ମୋହନା ବିଧାୟକ ଶ୍ରୀ ଦାଶରଥି ଗମାଙ୍ଗ ଙ୍କ ଦ୍ଵାରା ବେଡ୍ ଓ ଶୀତ ବସ୍ତ୍ର ବଣ୍ଟନ

୧୯ ଡିସେମ୍ବର ସୋମବାର ( ଓଡ଼ିଶା ତାଜା ନ୍ୟୁଜ ) ଆର. ଉଦୟଗିରି :- ମହାରାଜା କୃଷ୍ଣଚନ୍ଦ୍ର ଗଜପତି ଦୃଷ୍ଟିହୀନ, ବଧିର ,ମାନସିକ ଅନଗ୍ରସର ଓ ମସ୍ତିଷ୍କ ପକ୍ଷାଘାତ ସ୍ଵତନ୍ତ୍ର ବିଦ୍ୟାଳୟ , କଣ୍ଟେଇକୋଳି, ମୋହନା, ଗଜପତି । ତାରିଖ – ୧୮/୧୨/୨୦୨୨ ଅବସରପ୍ରାପ୍ତ ଭାରତୀୟ ସ୍ଥଳ ସେନା ଅଧିକାରୀ ତିବତିଆନ ଓ ତାଙ୍କ ୨ ପରିବାର ବର୍ଗ ଏବଂ ମୋହନା ବିଧାୟକ ଶ୍ରୀ ଦାଶରଥି ଗମାଙ୍ଗ,ବ୍ଲକ ସଭାପତି ଶଙ୍କର ପ୍ରଧାନ, ଲକ୍ଷ୍ମଣ ଦଳାଇ, ଶିକ୍ଷାବିତ ମଧୁସୁଧନ ପାଢ଼ୀ ଓ କୁନା ପାତ୍ର ଉକ୍ତ ଦିବ୍ୟାଙ୍ଗ ଅନୁଷ୍ଠାନ ରେ ଅଦ୍ୟ ତା ୧୮/୧୨/୨୦୨୨ ରବିବାର ଦିବା ୩ ଘଣ୍ଟା ସମୟରେ ପରିଦର୍ଶନ କରିଥିଲେ ଏବଂ ଛାତ୍ରଛାତ୍ରୀ ମାନଙ୍କ ଦ୍ଵାରା ସେମାନଙ୍କ ସ୍ବାଗତ ସମ୍ବର୍ଦ୍ଧନା କରାଯାଇଥିଲା । ତତ୍ପରେ ତିବତିଆନ ପରିବାର ଅନୁଷ୍ଠାନ କୁ ଶୀତ ବସ୍ତ୍ର ପ୍ରଦାନ ସହ ବେଡ ମଧ୍ଯ ପ୍ରଦାନ କରିଥିଲେ ଏହାକୁ ବଣ୍ଟନ କରିଥିଲେ ଶ୍ରୀ ଦାଶରଥି ଗମାଙ୍ଗ ବିଦ୍ୟାଳୟର ସମସ୍ତ ଦିବ୍ୟାଙ୍ଗ ଛାତ୍ରଛାତ୍ରୀ ଓ କର୍ମଚାରୀ ମାନଙ୍କୁ । ଅନୁଷ୍ଠାନ ର କୋଣ ଅନୁକୋଣ ପରିଦର୍ଶନ କରିବା ସହ ଆଗାମୀ ଦିନରେ ଅନୁଷ୍ଠାନର ସୁବିଧା ଅସୁବିଧାରେ ଯୋଗଦେବା ପାଇଁ ପ୍ରତିଶ୍ରୁତି ମଧ୍ୟ ଦେଇଥିଲେ ।ବିଧାୟକ ଶ୍ରୀ ଗମାଙ୍ଗ ମୁଖ୍ୟ ଅତିଥି ଭାବେ ଉକ୍ତ କାର୍ଯ୍ୟକ୍ରମ ରେ ଯୋଗ ଦେଇ କାର୍ଯ୍ୟକ୍ରମ କୁ ଆନନ୍ଦ ମୁଖରିତ କରିଥିଲେ ।ବିଦ୍ୟାଳୟ ପରିଚାଳନା କମିଟି ର ସମ୍ପାଦକ ଶ୍ରୀ ଦଣ୍ଡାସି ସାହୁ, କମିଟି ବୃନ୍ଦ ଏବଂ ଅନୁଷ୍ଠାନ ର ସମସ୍ତ କର୍ମଚାରୀ ଉକ୍ତ କାର୍ଯ୍ୟକ୍ରମ ରେ ସହଯୋଗ କରିଥିଲେ ।ପରିଶେଷରେ ସମ୍ପାଦକ ଙ୍କ ଦ୍ଵାରା ଧନ୍ୟବାଦ ଅର୍ପଣ କରାଯାଇଥିଲା ।