ରାସ୍ତା କାର୍ଯ୍ୟ ଅସମ୍ପୂର୍ଣ୍ଣ ଯୋଗୁ ଜନ ଅସନ୍ତୋଷ ବଢୁଛି : ୧.୫ କୋଟି ଟଙ୍କା ଚଳୁ

କାହିଁକି ଆମ ଦୁଃଖ ବୁଝୁନାହାନ୍ତି, ଆମ ଖଣ୍ଡପଡ଼ା ବିଧାୟକ ..?

ଯନ୍ତ୍ରୀ ଓ ଠିକାଦାର ମଧୁଚନ୍ଦ୍ରିକା ୧.୫ କୋଟି ଟଙ୍କା ଚଳୁ : ସିଂଘାପଡା – ରୁପାପଲ୍ଲୀ ରାସ୍ତାର ଦୁରଵସ୍ଥାକୁ ନେଇ ଜନ ଅସନ୍ତୋଷ ।

୦୯ ଫେବୃଆରୀ ,ଗୁରୁବାର ୨୦୨୩ (ଓଡ଼ିଶା ତାଜାନ୍ୟୁଜ ) ଖଣ୍ଡପଡ଼ା :- ସିଂଘାପଡା-ରୁପାପଲ୍ଲୀ ରାସ୍ତାର ଦୁରଵସ୍ଥାକୁ ନେଇ ଜନ ଅସନ୍ତୋଷ । ଖଣ୍ଡପଡ଼ା ଗ୍ରାମ୍ୟ ଉନ୍ନୟନ ବିଭାଗ ଅଧିନରେ ଥିବା ସିଂଘାପଡାରୁ ନିକଟସ୍ଥ ରୁପାପଲ୍ଲୀ ଗ୍ରାମକୁ ସଂଯୋଗ କରୁଥିବା ରାସ୍ତାର ଦୁରାବସ୍ଥାକୁ ନେଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ଉକ୍ତ ରାସ୍ତାର ଉନ୍ନତି କରଣ ନିମନ୍ତେ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ଯୋଜନାରେ ୧.୫ କୋଟି ଟଙ୍କା ଅନୁଦାନ ଅର୍ଥ ମଞ୍ଜୁର ପରେ ଠିକାଦାରଙ୍କ ଦ୍ବାରା ରାସ୍ତାର ଉନ୍ନତି କରଣ  କାର୍ଯ୍ୟ ଆରମ୍ଭ ହୋଇଥିଲା ।ଠିକାଦାର ରାସ୍ତା ଖୋଳତାଡ଼ କରି ମେଣ୍ଟାଲ ଓ କ୍ରସର ଡଷ୍ଟ ପକାଇବା ପରେ ଏବେ ୩ମାସ ହେଲା ରାସ୍ତା କାର୍ଯ୍ୟ ବନ୍ଦ ରହିଛି । ଫଳରେ ଉକ୍ତ ରାସ୍ତା ଦେଇ ଯାତାୟତ କଲାବେଳେ ଧୂଳି ଓ ଧୂଆଁରେ ସ୍ଥାନୀୟ ଜନସାଧାରଣ ହନ୍ତସନ୍ତ ହେଉଛନ୍ତି । ରାସ୍ତା ପାର୍ଶ୍ବରେ ସ୍ଥାୟୀ ବାସଗୃହ ନିର୍ମାଣ କରି ରହୁଥିବା ଲୋକମାନେ ବିଶେଷ କରି ଅସୁବିଧାର ସମ୍ମୁଖୀନ ହେଉଛନ୍ତି । ବିଭାଗୀୟ କତ୍ତୃପକ୍ଷଙ୍କ ଉଦାସୀନତାର ସୁଯୋଗ ନେଇ ସଂପୃକ୍ତ ଠିକାଦାର ମନଇଛା ରାସ୍ତାକାମ କରୁଥିବାରୁ ଉକ୍ତ ରାସ୍ତାଟି ଏଵେ ଅଧାପନ୍ତରିଆ ଅବସ୍ଥାରେ ପଡ଼ିରହିଛି । ରାସ୍ତା ସାରା ମେଣ୍ଟାଲ ବିଛାଡି ହୋଇ ପଡିରହିଥିବାରୁ ସ୍ଥାନୀୟ ବାସିନ୍ଦା ଯାତାୟାତ କଲାବେଳେ ଅସୁବିଧାର ସମ୍ମୁଖୀନ ହେଉଛନ୍ତି । ଏ ସମ୍ପର୍କରେ ଖଣ୍ଡପଡ଼ା ଗ୍ରାମ୍ୟ ଉନ୍ନୟନ ବିଭାଗ କତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ ସତ୍ତ୍ୱେ ମଧ୍ୟ କୈାଣସି ସୁଫଳ ମିଳୁନଥିବା ଅଭିଯୋଗ ହେଉଛି । ନୟାଗଡ଼ ଗ୍ରାମ୍ୟ ଉନ୍ନୟନ ବିଭାଗ ନିର୍ବାହୀ ଯନ୍ତ୍ରୀ ଓ ଉଚ୍ଚ କତ୍ତୃପକ୍ଷଙ୍କ ଯୁଦ୍ଧକାଳୀନ ଭିତ୍ତିରେ ଉକ୍ତ ରାସ୍ତା କାର୍ଯ୍ୟ ଶେଷ ନିମନ୍ତେ ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି ।