Home ଓଡ଼ିଶା ସୂର୍ଯ୍ୟକ୍ଷେତ୍ର ଫାଉଣ୍ଡେସନର ୧୫ତମ ବାର୍ଷିକ ଉତ୍ସବ ଜଳବାୟୁ ପରିବର୍ତ୍ତନ ସମ୍ପର୍କିତ ଜାତୀୟ କର୍ମଶାଳା by Proprietor by Abhimanyu Maharana 1 year ago Share on FacebookShare on TwitterWhatsapp ୦୫ ଡିସେମ୍ବର ସୋମବାର ( ଓଡ଼ିଶା ତାଜା ନ୍ୟୁଜ ) ଭୁବନେଶ୍ୱର :- ଅଗ୍ରଣୀ ସାମାଜିକ ଅନୁଷ୍ଠାନ ‘ସୂର୍ଯ୍ୟକ୍ଷେତ୍ର ଫାଉଣ୍ଡେସନ’ର ୧୫ତମ ବାର୍ଷିକ ଉତ୍ସବ ଅବସରରେ ଜଳବାୟୁ ପରିବର୍ତ୍ତନ ସମ୍ପର୍କିତ ଏକ ଜାତୀୟ କର୍ମଶାଳା ସ୍ଥାନୀୟ ଜୟଦେବ ଭବନ ପ୍ରେକ୍ଷାଳୟରେ ଅନୁଷ୍ଠିତ ହୋଇଯାଇଛି । ବରିଷ୍ଠ ପ୍ରଶାସକ ଦିଲ୍ଲୀପ ରାଉତରାୟ ମୁଖ୍ୟ ଅତିଥି ଭାବେ ଯୋଗଦେଇ ଜଳବାୟୁ ପରିବର୍ତ୍ତନର ଆହ୍ୱାନ ଓ ସମ୍ଭାବନା ସମ୍ପର୍କରେ ଆଲୋଚନା କରିଥିଲେ । ଓଡ଼ିଶା ପରିବେଶ ସମିତିର ସମ୍ପାଦକ ପ୍ରଫେସର ଜୟକୃଷ୍ଣ ପାଣିଗ୍ରାହୀ ଓ ଇଣ୍ଡିଆନ ଇନ୍ଷ୍ଟିଚ୍ୟୁଟ ଅଫ ୱାଟର ମ୍ୟାନେଜମେଣ୍ଟର ପ୍ରମୁଖ ବୈଜ୍ଞାନିକ ଡଃ ପ୍ରମୋଦ କୁମାର ପଣ୍ଡା ସମ୍ମାନିତ ଅତିଥି ଭାବେ ଯୋଗଦେଇ ଜଳବାୟୁ ପରିବର୍ତ୍ତନର ପୃଷ୍ଠଭୂମି, ପ୍ରଭାବ ଓ ତିକ୍ତତା ହ୍ରାସ ସମ୍ପର୍କରେ ବିଶଦ୍ ଆଲୋଚନା କରିଥିଲେ । ଅନ୍ୟମାନଙ୍କ ମଧ୍ୟରେ ଲାୟନ ବିପିନ ବିହାରୀ ନାୟକ ସମ୍ମାନିତ ଅତିଥି, ଟ୍ରଷ୍ଟି ପ୍ରଶାସକ ଅକ୍ଷୟ କୁମାର ପାଣି, ସାଧାରଣ ସମ୍ପାଦିକା ଡଃ ସୁକାନ୍ତୀ ମିଶ୍ର ଓ ବରିଷ୍ଠ ସାମ୍ବାଦିକ ସନତ ମିଶ୍ର ପ୍ରମୁଖ ଯୋଗଦେଇ ଜଳବାୟୁ ପରିବର୍ତ୍ତନ ସମ୍ପର୍କରେ ବକ୍ତବ୍ୟ ରଖିଥିଲେ । ଅନୁଷ୍ଠାନର ଅଧ୍ୟକ୍ଷ ପ୍ରକୃତିବନ୍ଧୁ ଡଃ ବିପିନ ବିହାରୀ ମିଶ୍ର କାର୍ଯ୍ୟକ୍ରମରେ ସଭାପତିତ୍ୱ କରି ସମସ୍ତଙ୍କୁ ସ୍ୱାଗତ ଜଣାଇଥିଲେ ଓ ଅନୁଷ୍ଠାନର ବିଭିନ୍ନ କାର୍ଯ୍ୟକ୍ରମର ସୂଚନା ଦେଇ ପରିବେଶକୁ ଗୁରୁତ୍ୱର ସହ ସୁରକ୍ଷା ପ୍ରଦାନ କରିବା ସହିତ ଆମର ସଂସ୍କୃତିକୁ ମଧ୍ୟ ସମ୍ମାନ ଦେବା ଆବଶ୍ୟକ ବୋଲି କହିଥିଲେ । ସମାଜର ବିଭିନ୍ନ କ୍ଷେତ୍ରରେ ପାରଦର୍ଶିତା ଲାଭ କରିଥିବା