Home ଅପରାଧ ସ୍ତ୍ରୀକୁ ପୋଡିଦେଲା ସ୍ଵାମୀ : ପାରିବାରିକ କଳହର କରୁଣ ପରିଣତି by Proprietor by Abhimanyu Maharana 1 year ago Share on FacebookShare on TwitterWhatsapp ୩ ଫେବୃଆରୀ ,ଶୁକ୍ରବାର ୨୦୨୩ (ଓଡ଼ିଶା ତାଜାନ୍ୟୁଜ ) ବାରିପଦା :- ପରକୀୟା ପ୍ରୀତି ପାଇଁ ସ୍ତ୍ରୀକୁ ପୋଡିଲା ସୈତାନ ସ୍ଵାମୀ । ଏହିପରି ସଙ୍ଗୀନ ଘଟଣା ଘଟିଛି ବାରିପଦା ଟାଉନ ଥାନା ଅନ୍ତର୍ଗତ ମଧୁବନ ଅଞ୍ଚଳରେ । ପରକୀୟା ପ୍ରୀତିକୁ ପାରିବାରିକ କଳହ ପୂର୍ବରୁ ଲାଗି ରହିଥିବା ବେଳେ ଶୁକ୍ରବାର ଏହାର କରୁଣ ପରିଣତି ଦେଖିବାକୁ ମିଳିଛି । ସୂଚନା ଅନୁଯାୟୀ, ମଧୁବନ ୱାର୍ଡ ନମ୍ବର ୭ର ନିବାସୀ ମଦନ ମୋହନ ଦାଶଙ୍କ ବିବାହ ପରେ ମଧ୍ୟ ଅନ୍ୟ ଜଣେ ମହିଳାଙ୍କ ସହ ସମ୍ପର୍କ ରଖିଥିଲା । ମଦନଙ୍କର ଅନୈତିକ ସମ୍ପର୍କ ଥିବା ଜାଣିବା ପରେ ସ୍ତ୍ରୀ ତୁଳସୀ ଦାସଙ୍କ ସହିତ ମଦନଙ୍କ ଅନେକ ସମୟରେ ଝଗଡା ଲାଗି ରହୁଥିଲା । ଅନେକ ସମୟରେ ତୁଳସୀଙ୍କୁ ମଦନ ନିର୍ଯାତନା ଦେଉଥିବା ମଧ୍ୟ ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ତେବେ ଶୁକ୍ରବାର ଦିନ ପ୍ରାୟ ୧ସମୟରେ ପୂର୍ବର ପାରିବାରିକ କଳହ ଉଗ୍ର ରୂପ ନେଇଥିଲା । ପିଟା ମରା କରିବା ପରେ ପରକୀୟା ପ୍ରୀତିକୁ ନେଇ ରାସ୍ତାରୁ ହଟାଇବାକୁ ଯାଇ କୁଟାଗଦାରେ ସ୍ତ୍ରୀ ତୁଳସୀକୁ ପକାଇ ଜାଳି ଦେଇଛି ସୈତାନ ସ୍ବାମୀ ମଦନ । ତୁଳସୀ ପୋଡି ହୋଇ ଚିତ୍କାର କରିବାରୁ ସ୍ଥାନୀୟ ପଡୋଶୀ ଆସି ଦେଖିଲା ବେଳକୁ ତାଙ୍କ ଶରୀରର ପ୍ରାୟତଃ ୮୦ଭାଗ ପୋଡ଼ିଯାଇଛି । ନିଆଁକୁ ଲିଭାଇବା ସହ ଆମ୍ବୁଲାନ୍ସ ଯୋଗେ ବାରିପଦା ସ୍ଥିତ ପିଆରଏମ ମେଡ଼ିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି କରିଛନ୍ତି । ମଦନ ମୋହନ ଦାଶ ଜାଳିଦେବା ପରେ ଘଟଣାସ୍ଥଳରୁ ଫେରାର ହୋଇ ଯାଇଥିବା ବେଳେ ଟାଉନ ଥାନା ପୋଲିସ ପହଞ୍ଚି ଏନେଇ ଅଧିକ ତଦନ୍ତ ଚଳାଇଛି । ଅନ୍ୟପଟେ ତୁଳସୀଙ୍କ ଅବସ୍ଥା ସଂକଟାପନ୍ନ ଥିବା ବେଳେ ଚିକିତ୍ସା ବ୍ୟବସ୍ଥା ଜାରି ରହିଛି. Categories: ଅପରାଧ, ଓଡ଼ିଶା, ବାଲେଶ୍ଵର, ଭଦ୍ରକ, ମୟୁରଭଞ୍ଜ, ହୋମ୍ Related Content ନବୀନଙ୍କ ପାଇଁ ପ୍ରଚାରର ମଙ୍ଗ ଧରିଲେ ମହିଳା କର୍ମୀ by Proprietor by Abhimanyu Maharana May 6, 2024 ୧୪.୫ କିଲୋ ଗଞ୍ଜେଇ ଜବତ, ୩ ଗିରଫ , ଯାତ୍ରୀବାହୀ ଅଟୋ ଜବତ by Proprietor by Abhimanyu Maharana May 6, 2024 ଗହୀର ବଘେଇ ପୀଠରେ ଝାମୁଯାତ୍ରା by Proprietor by Abhimanyu Maharana May 6, 2024 ଗାଡି ଚୋର ଗିରଫ,୩ ମୋଟର ସାଇକେଲ ଉଦ୍ଧାର by Proprietor by Abhimanyu Maharana May 6, 2024 ସମୀର ରଞ୍ଜନ ଦାଶ ହେଲେ ଢେଙ୍କାନାଳ ପର୍ଯ୍ୟବେକ୍ଷକ by Proprietor by Abhimanyu Maharana May 6, 2024 ଧଣ୍ଡାମୁଣ୍ଡା ଶ୍ରୀରାମ ଲୀଳାରେ ମହି ରାବଣ ବଧ ମଞ୍ଚସ୍ଥ by Proprietor by Abhimanyu Maharana May 6, 2024