ସଂପ୍ରତି ବିଦ୍ୟୁତସେବା ଯୋଗାଇବା ନାଁରେ ସାଧାରଣ ଜନତାଙ୍କୁ ଶୋଷଣ କରୁଛି ଟାଟା ପାୱ୍ୱାର TPCODL

ରଣପୁର ନିର୍ବାଚନ ମଣ୍ଡଳୀକୁ ଲୁଟୁଛି ଟାଟା  – ଜନବିରୋଧି ଟାଟା ..  ନହେଲେ ଆଗକୁ ହଟହଟା ହେବା ନିଶ୍ଚିତ

ଓଡ଼ିଶା ତାଜା ନ୍ୟୁଜ୍ (୨୭ ନଭେମ୍ବର ଶନିବାର ) ରଣପୁର :- ନୟାଗଡ଼ ଜିଲା ରଣପୁର ବ୍ଲକ ରେ ଟାଟା ପାୱ୍ୱାର TPCODL ସଂପ୍ରତି ବିଦ୍ୟୁତସେବା ଯୋଗାଇବା ନାଁରେ ସାଧାରଣ ଜନତାଙ୍କୁ ଶୋଷଣ କରୁଛି I ରାଜ୍ୟ ସରକାରଙ୍କ ସହ ହୋଇଥିବା ବୁଝାମଣାପତ୍ରକୁ ସାର୍ବଜନୀନ ନକରି ଜନତାକୁ ଅନ୍ଧାରରେ ରଖି ମନଇଚ୍ଛା ବିଲ ଆଦାୟକୁ ବିଭିନ୍ନ ସ୍ତରରେ ବିରୋଧ ଆରମ୍ଭ ହେଉଛି l ଏହା ଭବିଷ୍ୟତକୁ ଭଗ୍ରରୂପ ନେବାର ନିଶ୍ଚିତ ସମ୍ଭାବନା ରହିଛି I ଟାଟା ଲଗାଉଥିବା ମିଟରର ଶୁଦ୍ଧତା ସରକାରୀ ସ୍ତରରେ ହୋଇଛି କି ନାହିଁ ତାହା ମଧ୍ୟ ସନ୍ଦେହ ଘେରରେ  …

ଯେଉଁ ସାମାଜିକ କର୍ମୀ ଏକଥା ଉଠାଉଛି ତା’ର ଆକ୍ରୋଶମୂଳକ ଭାବେ ରାତି ଅଧିଆ ବିଦ୍ୟୁତ ସଂଯୋଗ ଛିନ୍ନ ହେବାର ଉଦାହରଣ ରଣପୁରରେ ଦେଖିବାକୁ ମିଳିଛି I  ମାନ୍ୟବର ବିଧାୟକଙ୍କ ହସ୍ତକ୍ଷେପ ଫଳରେ ତାଳିପକା ସମାଧାନ ହୋଇଛି  I  କେଉଁ ବିଦ୍ୟୁତ ଉପକରଣ ବ୍ୟବହାରରେ କେତେ ୟୁନିଟ କେତେ ସମୟରେ ହେଉଛି ତାହାର ମଧ୍ୟ ସୂଚନାଫଳକ ନାହିଁ I

ଟାଟା ନେବା ଦିନ ଠାରୁ ବିଦ୍ୟୁତ ଦେୟ ଆଦାୟ କରୁ ଓ ତୃଟିଶୂନ୍ୟ ବିଲ୍ ଦେଇ ଯଥା ସମୟରେ ଉଚ଼ିତ ପଦକ୍ଷେପ ନେଉ ବୋଲି ଜନସାଧାରଣ ଦାବି କରିଛନ୍ତି ।  ପୂର୍ବ ବକେୟା ପାଇଁ ଟାଳଟୁଳ ନୀତି ନ  ଆପଣେଇ କନିଷ୍ଠଯନ୍ତ୍ରୀ ସ୍ତରରେ ଜନପ୍ରତିନିଧି ଓ ବିଭାଗୀୟ କମଚାରୀଙ୍କ ମିଳିତ ବିଚାରରେ ସମାଧାନ ହେଉ ତାହା ସମୟ ଦେଇ ଏକକାଳୀନ ବା କିସ୍ତି ଆଧାରରେ କରାଯିବା ଦରକାର  I ମାନ୍ୟବର ଜନପ୍ରିୟ ମୁଖ୍ୟମନ୍ତ୍ରୀ ଟାଟାଶୋଷଣ ରେ ଜନତା ଘାଟାରେ ଏକଥା ବୁଝିବା ଦରକାର  I ଜୁଲମ କଲେ ଟାଟା କର୍ମଚାରୀ ଜନତାର ରୋଷର ଶୀକାର ହେବେ ଏ ଆଶଙ୍କା ଜଳଜଳ ଦିଶିଲାଣି  I