ବିଶିଷ୍ଟ ବ୍ୟକ୍ତିବିଶେଷଙ୍କୁ ‘ସୂର୍ଯ୍ୟକ୍ଷେତ୍ର ଫାଉଣ୍ଡେସନ ସମ୍ମାନ-୨୦୨୨’ରେ ସମ୍ମାନିତ କରାଯାଇଥିଲା । ଜୀବନବ୍ୟାପୀ ସାଧାନା ନିମନ୍ତେ ସୁରେଶ କୁମାର ଚୌଧୁରୀଙ୍କୁ ସମ୍ବର୍ଦ୍ଧିତ କରାଯାଇଥିଲା । ଭାରତୀୟ ନୌସେନା ଦିବସ ଉପଲକ୍ଷେ ନୌସୈନିକଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏଥିସହିତ ଦିବ୍ୟାଙ୍ଗମାନଙ୍କୁ ହ୍ୱିଲ୍ ଚେୟାର, କାନଯନ୍ତ୍ର ପ୍ରଦାନ କରାଯାଇଥିଲା । ଏହି ଅବସରରେ ଅତିଥିମାନେ ସ୍ମୃତି ସ୍ମରଣିକାକୁ ଉନ୍ମୋଚିତ କରିଥିଲେ । ସର୍ବଶ୍ରୀ ଗୋଲକ ବିହାରୀ ସିଂହ, ରବୀନ୍ଦ୍ରନାଥ ରାଉତରାୟ, ବାଳକୃଷ୍ଣ ରାଉତ, ମିଲନ କୁମାର ପ୍ରଧାନ, ଚକ୍ରଧର ଦାସ, ପ୍ରିୟଦର୍ଶନ ମହାପାତ୍ର, ଦିବ୍ୟଜ୍ୟୋତି ସାହୁ ପ୍ରମୁଖ କାର୍ଯ୍ୟକ୍ରମକୁ ପ୍ରୋତ୍ସାହିତ କରିଥିଲେ । ଚନ୍ଦ୍ର ବିଜୟୀ ମିଶ୍ର ସଂଯୋଜନା କରିଥିବା ବେଳେ ଡଃ ଶିବପ୍ରସାଦ ବେହେରା ଧନ୍ୟବାଦ ଅର୍ପଣ କରିଥିଲେ । Categories: ଓଡ଼ିଶା, ମହାନଗର, ହୋମ୍ Related Content ବିଜେଡିର ବିରାଟ ମିଶ୍ରଣ ପର୍ବ ; ଚିନ୍ତାରେ ବିରୋଧୀ by Proprietor by Abhimanyu Maharana May 5, 2024 ସମୀର ସମର୍ଥକଙ୍କ ବିଜେଡ଼ି ଦଳରୁ ସମୂହ ଇସ୍ତଫା by Proprietor by Abhimanyu Maharana May 5, 2024 ନାମାଙ୍କନ ପତ୍ର ଦାଖଲ କଲେ ରୁଦ୍ର ପ୍ରତାପ ମହାରଥୀ by Proprietor by Abhimanyu Maharana May 5, 2024 ଛୋଟ ଏକ ପ୍ରୟାସ ସେବାସଂଘ ପକ୍ଷରୁ ବୃଦ୍ଧାଶ୍ରମକୁ ସହାୟତା by Proprietor by Abhimanyu Maharana May 4, 2024 ଏକାମ୍ର ରେ ଅଶୋକ, ମନ୍ମଥଙ୍କ ପଦଯାତ୍ରା, ମଟର ସାଇକେଲ ରାଲି ଓ ସାଧାରଣ ସଭା by Proprietor by Abhimanyu Maharana May 4, 2024 ଗଜପତି ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ହାଣ୍ଡି ଓ ମାଠିଆ ଧରି ମହିଳାଙ୍କ ବିକ୍ଷୋଭ by Proprietor by Abhimanyu Maharana May 4, 2024