ଅଲ୍ ଇଣ୍ଡିଆ ତାବଲିଗ୍‌-ଇ- ସିରାତ (ସଂଖ୍ୟାଲଘୁ ସେଲ୍‌)ର ନବନିର୍ମିତ କମିଟି ଗଠନ

୮ ଫେବୃଆରୀ, ବୁଧବାର,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନେଶ୍ୱର :- ମଙ୍ଗଳବାର ସ୍ଥାନୀୟ ଜୟଦେବ ଭବନ, ଭୁବନେଶ୍ୱରଠଶରେ ଏକ ଆଲାମୀ ସଂଖ୍ୟାଲଘୁ ସେଲ୍ ଅଲ୍ ଇଣ୍ଡିଆ ତାବଲିଗ୍‌-ଇ-ସିରାତର ନବଗଠିତ ସଭାପତି ଯନାବ ମୌଲାନା ଆଲମା ୱାରିସ୍ ଜମାଲଙ୍କ ସଭାପତିତ୍ୱରେ ଆୟୋଜିତ ହୋଇଥିଲା । ଏଥିରେ ସଂଖ୍ୟାଲଘୁ ସେଲ୍‌ର ସର୍ବଭାରତୀୟ ତାବଲିଗ୍ ସିରାତର ଅଧ୍ୟକ୍ଷ ଯନାବ ଡ. ଅବଦୁଲ ଗନି ହୁସେନ ମନୋନୀତ ହେଲେ । ତତ୍‌ସଙ୍ଗେ ରାଜ୍ୟ ସଭାପତି ଭାବେ ସେକ୍ ସଦରୁଲ ଉଲା, ସାଧାରଣ ସମ୍ପାଦକ ସେକ ଦିଲଦାର ମହମ୍ମଦ, ଉପସଭାପତି ମୁସାରଫ ଖାଁ, ଅସର ଅହମ୍ମଦ, ସମ୍ପାଦକ ଫାୟାଜଉଦ୍ଦିନ ଅହମ୍ମଦ, ରାଜ୍ୟ ଉପଦେଷ୍ଟା ସେକ୍ ମନୱର ଅହମ୍ମଦ ହବିବ, ଜାତୀୟ ସାଧାରଣ ସମ୍ପାଦକ ସୟଦ ଆକବର ଓ ଫରଜାନ ଅଲିମଙ୍କୁ ସମସ୍ତଙ୍କ ଆଗରେ ମନୋନୀତ କରାଗଲା । ଏଥିରେ ଜାତୀୟ ସାଧାରଣ ସମ୍ପାଦକ ମରକଜ ଅଲଇଣ୍ଡିଆ ତାବଲିଗ୍ ସିରାତର ଜାତୀୟ ସଦସ୍ୟ ଅବଦୁଲ ହବିବ କାଦିର, ଏବଂ ଅନ୍ୟାନ୍ୟ ବିଭିନ୍ନ ଜିଲ୍ଲାରୁ ସଂଖ୍ୟାଲଘୁ ନେତୃବୃନ୍ଦ ଉପସ୍ଥିତ ରହି କାର୍ଯ୍ୟକ୍ରମରେ ଯୋଗଦାନ କରିଥିଲେ । ଶେଷରେ ସଭାପତି ଏବଂ ଅନ୍ୟ ଉପସ୍ଥିତ ଭଦ୍ରବ୍ୟକ୍ତି ଧନ୍ୟବାଦ ଦେଇ ସଭା ସାଙ୍ଗ କରିଥିଲେ ।