ମଣ୍ଡଳସ୍ତରୀୟ କ୍ରୀଡା ଉତ୍ସବ ଅନୁଷ୍ଠିତ

୧୮ ଡିସେମ୍ବର ରବିବାର ( ଓଡ଼ିଶା ତାଜା ନ୍ୟୁଜ ) ଆର, ଉଦୟଗିରି :- ଶନିବାର ଗଜପତି ଜିଲ୍ଲାର ଆର.ଉଦୟଗିରି ଅନ୍ତର୍ଗତ କେ.ଏମ.ଭାଲିଆସାହି ଉଚ୍ଚ ବିଦ୍ୟାଳୟଠାରେ ମଣ୍ଡଳ ସ୍ତରୀୟ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି l ଆର.ଉଦୟଗିରି ଓ ମୋହନା ବ୍ଲକର ବିଭିନ୍ନ ବିଦ୍ୟାଳୟରୁ କୁନିକୁନି ଖେଳାଳିମାନେ ଆସି ନିଜେ ନିଜର ଖେଳ ପ୍ରଦର୍ଶନ କରିଥିଲେ l ବର୍ତମାନ କ୍ରୀଡାକୁ ଅଗ୍ରାଧିକାର ଦିଆଯାଇ ହକି ଇଣ୍ଡିଆ ଅନୁଷ୍ଠିତ ହେବାକୁ ଯାଉଅଛି l ଏଣୁ ରାଜ୍ୟ ସରକାର ପିଲାମାନଙ୍କର ଶାରୀରିକ, ମାନସିକ ଏବଂ ବୌଦ୍ଧିକର ବିକାଶକୁ ଗୁରୁତ୍ୱ ଦେଇ କ୍ରୀଡା ଉପରେ ଅଧିକ ନଜର ଦେଇଛନ୍ତି l ଅତଏବ ସାରା ଓଡିଶାରେ ପ୍ରତ୍ୟେକ ବିଦ୍ୟାଳୟ, ମହାବିଦ୍ୟାଳୟମାନଙ୍କରେ କ୍ରୀଡା ଉତ୍ସବ ପାଳନ କରାଯାଇ ଶ୍ରେଷ୍ଠ ବିବେଚିତମାନଙ୍କୁ ରାଜ୍ୟସ୍ତରରେ ଖେଳିବାର ସୁଯୋଗ ପ୍ରଦାନ କରିଛନ୍ତି l ଏଣୁ ଏହି ପରିପ୍ରେକ୍ଷୀରେ ସରକାରୀ ଉଚ୍ଚ ବିଦ୍ୟାଳୟ, କେ. ଏମ. ଭାଲିଆସାହିଠାରେ ମୋହନା ଏବଂ ଆର.ଉଦୟଗିରି 2ଟି ବ୍ଲକର 250 ଜଣ ଖେଳାଳିଙ୍କୁ ନେଇ କ୍ରୀଡା ଅନୁଷ୍ଠିତ ହୋଇଯାଇଛି l ଏଥିରେ ଭଲି, କବାଡି, ଖୋ ଖୋ, ଲମ୍ବା ଡିଆଁ, ଉଚ୍ଚା ଡିଆଁ, ଦୌଡ, ଶର୍ଟ ପୁଟ, ଡ଼ିସକସ, ଜାଭଲିନ ଆଦି ଖେଳ ସହିତ ଯୋଗକୁ ମଧ୍ୟ ପ୍ରାଧାନ୍ୟ ଦିଆଯାଇଥିଲା l ଏହି ସଭାରେ ରା. ଉଦୟଗିରି ଚେୟାରମ୍ୟାନ ଶ୍ରୀଯୁକ୍ତ ଲଷ୍ମୀନାରାୟଣ ଶବର ମୁଖ୍ୟ ଅତିଥି, ମହେନ୍ଦ୍ରଗିରି କଲେଜ,ରାମଗିରିର ପ୍ରିନସିପାଲ ପ୍ରିୟଦର୍ଶିନୀ ପଟ୍ଟନାୟକ ମୁଖ୍ୟବକ୍ତା, ରା.ଉଦୟଗିରି ଏବିଇଓ ଯୁଧିଷ୍ଠିର ବେହେରା ସଭାପତି,ଜିଲ୍ଲା ପରିଷଦ ଯମୁନା ଦଳବେହେରା, ଜିଲ୍ଲା ପରିଷଦ ଦଣ୍ଡପାଣି ବଡମୁଣ୍ଡି,

ଜଗବନ୍ଧୁ ଦାସ, ପବିତ୍ର ଗମାଙ୍ଗ, ଭୀମ ପାଇକ, ସର୍ବେଶ୍ୱର ସେଠି, ବିଦ୍ୟାଳୟର ସଭାପତି ସାଧୁଚରଣ ଦଣ୍ଡସେନା, ଶିକ୍ଷାବିତ ଆଦିକନ୍ଦ ବଣୁଆରାୟୀ ଆଦି ଭଦ୍ରବ୍ୟକ୍ତିମାନେ ସମ୍ମାନିତ ଅତିଥିରୂପେ ଯୋଗଦାନ କରିଥିଲାବେଳେ ବିଦ୍ୟାଳୟର ସଂସ୍କୃତଶିକ୍ଷକ ପ୍ରହ୍ଲାଦ ଶିଅଳ ସଭାକାର୍ଯ୍ୟ ପରିଚାଳନା କରିଥିଲେ l ପ୍ରଧାନଶିକ୍ଷକ ରାମଚନ୍ଦ୍ର ଦଳବେହେରା ଉକ୍ତ କାର୍ଯ୍ୟକ୍ରମର ସମସ୍ତ ଦାୟିତ୍ୱକୁ ସୁଚାରୁରୂପେ ତୁଲାଇ ସମସ୍ତଙ୍କର ଆଦରର ପାତ୍ର ହୋଇଥିଲେ l ଉକ୍ତ କାର୍ଯ୍ୟକ୍ରମରେ କିଶୋର, ନୀଳକଣ୍ଠ, ତାରିଣୀ ଚରଣ, ଦିଗାମ୍ବର, ସନ୍ତୋଷ, ସଞ୍ଜୟ, ଅସିତ, କେଦାର, ସୁଶାନ୍ତ, ପ୍ରଶାନ୍ତ, ସାଲାନା ରାଜୁ, ବିରଜା,ମମତା, ରବିନା, ପ୍ରଜ୍ଞା, ସଂଗୀତା,ସୁନିତା, ସୁଷମା ଆଦି ଶିକ୍ଷକ ଶିକ୍ଷୟତ୍ରୀମାନେ ପୂର୍ଣ୍ଣ ସହଯୋଗ କରି କାର୍ଯ୍ୟକ୍ରମକୁ ସଫଳ କରାଇଥିଲେ l