x. ଡିଜେଲ, ବିହନ, ସାର ଦରବୃଦ୍ଧି ଚିନ୍ତାର କାରଣ: କୃଷି ମନ୍ତ୍ରୀ
x. କୃଷି ଓଡ଼ିଶା ୨୦୨୩ରେ ଓଡ଼ିଶା ପକ୍ଷରୁ ଭାରତର ପ୍ରଥମ ଏଆଇ ଚାଟ୍ବଟ୍ “ଆମ କୃଷିଏଆଇ’ର ଶୁଭାରମ୍ଭ
x. ତିନି ଦିନରେ ପ୍ରାୟ ୧୦୦ ଚାଷୀଙ୍କୁ ପୁରସ୍କାର
ଜଣେ ଚାଷୀ ମାଟିରେ ଚାଷ କରି ଫୁଲ ଫୁଟାଇବାର ଯାଦୁକରୀ କାମ କରିପାରେ । ଆଜିର ଚାଷୀକୂଳ କିନ୍ତୁ ବିଭିନ୍ନ ଆହ୍ୱାନକୁ ସାମ୍ନା କରୁଛି । ତାହାର ମୁକାବିଲା ଲାଗି ସବୁ କ୍ଷେତ୍ରରେ ଏକ ମିଳିତ ଉଦ୍ୟମର ଆବଶ୍ୟକତା ରହିଛି ବୋଲି ସେ କହିଛନ୍ତି । ରାଜ୍ୟ ସରକାର ଘୋଷଣା କରୁଥିବା ଯୋଜନା ଗୁଡ଼ିକର ଲାଭ ହାସଲ କରିବା ଏବଂ ଚାଷ କାମରେ ନୂଆ ନୂଆ ପ୍ରଯୁକ୍ତି, ଯନ୍ତ୍ରପାତି ଓ ଜ୍ଞାନକୌଶଳ ବ୍ୟବହାର କରିବାକୁ ସେ ଚାଷୀମାନଙ୍କୁ ଆହ୍ୱାନ ଦେଇଛନ୍ତି । ଚାଷୀମାନଙ୍କ ଆୟର ସୁରକ୍ଷା ଲାଗି ରାଜ୍ୟ ସରକାର ଘୋଷଣା କରିଥିବା କାଳିଆ ଯୋଜନାକୁ ସେ ପ୍ରଶଂସା କରିଛନ୍ତି । ଏହି ଅବସରରେ ଗଭର୍ଣ୍ଣର ପ୍ରଫେସର ଗଣେଶୀ ଲାଲ ଭାରତର ପ୍ରଥମ କୃଷି କ୍ଷେତ୍ରର ଏଆଇ ଚାଟ୍ ବଟ୍ “ଆମ କୃଷଏଆଇ’କୁ ଉନ୍ମୋଚନ କରିଛନ୍ତି । ବର୍ତମାନ ୧୦ ହଜାର ଚାଷୀଙ୍କୁ ନେଇ ଏହାର ପରୀକ୍ଷଣ ଜାରି ରହିବ ।
ଆସନ୍ତା ଦୁଇ ମାସ ଭିତରେ ତାହାକୁ ପୂର୍ଣ୍ଣ କ୍ଷମତାର ସହ ଲାଗୁ କରାଯିବ । ଆମ କୃଷଏଆଇ ଚାଟ୍ବଟ୍ ଜରିଆରେ ଚାଷୀମାନେ ଚାଷ ପ୍ରଣାଳୀ, ସରକାରୀ ଯୋଜନା ଏବଂ ୪୦ରୁ ଅଧିକ ବ୍ୟାଙ୍କ ଓ ସମବାୟ ବ୍ୟାଙ୍କର ଋଣ ଉତ୍ପାଦ ବିଷୟରେ ଜାଣିପାରିବେ । ଏହି ଅବସରରେ କୃଷି ଓ କୃଷକ ସଶକ୍ତିକରଣ ମନ୍ତ୍ରୀ ଶ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ କହିଛନ୍ତି ଯେ କୃଷି ହେଉଛି ଏକମାତ୍ର କ୍ଷେତ୍ର ଯାହା କରୋନା ମହାମାରୀ ସମୟରେ ପ୍ରଭାବିତ ହୋଇନଥିଲା । ବହୁ ବର୍ଷ ପୁର୍ବେ କ୍ଷୁଧା ଓ ଭୋକ ପାଇଁ ପରିଚିତ ଥିବା ଓଡ଼ିଶା ଏବେ ଅନେକ ଫସଲରେ ସ୍ୱାବଲମ୍ବୀ ହୋଇପାରିଛି । ମାଛ, ମାଂସ, ଅଣ୍ଡା ଓ ଦୁଗ୍ଧରେ ଆମେ ସ୍ୱାବଲମ୍ବୀର ନିକଟବର୍ତୀ ହୋଇପାରିଛୁ ।
