୧୧ ଡିସେମ୍ବର ରବିବାର ( ଓଡ଼ିଶା ତାଜା ନ୍ୟୁଜ ) ଆର,ଉଦୟଗିରି :- ମୋହନା ବ୍ଲକର ଖାରିମୁମା ଗ୍ରାମର ୯ ବର୍ଷ ଶିଶୁ ରଞ୍ଜନ ମଳିକ ୪ ବର୍ଷ ହେଲା ରୋଗରେ ସଢୁଛି । ତାକୁ ଯେତେବେଳେ ୫ ବର୍ଷ ହୋଇଥିଲା ମା ଛାଡି ଚାଲିଗଲେ ଆରପାରିକୁ । ବହୁ କଷ୍ଟରେ ୫ ଶ୍ରେଣୀ ପର୍ଯ୍ୟନ୍ତ ପାଠ ପଢୁଥିଲା । କିନ୍ତୁ ଅଜଣା ରୋଗ ଯୋଗୁଁ ଅଧାରୁ ପାଠ ଛାଡିଦେଇଥିଲା । ବାପା କାମଦେବ ମଳିକ ଦିନ ମଜୁରିଆ। ଆଥିକ ଅବସ୍ଥା ଭଲ ନଥିଲେ ମଧ୍ୟ ପୁଅର ଚିକିତ୍ସା ପାଇଁ ପ୍ରଥମେ ଚେରମୂଳି ଔଷଧ ବ୍ୟବସ୍ଥା କରିଥିଲେ । ଭଲ ନହେବାରୁ ଚନ୍ଦ୍ରଗିରି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ ବ୍ରହ୍ମପୁର ବଡ ଡାରକ୍ତଖାନାକୁ ନେଇଥିଲେ । ସେଠାରେ ତାଙ୍କର ସମସ୍ତ ପ୍ରକାର ପରୀକ୍ଷା କରିଯାଇଥିଲା । ୭ ଦିନ ରହିଲେ କିନ୍ତୁ ଡାକ୍ତର ରୋଗ ନିଣ୍ଣୟ କରିନପାରି ଘରକୁ ପଠାଇଦେଇଦେଲେ । ରଞ୍ଜନ ଗାଁରେ ରହୁଥିବା ନିଜ ପିଇସି ଗେଲି ମଳିକଙ୍କ ଘରେ ରହୁଛନ୍ତି । ତାର ଦୁଇ ଗୋଡ ଅକାମୀ ।
ଚଳାବୁଲା କରିପାରୁନି । ଘରେ ଝାଡା ପରିତ୍ସା କରୁଛି । ପିଉସୀ ତାର ସମସ୍ତ ସେବା ଯତ୍ନ କରୁଛନ୍ତି । ପାଠ ପଢିବାକୁ ରଞ୍ଜନ ର ପ୍ରବଳ ଇଛାଶକ୍ତି ଅଛି । କିନ୍ତୁ ହୁରାରୋଗରେ ପୀଡିତ ହେବାରୁ ସେ ପାଠପଢାରୁ ବଞ୍ଚିତ । ଯଦି ସରକାରୀ ସ୍ତରରେ ଚିକିତ୍ସା ସହାୟତା ମିଳିଲେ ପୁଅ ଭାଇ ହୁଅନ୍ତା ବୋଲି ବାପା ଆଶା ବାନ୍ଧିଛନ୍ତି । ତାଙ୍କର ୪ଟି ପୁଅ ଓ ଗୋଟିଏ ଝିଅ । ଅପରପକ୍ଷେ କାମଦେବଙ୍କୁ ଦୀର୍ଘବର୍ଷ ତଳେ ମିଳିଥିବା ପ୍ରଧାନମନ୍ତୀ ଆବାସ ଅଧାପନ୍ତରିଆ । ପୁଅର ରୋଗ ସାଙ୍ଗକୁ ଘରର ଆଥିକ ଅବସ୍ଥା ଭଲ ନ ଥିବାରୁ ଘର ସଂପୂଣ୍ଣ କରିପାରି ନଥିବା କହିଛନ୍ତି ।
