ବିଷ୍ଣୁ ମନରେ ସନ୍ଦେହ ହେବାରୁ ତାଙ୍କ ସହଯୋଗୀ ଅମର ଓ ମହିଙ୍କ ସହଯୋଗରେ ରଣପୁର ପୋଲିସ୍ ଷ୍ଟେସନକୁ ନେଇଥିଲେ ଏବଂ ଆଇନତଃ ବୃଦ୍ଧ ଜଣକୁ କିପରି ନିରାପତ୍ତାର ସହିତ ତାଙ୍କ ଘରକୁ ପଠେଇବେ ସେଥିପାଇଁ ବ୍ୟବସ୍ଥା କରିଥିଲେ ।
ରଣପୁର ପୋଲିସ୍ ଷ୍ଟେସନ୍ ଓ ବିଷ୍ଣୁଙ୍କ ସହିତ ଯୋଗାଯୋଗ କରିଥିଲେ । ଏବଂ ସେ ବୃଦ୍ଧ ଜଣକଙ୍କର ଠିକଣା ଇଟାମାଟି ବୋଲି ଜାଣିବାକୁ ପାଇଥିଲେ ।
୨୩ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ରଣପୁର, :- ଦୁଇଦିନ ତଳର କଥା ସମୟ ଅପରାହ୍ନ ରଣପୁର ସଦର ଅଞ୍ଚଳରେ ଏଣେତେଣେ ବୁଲୁଥିଲେ ଜଣେ ବୃଦ୍ଧ । ବୟସ ପଞ୍ଚଷଠି କି’ ସତୁରୀ ହେବ । ବୃଦ୍ଧ ମଉସା ଜଣଙ୍କ ହାବଭାବ ଦେଖି ମନରେ ସନ୍ଦେହ ଜାତହେଲା ନୟାଗଡ଼ ଜିଲ୍ଲା ରଣପୁର ବିଜ୍ଞାପିତ ଅଞ୍ଚଳ ପରିଷଦର ଜଣେ ନିରଳସ ହୃଦୟବାନ୍ ଓ ପରୋପକାରୀ ଯୁବକଙ୍କ ମନରେ । ଏହି ୩୦ ବର୍ଷିୟ ଯୁବକ ହେଉଛନ୍ତି ବିଷ୍ଣୁ,ବିଷ୍ଣୁ ପ୍ରସାଦ ମିଶ୍ର । ନାମ ଯେମିତି କାମ ମଧ୍ୟ ସେମିତି । ରଣପୁର ଅଞ୍ଚଳର ଯୁବକମାନଙ୍କୁ ସଙ୍ଗଠିତ କରି ଜିଲ୍ଲା ତଥା ରଣପୁରରେ ଅନ୍ୟାନ୍ୟ ଖେଳ ପରି ହକି ଖେଳର କିପରି ଆଦର ପାଇବା ସହ ହକି କ୍ଷେତ୍ରରେ ରଣପୁରର ଗୋଟେ ସ୍ୱତନ୍ତ୍ର ପରିଚୟ ସୃଷ୍ଟି ହେବ ସେଥିପାଇଁ ଜାରି ରଖିଛନ୍ତି ସାଧୁ ଉଦ୍ୟମ । କେବଳ ଖେଳ କାହିଁକି..? ସମାଜ ସେବା କ୍ଷେତ୍ରରେ ଜାରି ରଖିଛନ୍ତି ସାଙ୍ଗଠନିକ କାର୍ଯ୍ୟ ।
ସାଙ୍ଗଠନିକ ଦକ୍ଷତା ଯୋଗୁଁ ସାଙ୍ଗସାଥି,ପ୍ରିୟଜନ ତଥା ରଣପୁର ଅଞ୍ଚଳବାସୀଙ୍କ ନିକଟରେ ସାଜିଛନ୍ତି ପ୍ରେରଣାର ଉତ୍ସ । ଉଦ୍ୟମ ବି ବ୍ୟର୍ଥ ଯାଇନି,କେତେକାଂଶରେ ସଫଳ ହୋଇଛି ମଧ୍ୟ । ସେହି ଉଦୀୟମାନ ଯୁବକ ତାଙ୍କ ସାଙ୍ଗସାଥିଙ୍କୁ ସଙ୍ଗରେ ଧରି ସନ୍ଦିହାନ ଅବସ୍ଥାରେ ବା ଇତଃସ୍ତତ ଅବସ୍ଥାରେ ବୁଲୁଥିବା