ଦିଲ୍ଲୀ ସରକାରଙ୍କ ବିଦ୍ୟୁତ ଆବଣ୍ଟନ ନୀତି ରାଜ୍ୟ ସରକାର ଆପଣେଇ ଶ୍ରଦ୍ଧାଭାଜନ ହୁଅନ୍ତୁ , ରାଜ୍ୟବାସୀ ବର୍ତ୍ତମାନ ଅତିଷ୍ଠ । ଏପରିକି ଦେୟ ଦେଇସାରିବା ପରେ ମଧ୍ୟ ତୃଟିଯୁକ୍ତ ବିଲ ପାଇ ଜନତା ସଂଶୋଧନ ପାଇଁ ଧାଇଁ ଧାଇଁ ନୟାନ୍ତ କିନ୍ତୁ ମିଳୁନି ଆଶ୍ୱସ୍ତ I ସେବା ଯୋଗାଣରେ ଅବ୍ୟବସ୍ଥା ଓ ଦିନେ ଦିନେ ଘନଘନ ଘଣ୍ଟାଘଣ୍ଟା ଧରି ବିଦ୍ୟୁତକାଟ ରେ ଗ୍ରାହକ ତୀବ୍ର ଅସନ୍ତୁଷ୍ଟ  I ଆଗକୁ ପଞ୍ଚାୟତ ନିର୍ବାଚନ ଥିବାରୁ ଟାଟାପାୱାରର ବ୍ରିଟିଶର ବ୍ୟବସାୟୀ ମନୋଭାବ ନେଇ କାମ କରୁଥିବାରୁ ଏକ ଜନମଙ୍ଗଳ ଗଣତାନ୍ତ୍ରିକ ବ୍ୟବସ୍ଥାରେ ଆଦୌ ଗ୍ରହଣୀୟ ନୁହେଁ ବୋଲି ଶତାଧିକ ଗ୍ରାହକ ମତ ରଖିଛନ୍ତି  I

ଏପରିକି ରାଜ୍ୟ ସରକାର ପୂର୍ବ ବିଦ୍ୟୁତ ବକେୟା ଛାଡ଼, ଟାଟାର ମନମାନୀ ବନ୍ଦ ଓ ଦିଲୀ ସରକାର ନୀତି ଗ୍ରହଣ ପାଇଁ ଦାବୀ ଜୋର ଧରିଛି  I ବର୍ଷିୟାନ ସାମାଜିକ କର୍ମୀ ରଣପୁର ମାଟିର ଜନସଂଗ୍ରାମୀ ସୁରେଶ ମିଶ୍ର ରଘୁଦିବାକର ବିଚାର ମଞ୍ଚ ଜରିଆରେ ସ୍ମାରକ ପତ୍ର ପ୍ରଦାନ କରି ମାନ୍ୟବର ମୁଖ୍ୟମନ୍ତ୍ରୀଙ୍କୁ ଅନୁରୋଧ ରଖିଛନ୍ତି I ଶ୍ରୀ ମିଶ୍ରଙ୍କ ପ୍ରସ୍ତାବ କାର୍ଯ୍ୟକାରୀ କରାଗଲେ ମାନ୍ୟବର ମୁଖ୍ୟମନ୍ତ୍ରୀଙ୍କ ସଫଳତାରେ ଆଉ ଏକ ନୂଆ ଯୁଗାନ୍ତକାରୀ ପଦକ୍ଷେପ ଯୋଡ଼ିହେବ l  ଜନବିରୋଧି ଟାଟା ନହେଲେ ଆଗକୁ ହଟହଟା ହେବା ନିଶ୍ଚିତ l