ଗବବସ୍ତ ହାଇସ୍କୁଲରେ ହୀରକ ଜୟନ୍ତୀ ପାଳିତ

୩ ଜାନୁଆରୀ ମଙ୍ଗଳବାର ୨୦୨୩ ( ଓଡ଼ିଶା ତାଜା ନ୍ୟୁଜ ) କଟକ :- ଆମ ପ୍ରତିନିଧି ଅମୂଲ୍ୟ ବାରିକଙ୍କ ରିପୋର୍ଟ :- ପ୍ରତ୍ୟେକ କର୍ମରେ ଜଗନ୍ନାଥଙ୍କୁ ଯୋଡ଼ିଲେ ମଣିଷ ଶୃଙ୍ଖଳିତ ହୋଇଥାଏ ବୋଲି, ମହାମହୀମ ରାଜ୍ୟପାଳ ଡ଼କ୍ଟର ଗଣେଷି ଲାଲ ମତବ୍ୟକ୍ତ କରିଛନ୍ତି । ମଙ୍ଗଳବାର ଦିନ କଟକ ସଦର ଥାନା ଅନ୍ତର୍ଗତ, ଗବବସ୍ତ ସରକାରୀ ଉଚ୍ଚ ବିଦ୍ୟାଳୟର ହୀରକ ଜୟନ୍ତୀ ପାଳନ ଅବସରରେ , ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସରୋଜିନୀ ସାମନ୍ତରାୟ ସଭାପତିତ୍ଵ କରିଥିଲେ । ମୁଖ୍ୟ ଅତିଥି ଭାବେ ମହାମହିମ ରାଜ୍ୟପାଳ ଡଃ ଗଣେଶୀ ଲାଲ ଜୀ ଯୋଗ ଦେଇଥିଲେ । ମୁଖ୍ୟ ବକ୍ତା ଭାବେ ମୋ ସ୍କୁଲ୍ ଅଭିଯାନର ଅଧ୍ୟକ୍ଷା, ଶ୍ରୀମତୀ ସୁସ୍ମିତା ବାଗଚି ସମ୍ମାନିତ ଅତିଥି , କଟକ ଜିଲା ଶିକ୍ଷା ଅଧିକାରୀ କୃଷ୍ଣଚନ୍ଦ୍ର ନାୟକ ପ୍ରମୂଖ ଯୋଗଦେଇ ଥିଲେ । ରାଜ୍ୟପାଳ ମୋ ସ୍କୁଲ ଅଭିଯାନ ଜରିଆରେ ନିର୍ମିତ ହୋଇଥିବା ନୂତନ ପାଠାଗାରକୁ ଉନ୍ମୋଚିତ କରିବା ସହ, ପୁସ୍ତକ ‘ହୀରକ ସୃଜନ ସୁଧା’ କୁ ଉନ୍ମୋଚନ କରିଥିଲେ ।1962 ମସିହାରୁ ଖୋଲା ଯାଇଥିବା ବିଦ୍ୟାଳୟର 60 ବର୍ଷର ପୂର୍ତ୍ତି ଉପଲକ୍ଷେ ହୀରକ ଜୟନ୍ତୀ ପାଳନ ହୋଇଥିଲା । ଏହି ବିଦ୍ୟାଳୟରେ ଅଧ୍ୟୟନ କରିଥିବା ଛାତ୍ରଛାତ୍ରୀ, ପାଠ ପଢା ଶେଷ କରି ଉଚ୍ଚ ପଦସ୍ଥ ଅଧିକାରୀ ହୋଇ ସୁଖ୍ୟାତି ଅର୍ଜନ କରିଛନ୍ତି ବୋଲ, ଅତିଥି ମାନେ ମତବ୍ୟକ୍ତ କରିଥିଲେ ।