Home ଅପରାଧ ବୌଦ୍ଧ ଜିଲ୍ଲା ଗଞ୍ଜେଇ ମାଫିଆଙ୍କ ପାଇଁ ଭୂସ୍ୱର୍ଗ ପାଲଟିଛି : ୨ ମାସରେ ୧୦୦ କ୍ୟୁଣ୍ଟାଲ ଗଞ୍ଜେଇ ଜବତ by Proprietor by Abhimanyu Maharana 1 year ago Share on FacebookShare on TwitterWhatsapp ଦୁଇମାସ ମଧ୍ୟରେ ଜିଲ୍ଲା ପୁଲିସ ପାଖାପାଖି ୧୦୦ କ୍ୟୁଣ୍ଟାଲ ଗଞ୍ଜେଇ ଜବତ କରିବା ଜିଲା ପାଇଁ ଏକ ନୂଆ ରେକର୍ଡ । ୨୭ମାର୍ଚ୍ଚ ,୨୦୨୩ (ଓଡ଼ିଶା ତାଜାନ୍ୟୁଜ ) ବୌଦ୍ଧ :- ବୌଦ୍ଧ ଜିଲ୍ଲା ଗଞ୍ଜେଇ ମାଫିଆଙ୍କ ପାଇଁ ଭୂସ୍ୱର୍ଗ ପାଲଟିଛି । ପ୍ରତିଦିନ ଚଢାଉ କରାଯାଇ ବ୍ୟାପକ ମାତ୍ରାରେ ଗଞ୍ଜେଇ ଜବତ କରାଯାଉଥିଲେ ମଧ୍ୟ ଏହି ବେଆଇନ କାରବାର ଥମିବାର ନାମ ନେଉନାହିଁ । ଅପରପକ୍ଷେ ଗଞ୍ଜେଇ ମାଫିଆଙ୍କୁ ପରୋକ୍ଷ ସହଯୋଗ ଯୋଗାଇ ମାଲେମାଲ ହୋଇଥିବା କିଛି ପୁଲିସ ଅଧିକାରୀ ଓ କର୍ମଚାରୀ ଦୀର୍ଘଦିନ ହେଲା ଗୋଟିଏ ଥାନା କିମ୍ବା ଫାଣ୍ଡିରେ ରହିବା ଏହି କାରବାରକୁ ଅଧିକ ସୁହାଉଥିବା ଆଲୋଚନା ହେଉଅଛି । ପୂର୍ବତନ ଏସପି ନିୟମିତ ଭାବରେ ଗଞ୍ଜେଇ କାରବାର ଉପରେ ଚଢାଉ ଆରମ୍ଭ କରିଥିଲେ । ବିପୁଳ ଭାବରେ ଗଞ୍ଜେଇ ଚାଷ ନଷ୍ଟ କରାଯାଇଥିବା ସରକାରୀ ଭାବରେ ରେକର୍ଡ କରାଯାଇଛି । କିନ୍ତୁ ଜିଲ୍ଲାରେ ନୂତନ ଆରକ୍ଷୀ ଅଧିକ୍ଷକ ଭାବରେ ଯୁବ ଆଇପିଏସ ଅଧିକାରୀ ରାଜ ପ୍ରସାଦ ଯୋଗଦେବା ପରେ ପୁଲିସ ପକ୍ଷରୁ ବ୍ୟାପକ ଓ ବିପୁଳ ମାତ୍ରାରେ ଗଂଜେଇ ଧରାପଡିବା ଗଞ୍ଜେଇ ଚାଷ ନଷ୍ଟ ଅଭିଯୋନକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି । ଦୁଇମାସ ମଧ୍ୟରେ ଜିଲ୍ଲା ପୁଲିସ ପାଖାପାଖି ୧୦୦ କ୍ୟୁଣ୍ଟାଲ ଗଞ୍ଜେଇ ଜବତ କରିବା ଜିଲା ପାଇଁ ଏକ ନୂଆ ରେକର୍ଡ । ଜିଲ୍ଲାରୁ ପ୍ରତିଦିନ ଗଞ୍ଜେଇ ବାହାରକୁ ଚାଲାଣ ହେଉଥିବାବେଳେ ପୁଲିସ ହାତରେ ଧରାପଡୁଥିଲେ ମଧ୍ୟ ବେପାରି ମାନେ ଏହାକୁ ଆଦୌ ଖାତିର କରୁନାହାନ୍ତି । ବୌଦ୍ଧ ପୁଲିସ ବରପଦର ଗାଁ ନିକଟସ୍ଥ ଜଙ୍ଗଲ ମଧ୍ୟରୁ ୫ କ୍ୟୁଣ୍ଟାଲ ଗଞ୍ଜେଇ ଜବତ କରିଥିବା ଜଣାପଡିଛି । ଏନେଇ ପୁଲିସ ପକ୍ଷରୁ ଥାନା କେସ ନଂ ୧୫୫/୨୩ ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । କିନ୍ତୁ ପୁଲିସ ଅଭିଯୁକ୍ତ ମାନଙ୍କ ଟେର ପାଇପାରିନାହିଁ । ତେବେ ଲଗାତାର ଭାବରେ ଏହିଭଳି ଚଢାଉ ଜାରି ରହିଲେ ଗଞ୍ଜେଇ ମାଫିଆମାନଙ୍କ ମଧ୍ୟରେ ହତାଶ ଭାବ ସୃଷ୍ଟି ହେବ ଏବଂ ଏହି ବେଆଇନ କାରବାର ଉପରେ ଅଙ୍କୁଶ ଲାଗି ପାରିବ ବୋଲି ସାଧାରଣରେ ମତପ୍ରକାଶ ପାଉଅଛି । Categories: ଅପରାଧ, ଓଡ଼ିଶା, ବଲାଙ୍ଗିର, ବୌଦ୍ଧ, ହୋମ୍ Related Content ଦ୍ଵିତୀୟ ପର୍ଯ୍ୟାୟ ନାମାଙ୍କନ ର ଷଷ୍ଠ ଦିନ : ବିରାଟ ପଟୁଆରରେ ଆସି ନାମଙ୍କନ ଦାଖଲ କାଲେ ଉପବାଚସ୍ପତି ସାଲୁଗା ପ୍ରଧାନ by Proprietor by Abhimanyu Maharana May 1, 2024 ବିଜେଡ଼ି ମହିଳା ବୈଠକ ଅନୁଷ୍ଠିତ by Proprietor by Abhimanyu Maharana May 1, 2024 ନାମାଙ୍କନପତ୍ର ଦାଖଲ କଲେ : ରଣପୁର ବିଜେପି ପାର୍ଥୀନୀ - ସୁରମା ପାଢ଼ୀ by Proprietor by Abhimanyu Maharana May 1, 2024 ପାଟଣାଗଡ଼ ରେ ବଢୁଛି କଂଗ୍ରେସ ର ଦବଦବା ବିଶାଳ ଶୋଭାଯାତ୍ରା ନାମାଙ୍କନ ଦାଖଲ କଲେ - ଅନିଲ by Proprietor by Abhimanyu Maharana May 1, 2024 କାଲିମେଳା ବନାଞ୍ଚଳ କୁର୍ତ୍ତୀ ବନ ବିଭାଗ ତରପରୁ ଜଙ୍ଗଲ ନିଆଁ ସଚେତନତା କାର୍ମଶାଳା by Proprietor by Abhimanyu Maharana May 1, 2024 ପ୍ରେସ ଆସୋସିଏସନର ଭୋଟର ସଚେତନତା କାର୍ଯ୍ୟକ୍ରମ by Proprietor by Abhimanyu Maharana May 1, 2024