ବେଆଇନ ବାଲି, ପଥର ଓ ଇଟା ମାଫିଆ ଙ୍କ ଉପରେ ଆଇନ ଅନୁଯାୟୀ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ : ତହସିଲଦାର ।
ତାଂକ ନେତୃତ୍ବରେ ଏକ ଟିମ୍ ପାଟଣାଗଡ଼ ସ୍ଥିତ ଧୂମଭଟା ଠାରେ ବେଆଇନ ଭାବରେ ବାଲି ଚାଲାଣ କରୁଥିବା ଟ୍ରାକ୍ଟର ନଂ ଓଡି୦୩ ଜି ୪୮୨୦ ଠାରୁ ୫୦ ହଜାର ଟଙ୍କା, ଅନୁରୂପ ଭାବରେ ସେହି ଧୂମାଭଟା ରୁ ବେଆଇନ ପଥର ଚାଲାଣ କରୁଥିବା ଟ୍ରାକ୍ଟର ନଂ ଓଡି୦୩ ୟୁ ୮୮୬୦ ଠାରୁ ୩୫ ହଜାର ଟଙ୍କା , ଗଙ୍ଗା ସାଗର ଠାରେ ବେଆଇନ ଇଟା ଚାଲାଣ କରିଥିବା ଟ୍ରାକ୍ଟର ନଂ ଓଡି୦୩ ପି ୨୨୬୬ ଠାରୁ ୧୦ ହଜାର ଟଙ୍କା, ସମେତ ଖୁଣ୍ଟୁଣାପାଣି ଠାରେ ବେଆଇନ ବାଲି ଚାଲାଣ କରୁଥିବା ଟ୍ରାକ୍ଟର ନଂ ଓଡି୦୩ ଏଚ୍ ୯୧୬୦ ଠାରୁ ୧୦ ହଜାର ଟଙ୍କା ଜରିମାନା ଆଦାୟ କରି ଥିବା ଜଣାପଡିଛି ।
ପ୍ରକାଶ ଥାଉ ଯେ ଏହି ସବୁ ସ୍ଥାନ ଗୁଡିକ ରୁ ପଥର, ବାଲି ଓ ଇଟା ମାଫିଆ ମାନେ କୌଣସି ପ୍ରକାର ରଏଲ୍ଟି (ରାଜସ୍ବ) ନ ଦେଇ ଚୋରା ଚାଲାଣ କରିଆସୁଥିଲେ । ଆଗକୁ ମାଫିଆ ମାନେ ଯଦି ଏହି ପ୍ରକ୍ରିୟା ଜାରି ରଖିବେ ଜରିମାନା ଆଦାୟ ସହ ତାଙ୍କ ନାମ ରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ ବୋଲି ତହସିଲଦାର ଶ୍ରୀ ମାଝୀ ସୂଚନା ଦେଇଛନ୍ତି । ଏହି ଚଢାଉ ସମୟରେ ତହସିଲଦାର ଶ୍ରୀ ମାଝୀ ଙ୍କ ସମେତ ତ୍ରିନାଥ ଭୋଇ ସହ ଆର୍ ଆଇ ଅମିନ ଉପସ୍ଥିତ ଥିଲେ ।
