ଆତ୍ମରକ୍ଷା ତାଲିମ ଶିବିର ଉଦଘାଟିତ – ଭୁବନ

ଜାନୁଆରୀ ୧୮ ତାରିଖ, ବୁଧବାର,୨୦୨୩ ( ଓଡ଼ିଶା ତାଜାନ୍ୟୁଜ ) ଭୁବନ :- ଭୁବନ ବ୍ଲକ ଅନ୍ତର୍ଗତ ଶ୍ରୀ ଶ୍ରୀ ବାଲୁଙ୍କେଶ୍ୱର ଉଚ୍ଚ ମାଧ୍ୟମିକ ବିଦ୍ୟାଳୟ , ବାରୁଆଁ (ବି) ରେ ସପ୍ତାହ ବ୍ୟାପି ଅନୁଷ୍ଠିତ ହେଉଥିବା ଛାତ୍ରୀ ମାନଙ୍କ ଆତ୍ମରକ୍ଷା ତାଲିମ ଶିବିର ଉଦଯାପିତ ହୋଇଯାଇଛି । ମହାବିଦ୍ୟାଳୟର ଅଧ୍ୟକ୍ଷ ରବି ନାରାୟଣ ସାହୁ ଆନୁଷ୍ଠାନିକ ଭାବେ ଉଦଘାଟନ କରି ଏହି ଶିବିରକୁ ସୂଚାରୁରୂପେ ପରିଚାଳନା କରିଥିବା ସଂଯୋଜିକା ଅଧ୍ୟାପିକା କନକଲତା ମହାକୁଡ ଙ୍କୁ ଭୂୟସୀ ପ୍ରଶଂସା କରିଥିଲେ ।ଛାତ୍ରୀମାନେ ଶିକ୍ଷାଲାଭ କରିଥିବା କୌଶଳକୁ ନିଜର ସୁରକ୍ଷା ନିମନ୍ତେ ବାସ୍ତବରେ କାର୍ଯ୍ୟକାରୀ କରିବାକୁ ପରାମର୍ଶ ଦେଇଥିଲେ । ସମ୍ମାନୀତ ଅତିଥି ଭାବେ ଅଧ୍ୟାପକ ଛାୟାକାନ୍ତ ବେହେରା , ଅଧ୍ୟାପିକା କନକଲତା ମହାକୁଡ , କ୍ରୀଡା ଅଧ୍ୟାପକ ଲକ୍ଷ୍ମଣ କୁମାର ରାଉତ , ମଧୁସୁଦନ ପ୍ରଧାନ , ପ୍ରତାପ କୁମାର ବାରିକ , ନୃସିଂହ ଚରଣ ବେହେରା , ମନୋଜ କୁମାର ସାହୁ ପ୍ରମୁଖ ଯୋଗଦେଇଥିଲେ । ପ୍ରଶିକ୍ଷିକା ଭାବେ ମାଷ୍ଟର ଟ୍ରେନର ଅମ୍ରିତା ସାହୁ ସମୁଦାୟ ୫୮ ଜଣ ଛାତ୍ରୀ ଙ୍କୁ ଜୁଡୋ , କରାଟେ ପ୍ରଶିକ୍ଷଣ ଦେଇଥିଲେ ।