ଓଡିଶା ତାଜା ନ୍ୟୁଜ୍ ,ରିପୋର୍ଟ /ଅଭିମନ୍ୟୁ ମହାରଣା (୬ ଜୁଲାଇ ୨୦୨୦ ସୋମବାର) ରଣପୁର :- ରଣପୁର ଓ ଏହାର ଆଖପାଖ ଅଂଚଳର ପ୍ରାୟ ଲକ୍ଷାଧିକ ଗ୍ରାହକ ଦୀର୍ଘ ୩୬ଘଣ୍ଟା ବିଦ୍ୟୁତ୍ କାଟ୍ ପରେ ବିଦ୍ୟୁତ୍ ସେବା ପାଇଲେ । ଗତ ରବିବାର ସକାଳ ୫ଘଟିକା ସମୟରୁ ସୋମବାର ସଂଧ୍ୟା ୫ଘଟିକା ସମୟ ପର୍ଯ୍ୟନ୍ତ ବିଦ୍ୟୁତ୍ ସେବାରୁ ବଂଚିତ ହୋଇଥିଲେ ରଣପୁରବାସୀ । ସ୍ଥାନୀୟ ଜନସାଧାରଣଙ୍କ ରାସ୍ତା ରୋକ୍ ଓ ଜିଲ୍ଲା ପ୍ରଶାସନ ର ହସ୍ତକ୍ଷେପ ପରେ ରଣପୁର ରେ ଜଳିଲା ବିଦ୍ୟୁତ୍ ।
ଖବର ଅନୁସାରେ ଗତ ୫ ତାରିଖ ସକାଳ ନୟାଗଡ ରାଜପାଟଣା ଠାରୁ ରଣପୁରକୁ ଆସିଥିବା ୩୩ କେଭି ବିଦ୍ୟୁତ ଲାଇନ୍ ରାଜପାଟଣା ନିକଟବର୍ତ୍ତୀ ଜଗତି ପାଟଣା ଗ୍ରାମ ମଧ୍ୟ ଦେଇ ଆସିଥିବା ୩୩କେଭି ବିଦ୍ୟୁତ୍ ତାର କୌଣସି କାରଣ ବସତଃ ସଟସର୍କିଟ୍ ଯୋଗୁଁ ଛିଡିଯିବା ଫଳରେ ସେହି ଗ୍ରାମର ୨ଜଣ ମହିଳା ନଳକୂପରୁ ପାଣି ନେଉଥିଲା ବେଳେ ବିଦ୍ୟୁତ ଆଘାତ ପାଇଥିଲେ ଏବଂ ସେହି ଗ୍ରାମର କିଛି ପରିବାର ଲୋକଙ୍କର ବ୍ୟବହାର କରୁଥିବା ଇଲେକ୍ଟ୍ରିକ୍ ସରଂଜାମ ସଟସର୍କିଟ୍ ଯୋଗୁଁ ପୋଡି ନଷ୍ଟ ହୋଇଯାଇଥିଲା ।
ଯାହା ଫଳରେ ସ୍ଥାନୀୟ ଗ୍ରାମବାସୀ ତାର ଯୋଡିବାକୁ ଯାଇଥିବା ବିଦ୍ୟୁତ୍ କର୍ମଚାରୀଙ୍କୁ କ୍ଷତି ପୁରଣ ଦାବି କରି କାମ କରିବାକୁ ଦେଇନଥିଲେ ଏବଂ ଦୀର୍ଘ ୨୪ ଘଣ୍ଟାରୁ ଉର୍ଦ୍ଧ୍ୱ ସମୟ ଧରି ବାରମ୍ବାର ବୁଝା ସୁଝା କରିବା ପରେ ମଧ୍ୟ ସେହି ଗ୍ରାମ ଦେଇ ବିଦ୍ୟୁତ୍ ସଂଯୋଗ ନ କରିବା ପାଇଁ ଦାବି କରିବା ସହ କ୍ଷତି ପୁରଣ ପାଇବା ପାଇଁ ଅଡିକରି ବସିଥିଲେ । ଏହାକୁ ନେଇ ରଣପୁର ଜନସାଧାରଣ ବିଦ୍ୟୁତ୍ ସେବାରୁ ବଂଚିତ ହୋଇଥିଲେ । ଯାହାକୁ ନେଇ ସୋମବାର ସକାଳ ୫ଘଟିକା ସମୟରେ ରଣପୁର ମୁଖ୍ୟ ରାସ୍ତାର ସମସ୍ତ ପ୍ରବେଶ ପଥକୁ ବନ୍ଦ କରିବା ସହ ରାସ୍ତା ରୋକ୍ କରିଥିଲେ ଏବଂ ସମସ୍ତ ଅଫିସ୍ ବନ୍ଦ କରି ଦେଇଥିଲେ ।
ଏହାପରେ ଉପଜିଲ୍ଲାପାଳ ଲଗ୍ନଜିତ ରାଉତ ଓ ଇଟାମାଟି ଥାନା ଅଧିକାରୀ ଘଟଣା ସ୍ଥଳରେ ପହଁଚି ସ୍ଥାନୀୟ ଜନସାଧାରଣଙ୍କୁ ବୁଝା ସୁଝା କରିବା ପରେ ଓ କ୍ଷତି ପୁରଣ ବାବଦରେ ୨୦ ହଜାର ଟଙ୍କା ପ୍ରଦାନ କରି ଏବଂ ଅଳ୍ପ ଦିନ ମଧ୍ୟରେ ସେହି ଗ୍ରାମ ମଧ୍ୟ ଦେଇ ଆସିଥିବା ୩୩ କେଭି ଲାଇନ୍ ତାରକୁ ଅନ୍ୟତ୍ର ନିଆଯିବାର ପ୍ରତିଶୃତି ଦେବାପରେ ଛିଡିଯାଇଥିବା ତାରକୁ ସଂଯୋଗ କରିବା ସହ ଦୀର୍ଘ ୩୬ଘଣ୍ଟା ପରେ ରଣପୁର ଅଂଚଳରେ ବିଦ୍ୟୁତ୍ ଜଳିଥିଲା । ଆମ୍ଭେ ମାନେ ଏକ ଦୁର୍ଘଟଣା ଯୋଗୁଁ ୩୬ ଘଣ୍ଟା ବିଜୁଳି ବିନା ହଇରାଣ ହେଲେ । ମାନନୀୟ ମନ୍ତ୍ରୀ ଡ଼ଃ ଅରୁଣ ସାହୁ , ବିଧାୟକ ସତ୍ୟ ନାରାୟଣ ପ୍ରଧାନ (MLA), ସବ୍ କଲେକ୍ଟର , ସେସୁ ଅଧିକାରୀ ସମେତ ରଣପୁର ପିଲା ଙ୍କ ପ୍ରୟାସ ପାଇଁ ଅଶେଷ ଧନ୍ୟବାଦ ।
