ଦଶପଲ୍ଲା ବିଧାୟକ ଙ୍କ ଶକ୍ତି ପ୍ରଦର୍ଶନ ଜନ ସମ୍ପର୍କ ପଦଯାତ୍ରା ରେ ଜନ ସମୁଦ୍ର

ଓଡ଼ିଶା ତାଜା ନ୍ୟୁଜ (୨୮ ଅକ୍ଟୋବର ଶୁକ୍ରବାର ) ଦଶପଲ୍ଲା :- ଦଶପଲ୍ଲା ରେ ଶକ୍ତି ପ୍ରଦର୍ଶନ କଲେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା। ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଙ୍କ ନିର୍ଦ୍ଦେଶ କ୍ରମେ ଦଶପଲ୍ଲା ବିଧାୟକ ତଥା ନୟାଗଡ ଜିଲ୍ଲା ବିଜେଡ଼ି ସଭାପତି ରମେଶ ଚନ୍ଦ୍ର ବେହେରା ଙ୍କ ନେତୃତ୍ୱରେ ଦଶପଲ୍ଲା ନିର୍ବାଚନ ମଣ୍ଡଳୀର ବିଶାଳ ଜନ ସମ୍ପର୍କ ପଦଯାତ୍ରା ଦଶପଲ୍ଲା ରେ ଅନୁଷ୍ଠିତ ହୋଇଯାଇଛି ।ଯୁବ ବିଧାୟକ ରମେଶ ଚନ୍ଦ୍ର ବେହେରା ଙ୍କ ନେତୃତ୍ୱରେ ଅନୁଷ୍ଠିତ ଜନ ସମ୍ପର୍କ ପଦଯାତ୍ରା ରେ ନୟାଗଡ ବିଧାୟକ ଡ଼ ଅରୁଣ କୁମାର ସାହୁ,ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ,କନ୍ଧମାଳ ସାଂସଦ ଡ଼ ଅଚ୍ୟୁତ ସାମନ୍ତ, ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ ଙ୍କ ସମେତ ଦଶପଲ୍ଲା ,ନୂଆଗାଁ, ଏବଂ ଗଣିଆ ବ୍ଲକ୍ ର ଅଧ୍ୟକ୍ଷା, ଉପାଧ୍ୟକ୍ଷ,ଜିଲ୍ଲା ପରିଷଦ ,ସରପଞ୍ଚ,ସମିତି ସଭ୍ୟ, ସଭ୍ୟା, ବିଜେଡ଼ି କର୍ମୀ,ଯୁବ ,ଛାତ୍ର ଙ୍କ ସମେତ ହଜାର ହଜାର ମହିଳା ଏହି ପଦଯାତ୍ରା ରେ ସାମିଲ ହୋଇଥିଲେ।

ଏହି ପଦଯାତ୍ରା ଟି ଦଶପଲ୍ଲା ର ଆରାଧ୍ୟ ଠାକୁର ମହାବୀର ଙ୍କ ପ୍ରାଙ୍ଗଣ ଠାରୁ ଆରମ୍ଭ ହୋଇ ଦଶପଲ୍ଲା ବଜାର ମଧ୍ୟ ଦେଇ ୩ କିମି ରାସ୍ତା ଅତିକ୍ରମ କରି ତ୍ରିନାଥ ବଜାର ନିକଟସ୍ଥ ମେଳିଆ ତୋଟା ଠାରେ ପହଞ୍ଚିଥିଲା । ସେଠାରେ ସମସ୍ତେ ଏକତ୍ରିତ ହେବା ସହ ଏକ ସଭାର ଆୟୋଜନ ହୋଇଥିଲା । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କ ବିଭିନ୍ନ ଜନ ହିତକର ଯୋଜନା,ସାଢେ଼ ଚାରିକୋଟି ଓଡ଼ିଆ ଙ୍କୁ କିପରି ନିଜ ପରିବାର ବୋଲି ଭାବିବା,ଓଡ଼ିଶାକୁ ବିକଶିତ କରିବାରେ ତାଙ୍କ ଭୂମିକା ଉପରେ ସାଂସଦ ,ବିଧାୟକ ଏବଂ ଲୋକ ପ୍ରତିନିଧି ମାନେ ବର୍ଣ୍ଣନା କରିଥିଲେ । ଦଶପଲ୍ଲା ନିର୍ବାଚନ ମଣ୍ଡଳୀ ଏକ ନିଆରା ନିର୍ବାଚନ ମଣ୍ଡଳୀ ଯାହାକି ବିଜେଡ଼ି ର ଗଡ । ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି ଲୋକ ଆଶା ,ବିଶ୍ୱାସ ଏବଂ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା,କନ୍ଧମାଳ ସାଂସଦ ଅଚ୍ୟୁତ ସାମନ୍ତ ଙ୍କ ପ୍ରଚେଷ୍ଟା ଯୋଗୁ ଯେଉଁ ବିକାଶ ଧାରା ଚାଲୁରହିଛି ତେଣୁ ଜନ ସମ୍ପର୍କ ପଦଯାତ୍ରା ଜନ ସମୁଦ୍ର ହୋଇଥିବା ନୟାଗଡ ବିଧାୟକ ଡ଼ ଅରୁଣ କୁମାର ସାହୁ କହିଥିଲେ । ତତ୍ ସହିତ ଯୁବ ବିଧାୟକ ରମେଶ ଚନ୍ଦ୍ର ବେହେରା ଙ୍କ ନେତୃତ୍ୱ କୁ ପ୍ରଶଂସା କରିଥିଲେ। ତତ୍ ସହିତ ୨୦୨୪ ନିର୍ବାଚନ ରେ ବିଧାୟକ ରମେଶ ଚନ୍ଦ୍ର ବେହେରା ଏବଂ ସାଂସଦ ଅଚ୍ୟୁତ ସାମନ୍ତ ଙ୍କୁ ବିପୁଳ ଭୋଟ ଦେଇ ଜୟଯୁକ୍ତ କରାଇବା ପାଇଁ କର୍ମୀ ମାନଙ୍କୁ ନୟାଗଡ ବିଧାୟକ କହିଥିଲେ ।ଏହି ଜନ ସମ୍ପର୍କ ପଦଯାତ୍ରା ରେ ଜନ ସମୁଦ୍ର ଦେଖି ସ୍ପଷ୍ଟ ବାରି ହେଇଯାଉଛି ବିଧାୟକ ରମେଶ ଚନ୍ଦ୍ର ବେହେରା ଙ୍କ ସୁଦୃଢ ନେତୃତ୍ୱ । ଏଭଳି ଜନ ସମୁଦ୍ର ଦଶପଲ୍ଲା ନିର୍ବାଚନ ମଣ୍ଡଳୀରେ କେବେ ଦେଖିବାକୁ ମିଳିନଥିଲା ।୧୦ ହଜାର ରୁ ଉର୍ଦ୍ଧ୍ବ ବିଜେଡ଼ି କର୍ମୀ ଙ୍କ ସମାଗମ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ଙ୍କ ସୁଦୃଢ ନେତୃତ୍ବକୁ ପ୍ରମାଣିତ କରିଦେଇଛି । କୁଚକ୍ରୀ ଗୋଷ୍ଠୀ ଙ୍କ ମିଥ୍ୟା ପ୍ରଚାର ର ପୂର୍ଣ୍ଣଚ୍ଛେଦ ପଡିଛି ।