୧୭ ଜାନୁଆରୀ ମଙ୍ଗଳବାର,୨୦୨୩ ( ଓଡ଼ିଶା ତାଜାନ୍ୟୁଜ ) କଟକ ସଦର :- ୪୨ ମୌଜା ଥାନା, ଦଧିବାମନପୁର ସ୍ଥିତ ଏ.କେ ବିଦ୍ୟାମନ୍ଦିର ଟାଇକୋଣ୍ଡୋ କ୍ଳବ୍ ୩୫ତମ ଓଡ଼ିଶା ରାଜ୍ୟ ସ୍ତରୀୟ ଜୁନିଅର ଟାଇକୋଣ୍ଡୋ ପ୍ରତିଯୋଗିତାରେ ଅଂଶଗ୍ରହଣ କରି ଚିତ୍ତାକର୍ଷକ ପ୍ରଦର୍ଶନ ବଳରେ ସ୍ଵର୍ଣ୍ଣ ପଦକ ବିଜେତା ସହ ଜାତୀୟ ପ୍ରତିଯୋଗୀତା ପାଇଁ ଯୋଗ୍ୟତା ଅର୍ଜନ କରିଛନ୍ତି । ଚଳିତ ମାସ ୧୪ ଓ ୧୫ ତାରିଖ, ଦୁଇଦିନ ଧରି ପୁରୀ ଜିଲ୍ଲା ରାଣୀ ସତୀ ଭବନଠାରେ ଅନୁଷ୍ଠିତ ଏହି ପ୍ରତିଯୋଗିତାରେ ରାଜ୍ୟର ୧୬ଟି ଜିଲ୍ଲାରୁ ୨୫୦ ରୁ ଉର୍ଦ୍ଧ୍ବ ପ୍ରତିଯୋଗୀ ମାନେ ଅଂଶ ଗ୍ରହଣ କରିଥିଲେ । କଟକ ଜିଲ୍ଲା ତରଫରୁ ଏ.କେ. ବିଦ୍ୟାମନ୍ଦିର ର ଛାତ୍ରଛାତ୍ରୀ ମାନଙ୍କ ମଧ୍ୟରେ କୁମାରୀ ସ୍ବପ୍ନା ଭୋଇ କ୍ୟୁରୋଗୀ ଅଣ୍ଡର ୬୩ କିଲୋ ବିଭାଗରେ , 
ଅମରେଶ ସେଠୀ ଓ ଶୁଭମ୍ ମକଡିୟା ବାଳକ ପୁମସେ ବିଭାଗରେ ଅଂଶ ଗ୍ରହଣ କରି ବ୍ରୋଞ୍ଜ୍ ପଦକ ହାସଲ କରି ଏ.କେ. ବିଦ୍ୟାମନ୍ଦିର ପାଇଁ ସୁନାମ ଅର୍ଜନ କରିଛନ୍ତି। ଟାଇକୋଣ୍ଡୋ ପ୍ରଶିକ୍ଷକ ଆର୍ଯ୍ୟାନ୍ ଚୌଧୁରୀ ନିଜେ ଜଣେ ଜାତୀୟ ସ୍ତରୀୟ ପଦକ ହାସଲକାରୀ ଖେଳାଳି ଅଟନ୍ତି । ଏ.କେ. ବିଦ୍ୟାମନ୍ଦିର ପ୍ରତିଷ୍ଠାତା ଡ଼. ଅନିରୁଦ୍ଧ ଖିଲାର, ଚେୟାରମ୍ୟାନ ଡ଼. ଚନ୍ଦନା ବେହେରା, ପ୍ରଶାସକ କ୍ଷେତ୍ରମୋହନ ସେନାପତି ଏବଂ ଓଡ଼ିଶା ଟାଇକୋଣ୍ଡୋ ସଂଘର ସାଧାରଣ ସମ୍ପାଦକ ଶ୍ରୀ ମନମୋହନ ଭଞ୍ଜ କୃତି ଖେଳାଳି ମାନଙ୍କୁ ଶୁଭେଛା ଜଣାଇଛନ୍ତି ।
