୩ ଫେବୃଆରୀ ,ଶୁକ୍ରବାର ୨୦୨୩ (ଓଡ଼ିଶା ତାଜାନ୍ୟୁଜ ) ପାଟଣାଗଡ଼ :- ପାଟଣାଗଡ଼ ଥାନା ପାଢେଲ ଅଞ୍ଚଳର ଜଣେ ନାବାଳିକା କୁ ସେହି ଥାନା ଅନ୍ତର୍ଗତ ଭାଲୁପିଟା ଗ୍ରାମ ର ଜଣେ ଯୁବକ ଅପହରଣ ପରେ ବଲତ୍କାର କରି ଘରେ ଛାଡ଼ିଦେଇ ଥିଲା । ଏନେଇ ନାବାଳିକା ଜଣକ ପାଟଣାଗଡ଼ ଥାନାରେ ଏକ ଲିଖିତ ଅଭିଯୋଗ କରିଥିଲେ । ପୁଲିସ ଏକ ମାମଲା ରୁଜୁ କରି ଫେରାର ଅଭିଯୁକ୍ତ ଙ୍କୁ ଧରିବା ପାଇଁ ପ୍ରୟାସ ଜାରି ରଖିଥିଲା । ବିଶ୍ଵସ୍ତ ସୂତ୍ରରୁ ଖବର ପାଇ ପୁଲିସ କେନ୍ଦୁମୁଣ୍ଡି ଗ୍ରାମ ରୁ ଫେରାର ଅଭିଯୁକ୍ତ ହେମନ୍ତ ଭୋଇ (୩୫ ) କୁ ଗିରଫ କରି ଥାନାକୁ ଆଣିଥିଲା । ଅଭିଯୁକ୍ତ ଠାରୁ ଘଟଣା ର ସତ୍ୟାସତ୍ୟ ଜାଣିବା ପରେ ପୁଲିସ ସଂପୃକ୍ତ ଅଭିଯୁକ୍ତ କୁ କୋର୍ଟ ଚାଲାଣ କରିଥିଲା ।
କୋର୍ଟରେ ଜାମିନ ନାମଞ୍ଜୁର ହେବାରୁ ଅଭିଯୁକ୍ତ କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ଥାନା ଅଧିକାରୀ ଅନନ୍ତ ପ୍ରଧାନ ସୂଚନା ଦେଇଛନ୍ତି । ଅଭିଯୋଗ ଅନୁସାରେ ପାଢେଲ ଅଞ୍ଚଳର ଜଣେ ନାବାଳିକା କୁ ଭାଲୁପିଟା ଗ୍ରାମ ର ହେମନ୍ତ ବିବାହର ପ୍ରତିଶୃତି ଦେଇ କୌଶଳ କ୍ରମେ ନାବାଳିକା କୁ ବମ୍ବେ ନେଇ ଯାଇଥିଲା। ବମ୍ବେର ଏକ ନିର୍ଦ୍ଦିଷ୍ଟ ଲଜ ରେ ଉଭୟେ ଏକାଠି ରହିଥିଲେ । ନାବାଳିକା ର ଅନିଚ୍ଛା ସତ୍ତ୍ବେ ହେମନ୍ତ ବିବାହ ର ପ୍ରତିଶୃତି ଦେଇ ବାରମ୍ବାର ଶାରୀରିକ ସମ୍ପର୍କ ସ୍ଥାପନ କରି ଆସୁଥିଲା ।
ଏହା ପରେ କୌଣସି କଥାକୁ ନେଇ ଉଭୟ ଙ୍କ ମଧ୍ୟରେ ବଚସା ଆରମ୍ଭ ହୋଇଥିଲା । ଯୁବକ ଜଣକ ରାଗରେ ଜର୍ଜରିତ ହୋଇ ତାଙ୍କ ର ଜଣେ ସହଯୋଗୀ ଙ୍କ ସହ ନାବାଳିକା କୁ ତାଙ୍କ ଘରେ ଛାଡ଼ିଦେଇ ପଲାଆସିଥିଲା । ଏହା ପରେ ପରିବାର ଲୋକଙ୍କୁ ନାବାଳିକା ଜଣକ ଘଟଣା ସମ୍ପର୍କରେ ଅବଗତ କରାଇଥିଲେ । ଏନେଇ ପରିବାର ବର୍ଗଙ୍କ ସହ ନାବାଳିକା ଜଣକ ଗତ୨୦୨୨ ମସିହା ଏପ୍ରିଲ ୨୫ ତାରିଖ ରେ ଏ ସଂକ୍ରାନ୍ତରେ ଥାନା ରେ ଏକ ଲିଖିତ ଅଭିଯୋଗ କରିଥିଲେ । ଏନେଇ ପୁଲିସ ଏକ ମାମଲା ରୁଜୁ କରି ତଦନ୍ତ ପରେ ଅଭିଯୁକ୍ତ କୁ ଧରିବା ପାଇଁ ପ୍ରୟାସ ଜାରି ରଖିଥିଲା ।
