ସାଧାରଣ ନିର୍ବାଚନ ଆଉ ମାତ୍ର ଗୋଟିଏ ବର୍ଷ ବାକି ଥିବା ବେଳେ ବର୍ତମାନ ଠାରୁ କାମାକ୍ଷାନଗର ର ବିଧାନସଭା ଆସନ ଆସାରେ ଶୁଭାଶିଷ, ତପନ, ରାଜା, ସତ୍ୟଜିତ ଓ ରଞ୍ଜନ ଙ୍କ ନାମ ଚର୍ଚ୍ଚା ହେଉଛି : ନବୀନ କାହାକୁ ପୁନ୍ଧାଇବେ ମୁକୁଟ
ବର୍ତମାନ ଯୁବପିଢୀକୁ ପ୍ରାଧାନ୍ୟ ଦିଆଯାଉଥିବା ଟ୍ରେଣ୍ଡକୁ ଦେଖିବାକୁ ଗଲେ ବୟସାଧିକ କାରଣରୁ ପ୍ରଫୁଲ୍ଲ ବାବୁ ବାଦ୍ ପଡିବା ଏକ ପ୍ରକାର ନିଶ୍ଚିତ ।
ପୂର୍ବ ନିର୍ବାଚନରେ ବିଜେଡି ଦଳୀୟ ଟିକେଟ ପାଇବାର ସମୀକରଣରେ ଖୁବ ନିକଟକୁ ଯାଇ ଦୁଇ ଦୁଇ ଥର ନିରାଶ ହୋଇଥିବା ଯୁବନେତା ହେଉଛନ୍ତି ଶୁଭାଶିଷ ଆଚାର୍ଯ୍ୟ ଓରଫ ଲୁଜୁ । ଶ୍ରୀ ଆଚାର୍ଯ୍ୟ ଏଥର ଟିକେଟ ଲବିରେ ସର୍ବାଗ୍ରେ ଥିବା ଶୁଣାଯାଉଛି । ସେ ରେଭେନ୍ସା କଲେଜରେ ଅଧ୍ୟୟନ କରିବା ଦିନଠାରୁ ଛାତ୍ର ରାଜନୀତିରେ ଜଡିତ । କାମାକ୍ଷାନଗର ମହାବିଦ୍ୟାଳୟରେ ଛାତ୍ରସଂସଦ ନିର୍ବାଚନରେ ଲଗାତର ଦୁଇଥର ସାଧାରଣ ସଂପାଦକ ଓ ସଭାପତି ଭାବେ ନିର୍ବାଚିତ ହୋଇଥିଲେ । ଉତ୍କଳ ବିଶ୍ୱ ବିଦ୍ୟାଳୟ ବାଣୀ ବିହାରରେ ବିଜେଡି ସମର୍ôଥତ ସଭାପତି ପ୍ରାର୍ଥୀ ଭାବେ ପ୍ରତିଦ୍ୱନ୍ଦିତା କରି ମାତ୍ର ଦୁଇ ଖଣ୍ଡ ଭୋଟରେ ପରାଜିତ ହୋଇଥିଲେ । ଶ୍ରୀ ଆଚାର୍ଯ୍ୟ ରାଜ୍ୟସ୍ତରୀୟ ଯୁବ/ଛାତ୍ର ନେତା ଭାବେ ଜଣାଶୁଣା ।
ତପନ ଦାସ ହେଉଛନ୍ତି ରାଜ୍ୟ ସଂସ୍କୃତି ବିଭାଗ ନିର୍ଦ୍ଦେଶକ ତଥା ଯାଜପୁର ର ପୂର୍ବତନ ଜିଲ୍ଲାପାଳ ରଂଜନ କୁମାର ଦାସ ଙ୍କ ଭାଇ । ରଂଜନ ଦାସ ଯାଜପୁରରେ ଦୀର୍ଘଦିନ ଜିଲ୍ଲାପାଳ ଭାବେ ଥିବାରୁ ବିଜେଡିର ଶକ୍ତିକେନ୍ଦ୍ର ତଥା ମିନିଷ୍ଟର ମେକର ବବି ଦାସ ଙ୍କ ସହ ଘନିଷ୍ଟ । ଏହି ପରିଚୟ ନେଇ ତପନ ଦାସ ଏଥର ଟିକେଟ ପାଉଛନ୍ତି ବୋଲି ରାଜନୈତିକ ମହଲରେ ଚର୍ଚ୍ଚା ଓ ଆଲୋଚନା ହେଉଛି । ତେବେ ଉପରୋକ୍ତ ନେତା ମାନଙ୍କ ମଧ୍ୟରୁ କିଏ ବିଜେଡି ଟିକେଟ ପାଇବ ଏବଂ କାମାକ୍ଷାନଗର ର ପ୍ରତିନିଧିତ୍ୱ କରିବ ତାହା ସମୟ କହିବ । 
