୨୨ ଜୁଲାଇ,୨୦୨୩ ( ଓଡ଼ିଶା ତାଜା ନ୍ୟୁଜ୍ ) ରଣପୁର :- ନୟାଗଡ ଜିଲ୍ଲା ଅଧିନସ୍ଥ ରଣପୁର କୋର୍ଟର ନୂତନ ବିଲ୍ଡିଂ କାର୍ଯ୍ୟ ପ୍ରାୟ ୪ କୋଟି ବ୍ୟୟରେ ନିର୍ମାଣ ଚାଲିଥିବା ବେଳେ ଏହା ଅନ୍ତିମ ପର୍ଯ୍ୟାୟରେ ପଂହଚିଥିବା ଜଣାଯାଇଛି । ଏହି କାର୍ଯ୍ୟ କୁ ତୁରନ୍ତ ସାରିବା ପାଇଁ ନିର୍ଦ୍ଦେଶ ଥିବା ବେଳେ ରଣପୁର ବିଚାର ବିଭାଗୀୟ ଅଧିକାରୀ ଗୌରୀଶଙ୍କର ପଣ୍ଡା ଏହି କାର୍ଯ୍ୟକୁ ତଦାରଖ କରି ଆସୁଛନ୍ତି ।
ହାଇକୋର୍ଟ ଜଷ୍ଟିସ ଡଃ ବିଦ୍ୟୁତ ରଞ୍ଜନ ଷଡଙ୍ଗୀ, ବିଲ୍ଡିଂ କମିଟି ରେଜିଷ୍ଟ୍ରାର, ଖୋର୍ଦ୍ଧା ଜିଲ୍ଲା ଜଜ ଓ ନୟାଗଡ ଜିଲ୍ଲା ଜଜ୍ ଆନନ୍ଦ ମୋହନ ମହାରଣା ଉକ୍ତ ବିଲ୍ଡିଂ କାର୍ଯ୍ୟ ପରିଦର୍ଶନ ରେ ଆସି କାର୍ଯ୍ୟ ନିର୍ବାହୀ ସଂସ୍ଥାକୁ ତୁରନ୍ତ ସାରିବା ପାଇଁ ନିର୍ଦ୍ଦେଶ ଦେଇଥିଲେ ।
ଚଳିତ ମାସ ଶେଷ ସୁଦ୍ଧା ଏହି କୋର୍ଟ ବିଲ୍ଡିଂ ର ଶୁଭ ଉଦଘାଟନ କାର୍ଯ୍ୟ ଅନୁଷ୍ଠିତ ହେବାକୁ ଥିବାରୁ ରଣପୁର ବାର ଆସୋସିଏସନ ର ସମସ୍ତ ଆଇନଜିବୀ ମାନେ ଏହି କାର୍ଯ୍ୟ ଅନୁଧ୍ୟାନ କରିବା ସହ ଚଳିତ ମାସ ୨୫ ତାରିଖ ସୁଦ୍ଧା ସମସ୍ତ କାର୍ଯ୍ୟ ସାରିବା ପାଇଁ ଠିକାଦାର ଓ ନିର୍ବାହୀ ଅଧିକାରୀ ଙ୍କୁ ଚରମ ବାଣୀ ଶୁଣାଇଥିଲେ ।