ବୃଦ୍ଧଙ୍କ ନିକଟରେ ପହଞ୍ଚି ବୃଦ୍ଧଙ୍କର ପରିଚୟ ପାଇଥିଲେ । ନାମ,ଗ୍ରାମ ଇତ୍ୟାଦିର ସନ୍ଧାନ ନେଇଥିଲେ । ବୃଦ୍ଧ ଜଣକ ଯଦିଓ ତାଙ୍କ ନାମ କୁମର ଘଡେଇ ବୋଲି ପରିଚୟ ଦେଇଥିଲେ କିନ୍ତୁ ଠିକଣାକୁ ଠିକ୍ ଭାବରେ ଜଣେଇ ନଥିଲେ । କହିଥିଲେ ତାଙ୍କ ଘର ଦଶପଲ୍ଲା ଅଞ୍ଚଳ ବୋଲି । କିନ୍ତୁ ବିଷ୍ଣୁ ମନରେ ସନ୍ଦେହ ହେବାରୁ ତାଙ୍କ ସହଯୋଗୀ ଅମର ଓ ମହିଙ୍କ ସହଯୋଗରେ ରଣପୁର ପୋଲିସ୍ ଷ୍ଟେସନକୁ ନେଇଥିଲେ ଏବଂ ଆଇନତଃ ବୃଦ୍ଧ ଜଣକୁ କିପରି ନିରାପତ୍ତାର ସହିତ ତାଙ୍କ ଘରକୁ ପଠେଇବେ ସେଥିପାଇଁ ବ୍ୟବସ୍ଥା କରିଥିଲେ ।
ପୋଲିସ୍ ସହାୟତା ସହିତ ସାମାଜିକ ଗଣମାଧ୍ୟମର ଆଶ୍ରୟ ନେଇଥିଲେ ଏବଂ ନିଜ ଫେସବୁକ୍ ଆଇଡିରୁ ବୃଦ୍ଧଙ୍କ ଫଟୋଚିତ୍ର ସହିତ ବୃଦ୍ଧ ଜଣଙ୍କୁ ତାଙ୍କ ପରିବାର ଲୋକ ରଣପୁର ଥାନାରୁ ଆସି ସୁରକ୍ଷିତ ଭାବେ ନେଇଯିବା ପାଇଁ ଅପିଲ୍ କରିଥିଲେ । ଏବଂ ପରବର୍ତ୍ତୀ ସମୟରେ ସାମାଜିକ ଗଣମାଧ୍ୟମରେ ଖବର ପ୍ରସାରିତ ହେବାପରେ ବୃଦ୍ଧଙ୍କ ପ୍ରକୃତ ଠିକଣା ମିଳିବା ସହ ଘଟଣାର ସତ୍ୟାସତ୍ୟ ଜଣାପଡିଥିଲା । ରଣପୁର ପୋଲିସ୍ ଷ୍ଟେସନ୍ ଓ ବିଷ୍ଣୁଙ୍କ ସହିତ ଯୋଗାଯୋଗ କରିଥିଲେ । ଏବଂ ସେ ବୃଦ୍ଧ ଜଣକଙ୍କର ଠିକଣା ଇଟାମାଟି ବୋଲି ଜାଣିବାକୁ ପାଇଥିଲେ । କିନ୍ତୁ ତାଙ୍କ ପରିବାର ଲୋକଙ୍କ ସହିତ ଭୁବନେଶ୍ୱରରେ ରୁହନ୍ତି କିନ୍ତୁ କୌଣସି କାରଣରୁ ତାଙ୍କ ପାରିବାରିକ ଝଗଡା କାରଣରୁ ପ୍ରାୟ ଚାରିମାସ ହେବ ଘରୁ ପଳାଇ ଆସି ଏଣେତେଣେ ବୁଲୁଥିବା ଜଣାପଡିଛି । ତମାମ୍ ଘଟଣାକୁ ଅନୁଧ୍ୟାନ କରାଯାଇ ଆଇନତଃ ତାଙ୍କ ପରିବାର ଲୋକଙ୍କ ସହିତ ଯୋଗାଯୋଗ କରାଯାଇ ବୃଦ୍ଧଜଣକୁ ସୁରକ୍ଷିତ ଭାବେ ହସ୍ତାନ୍ତର କରାଯାଇଛି । ତେଣୁ ଏଭଳି ମହାନତା କାର୍ଯ୍ୟପାଇଁ ବିଷ୍ଣୁଙ୍କ ନିକଟକୁ ପ୍ରଶଂସାର ସୁଅ ଛୁଟୁଥିବା ଜଣାପଡିଛି ।
