୭ ଫେବୃଆରୀ ,ମଙ୍ଗଳବାର ୨୦୨୩ (ଓଡ଼ିଶା ତାଜାନ୍ୟୁଜ ) ରଣପୁର :- ମଙ୍ଗଳବାର ସକାଳ ୯.୩୦ ମିନିଟରେ ରଣପୁରରେ ଏକ ମର୍ମନ୍ତୁଦ ଦୁର୍ଘଟଣା ଘଟି ଯାଇଛି | ଏହି ଦୁର୍ଘଟଣାରେ ଦୁଇଜଣ ବ୍ୟକ୍ତିଙ୍କୁ ଟ୍ରକ ଚାପି ଦେଇ ଦ୍ରୁତ ଗତିରେ ପଳାଇ ଯାଇଥିଲା | ଘଟଣା ସ୍ଥଳରେ ଜଣେ ବ୍ୟକ୍ତି ମୃତ୍ୟୁ ବରଣ କରିଥିବା ବେଳେ ଆଉ ଜଣଙ୍କୁ ଗୁରୁତର ଅବସ୍ଥାରେ ଦମକଳ ସାହାଯ୍ୟରେ ରଣପୁର ଡାକ୍ତରଖାନାକୁ ନିଆ ଯାଇଥିଲା | ବ୍ୟକ୍ତି ଦୁଇ ଜଣ ରଣପୁର ବ୍ଲକ କଙ୍କିଆ ଓ ଗୌରାଙ୍ଗପୁର ଗ୍ରାମର ବୋଲି ଜଣା ପଡିଥିଲା | 
ଟ୍ରକଟିକୁ ପିଛା କରି ସ୍ଥାନୀୟ ଲୋକେ ମାଛ ବଜାର ନିକଟରେ କାବୁ କରି ପୋଲିସ ଜିମା ଦେଇଥିଲେ | ଟ୍ରକଟିର ନମ୍ବର OR-02-B-2588 ବୋଲି ଜଣା ପଡିଛି | ଏହି ଟ୍ରକଟି ମଧୁ ବାସନ୍ତୀ ଗଣନାଟ୍ୟର ବୋଲି ଜଣା ପଡିଛି | ଟ୍ରକଟି ଯାଜପୁର କୁଆଖିଆ ଅଞ୍ଚଳର ହୋଇଥିବା ବେଳେ ଏହା ଯାତ୍ରା ଜିନିଷ ନେଇ ଖୋର୍ଦ୍ଧା ଜିଲ୍ଲା କୁହୁଡିକୁ ଯାଉଥିଲା ବୋଲି ଜଣା ପଡିଛି | ଟ୍ରକ ଡ୍ରାଇଭରର ନାମ ସନ୍ତୋଷ ବେହେରା ବୋଲି ଜଣାପଡିଛି |
