ଓଡିଶା ତାଜା ନ୍ୟୁଜ୍ ( ୦୭ ଜୁଲାଇ ମଙ୍ଗଳବାର) କୋରାଇ :- କୋରାଇ ବ୍ଲକ ଅନ୍ତର୍ଗତ ହଳଦିଗଡିଆ ପଂଚାୟତ ବିଭିନ୍ନ ସମସ୍ୟାରେ ଛନ୍ଦି ହୋଇ ପଡିଥିଲା ବେଳେ ଗାଁ କୁଡିକରେ ଲାଗିଥିବା ଷ୍ଟ୍ରୀଟ ଲାଇଟି ଜଳୁନି । ବସୁଧା ଯୋଜନାରେ ସବୁ ଗାଁକୁ ପାନୀୟ ଜଳ ଯୋଗାଣ ହୋଇ ନଥିଲା ବେଳେ ଏବେ ଷ୍ଟ୍ରୀଟ ଲାଇଟ ଜଳୁ ନଇଥିବାରୁ ଗ୍ରାମବାସୀ ଅନ୍ଧାରରେ । ଏନେଇ ଗ୍ରାମାବାସୀ ସ୍ଥାନୀୟ ସରପଂଚ ଓ ବିଭାଗୀୟଙ୍କ ନିକଟରେ ଅଭିଯୋଗ କଲେ ମଧ୍ୟ ମରାମତି କରାଯାଉନଥିବାରୁ ଅଧିବାସୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି । ୨୦୧୭ ମସିହାରେ ନୂଆ ପଂଚାୟତ ଭାବେ ୧୧ଟି ୱାର୍ଡକୁ ନେଇ ହୋଇଥିବା ହଳଦିଗଡିଆ ପଂଚାୟତ ଏବେ ନାନା ସମସ୍ୟା ମଧ୍ୟରେ ଗତିକରୁଛି । ଏଥିରେ ଶାଳକଣା, ହଳଦିଗଡିଆ, ଖିଲିପଙ୍ଖା, ପଦି, ବନ୍ତଳା, ଖଶାଗଡିଆ, ବ୍ରାହ୍ମଣିଦା, ଶିଶୁଆ ଆଦି ଗାଁ ଗୁଡିକର ମୁଖ୍ୟସମସ୍ୟା ରାସ୍ତାଘାଟ ମରାମତି ଅଭାବରୁ ବିପର୍ଯ୍ୟସ୍ତ ହୋଇଥିପଡିଥିଲା ବେଳେ ସବୁ ଗାଁକୁ ପାନୀୟ ଜଳ ଯୋଗାଣ ହୋଇ ପାରି ନାହିଁ । ଏଥି ସହିତ ଗାଁ ଗୁଡିକରେ ପଂଚାୟତ ଅର୍ଥରେ ଲାଗିଥିବା ଷ୍ଟ୍ରୀଟ ଲାଇଟି ମାସମାସ ଧରି କେତେକ ଜଳୁନାହିଁ; ପୁଣି ଆଉ କେତେ ଧପ୍ଧପ୍ ହେଉଛି । ବର୍ଷେ ପୂର୍ବରୁ ଏଥିରୁ କିଛି ଲାଗିଥିଲା ବେଳେ ଆଉ କିଛି ମାତ୍ର ୬ମାସ ପୂର୍ବରୁ ଲାଗିଛି ।
ହେଲେ ଏଗୁଡିକ ନିମ୍ନମାନର ଲାଇଟ ସରଞ୍ଜମ ଲାଗାଯାଇଥିବାରୁ ଅଳ୍ପଦିନ ମଧ୍ୟରେ ସେଗୁଡିକ ଖରାପ ହୋଇଯାଇଥିବା ଗ୍ରାମବାସୀ ଅଭିଯୋଗ କରିଛନ୍ତି ।ଏକୁଡିକୁ ମରାମତି କରିବା ନିମନ୍ତେ ଗ୍ରାମବାସୀ ସରପଂଚଙ୍କୁ ବାରମ୍ବାରଜଣାଇବାରୁ ସେ କହୁଛନ୍ତି ଷ୍ଟ୍ରୀଟ୍ ଲାଇଟ ଯୋଗାଣ କରିଥିବା ଠିକାଦାରଙ୍କୁ ସେ କହିଛନ୍ତି; ହେଲେ ସେ ଆସିବାକୁ କହି ଆସୁନାହିଁ । ଏନେଇ ଯୁବସମାଜସେବୀ ଭୁବନମୋହନ ମହାନ୍ତିଙ୍କ ନେତୃତ୍ୱରେ ଗ୍ରମାମବାସୀମାନେ ଜିଲାପାଳ ଯାଜପୁର, ବିଧାୟକ କୋରାଇ, ବିଡିଓ କୋରାଇଙ୍କୁ ଅଭିଯୋଗ ଜଣାଇବା ସହ ତୁରନ୍ତ ଖାଲଖମା ଭରା ଗ୍ରାମ୍ୟ ରାସ୍ତା ଓ ଅଚଳ ଷ୍ଟ୍ରୀଟ ଲାଇଟ ଗୁଡିକୁ ମରାମତିର ବ୍ୟବସ୍ଥା କରିବା ପାଇଁ ମଧ୍ୟ ନିବେଦନ କରିଛନ୍ତି । ଏନେଇ ସରପଂଚ ସବିତା ମଲିକଙ୍କୁ ପଚାରିବାରୁ ସେ କହିଲେ ଲାଇଟ ଯୋଗାଣ ଠିକାଦାରଙ୍କୁ ଫୋନକରିଥିଲି; ସେ କରୋନା ପାଇଁ ଆସିପାରୁନଥିଲା ବେଳେ ଦିନେ ଦୁଇଦିନ ମଧ୍ୟରେ ଆସି ମରାମତି କରିବାକୁ କହିଛନ୍ତି । (ରିପୋର୍ଟ – ରଶ୍ମିରେଖା ମଲ୍ଲିକ)