ମତ୍ସ୍ୟ ଚାଷ ଓ ପଶୁପାଳନ ବିଭାଗର ପ୍ରମୁଖ ଶାସନ ସଚିବ ଶ୍ରୀ ସୁରେଶ କୁମାର ବଶିଷ୍ଠ କହିଥିଲେ ଯେ ପ୍ରାଣୀ ସମ୍ପଦ ଓ ଦୁଗ୍ଧ ଉତ୍ପାଦନରେ ଆମେ ଉଲ୍ଲେଖନୀୟ ସଫଳତା ହାସଲ କରିଛୁ । କେଜ୍ କଲ୍ଚର, ତିଲାପିଆ ମାଛ ଏବଂ ବାୟୋ ଫ୍ଲକ୍ ଭଳି ପ୍ରଯୁକ୍ତିକୁ ବିକାଶ କରାଯାଇଛି ଯାହା ଦ୍ୱାରା ଚାଷୀମାନେ ଉପକୃତ ହେଉଛନ୍ତି । ଫିକି ଜାତୀୟ କୃଷି କମିଟିର ଅଧ୍ୟକ୍ଷ ତଥା ଟାଫେ ଲିମିଟେଡ୍ର ଗ୍ରୁପ୍ ସଭାପତି ଶ୍ରୀ ଟିଆର୍ କେଶବନ୍ ଇନ୍ପୁଟ୍ ଖର୍ଚ୍ଚ କମ୍ କରିବା ଉପରେ ଗୁରୁତ୍ୱ ଦେବା ସହ ଜଳ ବ୍ୟବହାରରେ ଉନ୍ନତି ଆଣିବାକୁ କହିଥିଲେ । ଜଳକୁ ନେଇ ଚାଷ କିଭଳି ଅଧିକ ନିରନ୍ତର ହୋଇପାରିବ ତାହା ଉପରେ ଗୁରୁତ୍ୱ ଦେବାକୁ ସେ ଚାଷୀମାନଙ୍କୁ ଆହ୍ୱାନ ଦେଇଥିଲେ ।
ଏହି ଅବସରରେ ମତ୍ସ୍ୟଚାଷ ନିର୍ଦେଶକ ଶ୍ରୀ ସ୍ମୃତି ରଂଜନ ପ୍ରଧାନ ସ୍ୱାଗତ ଭାଷଣ ପ୍ରଦାନ କରିଥିଲେ । କୃଷି ନିର୍ଦେଶକ ଶ୍ରୀ ପ୍ରେମ୍ ଚନ୍ଦ୍ର ଚୌଧାରୀ ଏବଂ ପ୍ରାଣୀପାଳନ ଓ ପ୍ରାଣୀଚିକିତ୍ସା ନିର୍ଦେଶକ ଡକ୍ଟର ୟେଦୁଲା ବିଜୟ ମଧ୍ୟ ମଂଚାସୀନ ଥିଲେ । ଏହି ଅବସରରେ ରାଜ୍ୟପାଳ ପ୍ରଫେସର ଲାଲ କୃଷି କ୍ଷେତ୍ର ଲାଗି ଭାରତର ପ୍ରଥମ ଚାଟ୍ବଟ୍ ଆମ କୃଷଏଆଇର ଶୁଭାରମ୍ଭ କରିଥିଲେ ଯାହା ବର୍ତମାନ ୧୦ ହଜାର ଚାଷୀଙ୍କୁ ନେଇ ପରୀକ୍ଷଣ କରାଯିବ ଏବଂ ଆଗାମୀ ଦୁଇ ମାସରେ ତାହାକୁ ପୂର୍ଣ୍ଣକାଳୀନ କାର୍ଯ୍ୟକାରୀ କରିବାର ଯୋଜନା ରହିଛି । ଆମ କୃଷଏଆଇ ଚାଟ୍ବଟ୍ ଜରିଆରେ ଚାଷୀମାନେ ଶ୍ରେଷ୍ଠ ପ୍ରଥା, ସରକାରୀ ସ୍କିମ୍ ଏବଂ ୪୦ଟି ବାଣିଜ୍ୟିକ ବ୍ୟାଙ୍କ ଓ ସମବାୟ ବ୍ୟାଙ୍କର ଋଣ ବିଷୟରେ ଜାଣିପାରିବେ । କୃଷି କ୍ଷେତ୍ରର ଯାନ୍ତ୍ରିକୀକରଣ ଏବଂ ଚାଷୀଙ୍କ ଆୟରେ ଉନ୍ନତି ଆଣିବା ଲାଗି ଆୟୋଜନ କରାଯାଇଥିବା ଏହି ତିିନି ଦିନିଆ କୃଷି ଓଡ଼ିଶା କାର୍ଯ୍ୟକ୍ରମର ବିଷୟବସ୍ତୁ ଥିଲା କୃଷି କ୍ଷେତ୍ରରେ ଉଦୀୟମାନ ପ୍ରଯୁକ୍ତିବିଦ୍ୟା ।
