0୮ ଫେବୃଆରୀ, ବୁଧବାର,୨୦୨୩ (ଓଡ଼ିଶା ତାଜାନ୍ୟୁଜ ) ଆନ୍ଧ୍ରପ୍ରଦେଶର ତିରୁପତି :- ଆନ୍ଧ୍ରପ୍ରଦେଶର ତିରୁପତିସ୍ଥିତ ରାଷ୍ଟ୍ରିୟ ସଂସ୍କୃତ ବିଶ୍ୱବିଦ୍ୟାଳୟର ଶ୍ରୀଜଗନ୍ନାଥ ମନ୍ଦିରରେ ସ୍ୱାମୀ ନାରାୟଣ ଭାଷ୍ୟ ସମର୍ପିତ କରା ଯାଇ ଅଛି । ସ୍ୱାମୀ ନାରାଯଣ ସଂସ୍ଥା, ଗୁଜରାଟର ରାଜକୋଟରେ ଥିବା ସ୍ୱାମୀ ନାରାୟଣ ଗୁରୁକୁଳର ଶ୍ରୀଗୋପାଳ ନନ୍ଦ ସ୍ୱାମୀ ଏବଂ ମୁକ୍ତାନନ୍ଦ ସ୍ୱାମୀ ଏହି ଭାଷ୍ୟକୁ ରଚନା କରି ଥିଲେ । ଆଜି ସ୍ୱାମୀ ସ୍ୱରୁପା ନନ୍ଦ ଦାସ, ପ୍ରଭୁ ଚରଣ ସ୍ୱାମୀ, ମଧୁସୁଦନ ସ୍ୱାମୀ, ହରିକୃଷ୍ଣ ସ୍ୱାମୀ ବିଶ୍ୱ ବିଦ୍ୟାଳୟ ସ୍ଥିତ ମହାପ୍ରଭୁ ଶ୍ରୀଜଗନ୍ନାଥଙ୍କ ମନ୍ଦିରରେ ଏକ ଶୋଭା ଯାତ୍ରାରେ ପହଂଚି ଥିଲେ । ବିଶ୍ୱ ବିଦ୍ୟାଳୟର ଶତାଧିକ ଛାତ୍ର ଛାତ୍ରୀ ହରେକୃଷ୍ଣ ନାମ ସଂକିର୍ତନ କରି କୁଳପତିଙ୍କ ନିବାସ ଠାରୁ ଶୋଭା ଯାତ୍ରା ଆରମ୍ଭ କରି ଜଗନ୍ନାଥ ମନ୍ଦିର ଯାଏ ଏକ ଆଧ୍ୟାତ୍ମିକ ପରିବେଶ ସୃଷ୍ଟି କରି ଯାଇ ଥିଲେ । 
ସକାଳ ନଅ ଘଟିକା ସମୟରେ ଏହି ଶୋଭା ଯାତ୍ରା ଆରମ୍ଭ ହୋଇ ଜଗନ୍ନାଥ ମନ୍ଦିର ଯାଏ ଆସି ଏକ ବିଶେଷ ପୁଜା ଆରମ୍ଭ କରି ଥିଲେ। ବୈଦିକ ରୀତିରେ ପୁଜାର୍ଚନା କରି ଗୀତା –ବ୍ରହ୍ମ ସୁତ୍ର- ବୃହଦଆରଣ୍ୟକ ଉପନିଷଦ, ଛାନ୍ଦୋଗ୍ୟ ଉପନିଷଦ, ଇଷାଦି ଅଷ୍ଟୋପନିଷଦ ଭାଷ୍ୟ ଗ୍ରନ୍ଥ ମାନଙ୍କୁ ମହାପ୍ରଭୁ ଶ୍ରୀଜଗନ୍ନାଥଙ୍କୁ ଅର୍ପଣ କରି ଥିଲେ । ସ୍ୱାମୀ ସ୍ୱରୁପା ନନ୍ଦ ଦାସ ଏବଂ ଅନ୍ୟ ସନ୍ଥ ମାନେ ଭାଷ୍ୟ ଗ୍ରନ୍ଥର ମାହାତ୍ମ୍ୟ ବିଷୟରେ ଭକ୍ତ ମାନଙ୍କୁ ଅବଗତ କରାଇ ଥିଲେ । 
