜୀ ଏବଂ ସାଧାରଣ ଜୀବନ ବିତାଇ ଅସାଧାରଣ ନେତା ଥିଲେ ଲାଲ୍ ବାହାଦୁର ଶାସ୍ତ୍ରୀ । ଏହି କାର୍ଯ୍ୟକ୍ରମରେ ଅନୁଷ୍ଠାନର ସମ୍ପାଦକ ଭବାନୀ ପ୍ରସାଦ ମିଶ୍ର ସ୍ବାଗତ ଭାଷଣ ପ୍ରଦାନ କରି କହିଲେ ଭାରତୀୟ ତିନି ଜଣଙ୍କ ନିକଟରେ କୃତଜ୍ଞତା ଜ୍ଞାପନ କରେ ,
ସେମାନେ ହେଲେ ବାପା , ମାଆ ଏବଂ ଗାନ୍ଧୀଜୀ । ମୁଖ୍ୟ ଅତିଥି ଭାବରେ ଯୋଗଦେଇ ବିଶିଷ୍ଟ ଗାନ୍ଧୀବାଦୀ ପ୍ରବକ୍ତା ଡକ୍ଟର ବିଶ୍ବଜିତ ରାୟ କହିଥିଲେ ଗାନ୍ଧିଜୀ ଜଣେ ମଣିଷ ନଥିଲେ , ଗାନ୍ଧିଜୀ ଥିଲେ ବିଶ୍ବର ଆଦର୍ଶ ଏବଂ ବିଚାର ଧାରା । ଏବଂ ସେଇ ବିଚାର ଧାରାରେ ଅନୁପ୍ରାଣିତ ହୋଇ ବିଶ୍ବର ପ୍ରତ୍ୟେକ ଦେଶରେ ଜଣେ ଜଣେ ଗାନ୍ଧୀ ଅବତାର ନେବା ସହିତ ଭାରତର ପ୍ରତ୍ୟେକ ଅଞ୍ଚଳରେ ଜଣେ ଜଣେ ଆଞ୍ଚଳିକ ଗାନ୍ଧୀ ଭାବରେ ନାମିତ ହୋଇଛନ୍ତି । ଆହୁରି ମଧ୍ୟ କହିଥିଲେ ଗାନ୍ଧିଜୀଙ୍କୁ ମହାତ୍ମାରେ ପରିଣତ ହେବା କଥା ଉଠିଲେ , ଓଡ଼ିଶାର ସତ୍ୟବାଦୀ ବନବିଦ୍ୟାଳୟର କଥା ଉଠେ ।
ବରେଣ୍ୟ ଅତିଥି ଗାନ୍ଧିବାଦୀ ହିନ୍ଦୀ କବି ଶ୍ରୀଯୁକ୍ତ ହରିହର ସେନ୍ ମର୍ମସ୍ପର୍ଶୀ କବିତା ମାଧ୍ୟମରେ କହିଥିଲେ ଗାନ୍ଧିଜୀ ମରି ନାହାନ୍ତି , ବରଂ ପ୍ରତ୍ୟେକ ଦିନ ଜଣେ ଜଣେ ଗାନ୍ଧୀ ଭାରତରେ ଅବତୀର୍ଣ୍ଣ ହେଉଛନ୍ତି , ଏବଂ ଶାସ୍ତ୍ରୀଜୀଙ୍କ ନିର୍ଲୋଭ ଏବଂ ନିରଳସ ଜୀବନ ସମ୍ପର୍କରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମରେ ଅଧ୍ୟାପକ ଶସ୍ମିତା ସାହୁ ପ୍ରଦ୍ୟୁମ୍ନ କୁମାର ମିଶ୍ର ଆଜିର ଦିବସ ସମ୍ପର୍କରେ ଆଲୋଚନା କରିଥିଲେ । ଏହି କାର୍ଯ୍ୟକ୍ରମକୁ ହିମାଂଶୁ ଶେଖର ଖୁଣ୍ଟିଆ , ବଳଭଦ୍ର ଦାସ , ମୀନି ସେଠୀ , ମମତା ଜେନା , ବବିତା ସାହୁ , ଦୀପକ ଜେନା ଏବଂ ଅନୀତା ମହାନ୍ତି ପ୍ରମୁଖ ପରିଚାଳନା କରିଥିଲେ । ବିଭୁ ପ୍ରସାଦ ନାୟକ ଧନ୍ୟବାଦ ଅର୍ପଣ କରିଥିଲେ ।
