ମହିଳାଙ୍କୁ ଦେଢଲକ୍ଷ୍ୟ ସହାୟତା ରାଶି ଦେବାକୁ ପ୍ରାଧିକରଣ କୁ କୋର୍ଟ ଙ୍କ ନିର୍ଦେଶ
ସୂଚନା ଅନୁଯାୟୀ ବାଣପୁର ଥାନା ଅଞ୍ଚଳର ଜଣେ ମହିଳା ଙ୍କ ସହ ଅଭିଯୁକ୍ତ ର ଏକ ମନ୍ଦିର ରେ ଦେଖାସାକ୍ଷାତ ପରେ ଦୁହିଁଙ୍କ ମଧ୍ୟରେ ଶାରୀରିକ ସମ୍ପର୍କ ସ୍ଥାପନ ହୋଇଥିଲା । ପୀଡ଼ିତା ତିନୋଟି ସନ୍ତାନ ର ଜନନୀ ହୋଇଥିଲେ ମଧ୍ୟ ଅଭିଯୁକ୍ତ କଥାରେ ପ୍ରଭାବିତ ହୋଇ ଦୀର୍ଘ ଦୁଇ ବର୍ଷ ହେଲା ସ୍ଵାମୀ-ସ୍ତ୍ରୀ ଭାବେ ଚଳୁଥିଲେ ବୋଲି ଅଭିଯୋଗ ହୋଇଥିଲା । ଏପରିକି ପୀଡ଼ିତା ଅଭିଯୁକ୍ତକୁ ଏକ ନୂଆ ୟାମା ବାଇକ କିଣି ଦେବା ସହିତ ଲକ୍ଷାଧିକ ଟଙ୍କା ଦେଇଥିଲେ ।
ଆଜକୁ ଦୁଇ ବର୍ଷ ତଳେ ପୀଡ଼ିତା ଦିନେ ଗୋପାଳପୁର ଆସି ଆଇନଅନୁଯାୟୀ କାଗଜପତ୍ର କରିବାକୁ ଜିଦକରିବାରୁ ଅଭିଯୁକ୍ତ ଆଉ ଧାରାଛୁଆଁ ଦେଇନଥିଲା । ଫଳରେ ପୀଡ଼ିତା ପ୍ରତାରଣା ର ଶିକାର ହେବାଜାଣି ନ୍ୟାୟ ପାଇବା ଆଶାରେ ନିଜ ହାତ କାଟି ପ୍ରତିବାଦ କରିଥିଲେ । ଉକ୍ତ ମାମଲା ରେ ସରକାରଙ୍କ ପକ୍ଷରୁ ଦୁଇଜଣ ଡାକ୍ତର ଓ ତଦନ୍ତକରି ପୋଲିସ ବିଦିତା ନାୟକ ଙ୍କ ସମେତ ସରକାର ଙ୍କ ତରଫରୁ ସମୁଦାଯ ଚଉଦଜଣଙ୍କ ସାକ୍ଷ୍ୟ ନିଆଯାଇଥିଲା । ଦୀର୍ଘ ତିନି ବର୍ଷ ଧରି ବିଚାର ଚାଲିବା ଓ ଉଭୟ ପକ୍ଷ୍ୟର ଜବାବ ସୁଆଲ ପରେ ମାନ୍ୟବର ବିଚାରପତି ଅଭିଯୁକ୍ତ କୁ ନିର୍ଦୋଷ ଆଦେଶ ପ୍ରଦାନ କରିଥିଲେ । ଅଭିଯୁକ୍ତ ଙ୍କ ତରଫରୁ ବରିଷ୍ଠ ଓକିଲ ଦିଲ୍ଲୀପ କୁମାର ନନ୍ଦ ମୋକଦମା ପରିଚାଳନା କରୁଥିଲେ ।
