୧୫ ଜାନୁଆରୀ ରବିବାର,୨୦୨୩ ( ଓଡ଼ିଶା ତାଜାନ୍ୟୁଜ ) ଭୁବନେଶ୍ବର /ନୂଆଦିଲ୍ଲୀ :- ବିଶ୍ୱଭରି ଓଡ଼ିଆ ଏକଜୁଟ ହେବାକୁ ୱାର୍ଲଡ ଓଡ଼ିଶା ସୋସାଇଟି (ୱାଓସୋ) ତରଫରୁ ଆହ୍ବାନ ଦିଆଯାଇଛି। ଓଡ଼ିଶା ବାହାରେ ତଥା ଭାରତବର୍ଷର ଅନ୍ୟାନ୍ୟ ପ୍ରଦେଶ ଓ ସାରା ପୃଥିବୀରେ ବିଭିନ୍ନ ଦେଶରେ ବସବାସ କରୁଥିବା ଦେଢ କୋଟି ପ୍ରବାସୀ ଓଡିଆ ଏକମନ, ଏକପ୍ରାଣ ଓ ଏକନିଷ୍ଠ ହୋଇ ନିଜର ମାତୃ ପ୍ରଦେଶ ଓଡିଶାର ସର୍ବ ମଙ୍ଗଳ ପାଇଁ ତନ, ମନ, ଧନ ଅର୍ପଣ କରିବାକୁ ୱାଓସୋ ଡାକରା ଦେଇଛି। ୱାର୍ଲଡ ଓଡିଶା ସୋସାଇଟିର ଦ୍ଵିତୀୟ ପ୍ରତିଷ୍ଠା ଦିବସ ଅବସରରେ ଆଭାସୀ ମଞ୍ଚରେ ଆୟୋଜିତ ‘ଉତ୍କଳ ଉତ୍ସବ’ ରେ ଯୋଗଦେଇ ଅଷ୍ଟ୍ରେଲିଆ ଠାରୁ ଆମେରିକା ଏବଂ ୟୁ.ଏ.ଇ ଠାରୁ ୟୁରୋପ ପର୍ଯ୍ୟନ୍ତ ରାଷ୍ଟ୍ର ମାନଙ୍କର ଶତାଧିକ ତୁଙ୍ଗ ପ୍ରବାସୀ ଓଡିଆ ନେତା ୨୦୩୬ ମସିହାରେ ଓଡ଼ିଶା ୧୦୦ ବର୍ଷରେ ପଦାର୍ପଣ କରିବା ବେଳେ ଏକ ସର୍ଵ ସମ୍ପର୍ଣ୍ନ, ସମୃଦ୍ଧ ନୂତନ ଓଡ଼ିଶା ଗଢି ତୋଳିବା ପାଇଁ ବଜ୍ର ହୁଙ୍କାର ଦେଇଛନ୍ତି । 
ଗଲଫ୍ ଓଡ଼ିଆ ସମାଜର ସଭାପତି ଅଜୟ କୁମାର ଦାସ ଏବଂ ୟୁ.ଏ.ଇ. ଓଡ଼ିଶା ସମାଜର ସାଧାରଣ ସମ୍ପାଦକ ପ୍ରୀତୀଶ ଦାଶ ୱାଓସୋ କୁ ଅଧିକ ସଶକ୍ତ କରିବା ଉପରେ ଜୋର ଦେଇଥିଲେ। ତାଞ୍ଜାନିଆ ଓଡ଼ିଆ ସମାଜର ସଭାପତି ବିଜୟ ସାହୁ ୱାର୍ଲଡ ଓଡ଼ିଶା ସୋସାଇଟି ରେ ତାଙ୍କର ସଗଠନ ଯୋଗଦାନ ବିଷୟରେ ଘୋଷଣା କରିଥିଲେ। ୱାଓସୋ ର ମାତୃଭାଷା ପ୍ରସାରଣ ବିଭାଗ ସାଧାରଣ ସମ୍ପାଦକ ପବିତ୍ର ମହାରଥା ଭାଷା ଏକ ଜାତିର ସମୃଦ୍ଧି ର ପରିଚୟ ବୋଲି କହି ସାରା ଦୂନିଆରେ ଓଡ଼ିଆ ଭାଷାର ପ୍ରଚାର, ପ୍ରସାର ଓ ଏହାକୁ ଲୋକପ୍ରିୟକରିବା ପାଇଁ ଅଗ୍ରାଧିକାର ଦେବାକୁ ନିବେଦନ କରିଥିଲେ।
ଶିଳ୍ପୀକା ଶାସ୍ତ୍ରୀୟ ଓ ସୃଜନଶୀଳ ନୃତ୍ୟ ବିଦ୍ୟାଳୟ ର କଳାକାର ମାନଙ୍କ ଦ୍ଵାରା ବାସୁଦେବ ନାଥଙ୍କ ତତ୍ବାବଧାନରେ ମନୋରଞ୍ଜକ ନୃତ୍ୟ ପ୍ରଦର୍ଶନ ସମାରୋହର ବିଶେଷ ଆକର୍ଷଣ ଥିଲା। ସମଗ୍ର କାର୍ଯ୍ୟକ୍ରମକୁ ଦୁବାଇରୁ ସୁଧାଶ୍ରୀ ଦାଶ ଏବଂ ଭୁବନେଶ୍ବରରୁ ବନୋଜିନୀ ନାୟକ ବେଶ୍ ସୂଚାରୁ ରୂପେ ସଞ୍ଚାଳନ ଓ ଉପସ୍ଥାପନ କରିଥିଲେ । ୱାଓସୋ ର ମହିଳା ଶାଖାର ଉପ – ସଭାପତି ରୀତା ପାତ୍ର ଧନ୍ୟବାଦ ଅର୍ପଣ କରିଥିଲେ । ଉପସ୍ଥିତ ମାନ୍ୟଗଣ୍ୟ ବ୍ୟକ୍ତିଙ୍କ ମଧ୍ୟରେ ଉତ୍କଳ ଉତ୍ସବର ସ୍ବାଗତ କମିଟିର ଅଧ୍ୟକ୍ଷ ବ୍ରହ୍ମା ମିଶ୍ର, ଉପାଧ୍ୟକ୍ଷ ମନୋଜ ନାୟକ, ପାଳଳ କମିଟିର ଆବାହକ ଅକ୍ଷୟ ମହାନ୍ତି, ଇଣ୍ଡୋନେସିଆ ରୁ ଦେବର୍ଷି ମଲ୍ଲିକ, ଅଷ୍ଟ୍ରେଲିଆ ରୁ ଡଃ ପ୍ରଭାତୀ ପାଣିଗ୍ରାହୀ, ସିଙ୍ଗାପୁର ରୁ ଚିରଞ୍ଜିବୀ ସ୍ବାଇଁ, 
