ବ୍ଲାକ ଲିଷ୍ଟେଡ଼ ହେଲା ଠିକାଦାରୀ ଠିକା ସଂସ୍ଥା : ସମାଜ ସେବୀ ଙ୍କ କଳା ଦୁନିଆର ଖୋଲୁଛି ଗୁମର

କଳାହାଣ୍ଡି ଜିଲ୍ଲା ରୁ ନୟାଗଡ ଜିଲ୍ଲା ପର୍ଯ୍ୟନ୍ତ ଦୁର୍ନୀତିର ଚେର, ଧୀରେ ଖୋଲୁଛି ଗୁମର

କଳା କାରନାମା ରେ ଲିପ୍ତ ଥାଇ ନିଜକୁ ସମାଜସେବୀ ବୋଲି ଡିଣ୍ଡିମ ପିଟୁଥିବା ଜଣେ ସମାଜସେବୀ ଙ୍କ ସ୍ତ୍ରୀ ହେଉଛନ୍ତି ଏହି ଠିକାଦାରୀ ଠିକା ସଂସ୍ଥା ର ମାଲିକ ବୋଲି ଚର୍ଚ୍ଚା ଚାଲିଛି ।

୦୯ ଫେବୃଆରୀ ,ଗୁରୁବାର ୨୦୨୩ (ଓଡ଼ିଶା ତାଜାନ୍ୟୁଜ ) କଳାହାଣ୍ଡି/ନୟାଗଡ :- ଚୁକ୍ତି ର ନିୟମ ଅବମାନନା କରିବା, ନିୟମ ପାଳନ ନ କରିବା ,କର୍ମଚାରୀ ଙ୍କୁ ଦରମା ସହିତ ପ୍ରତିମାସରେ ପ୍ରତିମାସରେ ଇ ପି ଏଫ୍ ପ୍ରଦାନ କରା ନଯିବା ଆଦି ବିଭିନ୍ନ କାର୍ଯ୍ୟ ର ଖିଲାପକୁ ନେଇ ବ୍ଲାକ୍ ଲିଷ୍ଟେଡ୍ ହୋଇଛି ଠିକାଦାରୀ ଠିକା ସଂସ୍ଥା । ଏ ନେଇ କଳାହାଣ୍ଡି ଜିଲ୍ଲାପରିଷଦ କାର୍ଯ୍ୟାଳୟରୁ ଗତ ଫେବୃଆରୀ ମାସ ୪ ତାରିଖ ଚିଠି ନଂ ୫୬୧ ରେ ଠିକା ସଂସ୍ଥା ଜଗନ୍ନାଥ ପ୍ରସାଦ ନର୍ସରୀ ର ମାଲିକ ଙ୍କୁ ଚିଠି କରାଯାଇଛି ।ତତ୍ ସହିତ ଏହି ସଂସ୍ଥା ର ଚୁକ୍ତି ରଦ୍ଦ କରାଯାଇଥିବା ଏବଂ ଆବଶ୍ୟକୀୟ କାର୍ଯ୍ୟାନୁଷ୍ଠନ ପାଇଁ ଖୋର୍ଦ୍ଧା ଜିଲ୍ଲା ଶ୍ରମିକ କାର୍ଯ୍ୟାଳୟ ସମେତ ସମସ୍ତ ଜିଲ୍ଲା ର ଜିଲ୍ଲାପାଳ ଙ୍କୁ ଚିଠିରେ ଉଲ୍ଲେଖ କରାଯାଇଛି । ଏହି ଠିକାଦାରୀ ଠିକା ସଂସ୍ଥା ଜଗନ୍ନାଥ ପ୍ରସାଦ ନର୍ସରୀ ମାଲିକଙ୍କ ଠିକଣା ଭୁବନେଶ୍ବର ଆଇ ଆର୍ ସି ଭିଲେଜ୍ ,ନୟାପଲ୍ଲୀ , ପ୍ଲଟ୍ ନଂ ୩/୪୪୧ ରେ କଳାହାଣ୍ଡି ଜିଲ୍ଲାପାଳ ଚିଠି କରିଥିବା ଜଣା ପଡିଛି । ତେବେ ଦଶପଲ୍ଲା ନିର୍ବାଚନ ମଣ୍ଡଳୀରୁ ଜଙ୍ଗଲ ସଫା କରିବାରେ ଲାଗିଥିବା ଏବଂ କଳା କାରନାମା ରେ ଲିପ୍ତ ଥାଇ ନିଜକୁ ସମାଜସେବୀ ବୋଲି ଡିଣ୍ଡିମ ପିଟୁଥିବା ଜଣେ ସମାଜସେବୀ ଙ୍କ ସ୍ତ୍ରୀ ହେଉଛନ୍ତି ଏହି ଠିକାଦାରୀ ଠିକା ସଂସ୍ଥା ର ମାଲିକ ବୋଲି ଚର୍ଚ୍ଚା ଚାଲିଛି । ଦେଖାଯାଉ ଆଗକୁ ସମାଜସେବୀ ଙ୍କ ଆଉ କେତେ ଦୁର୍ନୀତି ଖୋଲୁଛି ତାହା ଦେଖିବାକୁ ବାକି ରହିଲା ।