୨୩ ଜାନୁଆରୀ ସୋମବାର ,୨୦୨୩ (ଓଡ଼ିଶା ତାଜାନ୍ୟୁଜ ) ଭୁବନ :- ଢେଙ୍କାନାଳ ଜିଲ୍ଲା ରାସୋଳ ସପ୍ନେଶ୍ୱର ମନ୍ଦିର ପରିସରରେ କାପୁଡିଆ ସମାଜ ର ଜିଲ୍ଲା ସମ୍ମିଳନୀ ଜିଲ୍ଲା ସଭାପତି ଖଗେଶ୍ୱର ନାୟକ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ଏଥିରେ କାପୁଡିଆ ସମାଜ ରାଜ୍ୟ ସଭାପତି ଆଇନଜୀବୀ ନବ କିଶୋର ଗୁରୁ ମୁଖ୍ୟ ଅତିଥି ଭାବେ ଯୋଗଦେଇ ସମ୍ମିଳିତ ଉଦ୍ୟମ ଫଳରେ କପଡିଆ/କାପୁଡିଆ ଦ୍ୱନ୍ଦ ଏବେ ଦୂର ହୋଇଛି । ରାଜ୍ୟ ଓବିସି କମିଶନ କପଡିଆ/କାପୁଡିଆ ଉଭୟଙ୍କୁ ସାମାଜିକ ଅର୍ଥନୈତିକ ପଛୁଆ ବର୍ଗ (ଏସଇବିସି) ପ୍ରମାଣ ପତ୍ର ପ୍ରଦାନ ପାଇଁ ଅନୁମତି ପ୍ରଦାନ କରିଛନ୍ତି । ଆଗାମୀ ଦିନରେ ନିଶ୍ଚିତ ଭାବେ ଓବିସି ପ୍ରମାଣପତ୍ର ପ୍ରଦାନ କରାଯିବ । ଜାତିର ଉନ୍ନତି ଓ ନ୍ୟାର୍ଯ୍ୟ ଦାବି ହାସଲ ପାଇଁ ଆମକୁ ଏକଜୁଟ ହେବାକୁ ପଡିବ ଓ ସଂଗଠନକୁ ବ୍ୟାପକ କରିବାକୁ ହେବ ବୋଲି ମତବ୍ୟକ୍ତ କରିଥିଲେ ।
ବିଭିନ୍ନ କ୍ଷେତ୍ରରେ ପାରଦର୍ଶିତା ହାସଲ କରିଥିବା ୨୯ ଜଣ ବ୍ୟକ୍ତିଙ୍କୁ ପୁଷ୍ପଗୁଚ୍ଛ , ମାନପତ୍ର ଓ ଉପଢୌକନ ଦେଇ ସମ୍ବର୍ଦ୍ଦିତ କରାଯାଇଥିଲା । ରାସୋଳ କାପୁଡିଆ ସମାଜର ଅକ୍ଷୟ କୁମାର ସାହୁ , ବିନୟ ସାହୁ , ସଂଜୟ ସାହୁ , ନିତ୍ୟାନନ୍ଦ ଦାସ , ସନ୍ତୋଷ ଦାସ , ନନ୍ଦ ସାହୁ , ମିଥୁନ ଦାସ ପ୍ରମୁଖ ସକ୍ରିୟ ଅଂଶଗ୍ରହଣ ଓ ସହଯୋଗ କରିଥିଲେ । ଷଡଙ୍ଗୀ ,ଝାରଦା ଓ ଭୁବନ କାପୁଡିଆ ସମାଜର ୨୦ ଥାନର ସଭାପତି , ପାରିମାଣିକ ଙ୍କ ସମେତ ପ୍ରାୟ ୧ ହଜାର ବ୍ୟକ୍ତି ଯୋଗଦେଇଥିଲେ । ପ୍ରାରମ୍ଭରେ ରାଜ୍ୟ ସଭାପତିଙ୍କ ଦ୍ୱାରା ଜାତି ପତାକା ଉତୋଳନ କରାଯାଇଥିଲା ଓ ଆରାଧ୍ୟ ଦେବତା ପ୍ରଭୁ ବଳଭଦ୍ରଙ୍କୁ ଗ୍ରାମ ପରିକ୍ରମା କରାଯାଇଥିଲା ।
