ଛେଳାଗଡ ପଞ୍ଚାୟତରେ ଗ୍ରାମସଭା

୧୫ ଡିସେମ୍ବର ଗୁରୁବାର ( ଓଡ଼ିଶା ତାଜା ନ୍ୟୁଜ ) ଆର. ଉଦୟଗିରି :- ଆର,ଉଦୟଗିରି ବ୍ଲକର ଛେଳାଗଡ ପଞ୍ଚାୟତ କାର୍ଯ୍ୟାଳୟରେ ଗ୍ରାମସଭା ଅନୁଷ୍ଠିତ ହୋଇଥିଲା । ସରପଞ୍ଚ ଡାଳିମ୍ବ ଗମାଙ୍ଗଙ୍କ ସଭାପତିତ୍ବରେ ଅନୁଷ୍ଠିତ ଏହି ସଭରେ ପଞ୍ଚାୟତ ବିକାଶ ଯୋଜନା ଅନ୍ତର୍ଗତ ବାଷିକ କାର୍ଯ୍ୟ ଖସଡା ୨୦୨୩– ୨୪ ଅନୁସାରେ ଶିକ୍ଷା, ସ୍ବାସ୍ଥ୍ୟ, କୃଷି, ପ୍ରାଣୀଧନ, ଉଦ୍ୟାନ ଆଦି ବିଭିନ୍ନ ବିଷୟରେ ଆଲୋଚନା ହୋଇ ସ୍ଥିରୀକୃତ ହୋଇଥିବା ଜଣାପଡିଛି ।ଉକ୍ତ ସଭାରେ ପଞ୍ଚାୟତର ସମିତିସଭ୍ୟ, ନାଏବ ସରପଞ୍ଚ ଓ ବିଭିନ୍ନ ଓ୍ବାଡର ସଭ୍ୟ/ସଭ୍ୟା, ଜିଆରଏସ୍, ଯୋଗାଣ ସହାୟକ ପ୍ରମୁଖ ଯୋଗଦେଇଥିଲେ । ପଞ୍ଚାୟତ ରାସ୍ତା, ଡ୍ରେନ, ପାନୀୟଜଳ ସହ ବିଭିନ୍ନ ସମସ୍ୟା ଉପରେ ଆଲୋଚନା ହୋଇଥିଲା ।ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ସଶାଙ୍କ ସେଖର ସୁବୁଦ୍ଧି କାର୍ଯ୍ୟକ୍ରମ ସଂଯୋଜନା କରା ବିଭିନ୍ନ ଯୋଜନା ସମ୍ପର୍କରେ ବୁଝାଇଥିବା ବେଳେ ଏଥିରେ ପଞ୍ଚାୟତର ସମସ୍ତ ଗ୍ରାମର ୩ ଶହରୁ ଅଧିକ ମହିଳା ଓ ପୁରୁଷ ଯୋଗ ଦେଇଥିଲେ ।