୨୬ ଡିସେମ୍ବର ସୋମବାର ( ଓଡ଼ିଶା ତାଜା ନ୍ୟୁଜ ) ବରଗଡ/ପୁରୀ :- ବାଲୁକା ଶିଳ୍ପୀ ସୁଦାମ ଙ୍କ କାର୍ଯ୍ୟ ସ୍ଥଳ କୁ ପହଞ୍ଚି ବରଗଡ ବିଧାୟକ ଦେବେଶ ଆଚାର୍ଯ୍ୟ ତାଙ୍କୁ ଏହି କାର୍ଯ୍ୟ ପାଇଁ ସାଧୁବାଦ୍ ଜଣାଇବା ସହ କହିଛନ୍ତି ଯେ ଏଠାରେ ଏଭଳିଆ ଏକ କଳାକୃତି ଆମ ପାଇଁ ଗର୍ବ ର ବିଷୟ ଅଟେ। ଯେହେତୁ ପୁରୀ କୁ ଆନ୍ତର୍ଜାତୀୟ ପର୍ଯ୍ୟଟକ ଆସୁଛନ୍ତି ଓ ବିଶେଷ କରି ସେମାନେ ବେଳାଭୂମି ରେ ବାଲୁକା କଳା ପ୍ରଦର୍ଶନୀ କୁ ବେଶ ଉପଭୋଗ କରିଥାନ୍ତି।
ଧନୁଯାତ୍ରା ଉପରେ ପର୍ଯ୍ୟବେଶିତ ଏହି ବାଲୁକା କଳା ଫଳରେ ଧନୁଯାତ୍ରା ମହୋତ୍ସବ ର ପ୍ରଚାର ପ୍ରସାର ସମଗ୍ର ବିଶ୍ଵ ଦରବାର ରେ ହୋଇପାରିବ। ସେ ସମସ୍ତ ଜନ ସାଧାରଣ ଙ୍କୁ ଆସନ୍ତା କାଲି ଠାରୁ ଆରମ୍ଭ ହେଉଥିବା ଧନୁଯାତ୍ରା ମହୋତ୍ସବ କୁ ଦେଖି ଆସିବାକୁ ଅନୁରୋଧ କରିଛନ୍ତି। ତାଙ୍କ ସହ ବରଗଡ ବ୍ଲକ୍ ଉପାଧ୍ୟକ୍ଷ ଉମେଶ ପଣ୍ଡା, ପୌର ପରିଷଦ କାଉନସିଲର ଉମା ଚରଣ ରାଉତ, ନିଷ୍ଠା ପରିବାର ର ମୁଖ୍ୟ ଅଶ୍ୱିନୀ ତ୍ରିପାଠୀ ପ୍ରମୁଖ ରହି ସୁଦାମ ଙ୍କୁ ଉତ୍ସାହିତ କରିଥିଲେ।
