ତେବେ ସେମାନେ ସିଧାସଳଖ ପ୍ରକାଶ କରିଛନ୍ତି ଯେ ବିଜେଡି ଦଳର ମୁଖ୍ୟା ଏହି ଜନସମ୍ପର୍କ ପଦଯାତ୍ରା ସବୁ ନିର୍ବାଚନ ମଣ୍ଣଳୀରେ କରିବା ପାଇଁ ନିଦେର୍ଶ ଦେଇଛନ୍ତି ଆମେ ନିଲମ୍ବିତ କିମ୍ବା ଅସନ୍ତୁଷ୍ଟ କର୍ମୀ ହେଲେ ମଧ୍ୟ ବିଜେଡି ଦଳର ସବୁ ନିୟମ ମାନି ଚଳୁଛୁ ଏବଂ ରାଜ୍ୟସ୍ତରୀୟର ସମସ୍ତ କଥା କୁ ମାନି ଆମେ କାର୍ଯ୍ୟକ୍ରମ କରୁଛୁ ବୋଲି ତାଙ୍କ ମାନଙ୍କ ପ୍ରତିକ୍ରିୟାରେ ପ୍ରକାଶ କରିଥିଲେ । ସ୍ଥାନୀୟ ଦଶମନ୍ତପୁର ହାଟପଡା ଠାରୁ ୩ ଟି ପଂଚାୟତର ହଜାର ହଜାର କର୍ମୀ ହାତରେ ଦଳୀୟ ପତାତା ଧରି ଓଡିଶାର ନମ୍ବର୧ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଜିନ୍ଦାବାସ ଓ ବବି ଭାଇ ଜିନ୍ଦାବାଦ ନାରା ଦେଇ ବାହାରି ଦଶମନ୍ତପୁର ଗ୍ରାମ ପରିକ୍ରମା କରିବା ସହ ହାଟପଡା ଠାରେ ଏକ ସାଧାରଣ ବୈଠକ ମଧ୍ୟ କରିଥିବାର ଜଣାଯାଇଛି ।
ଏହି କାର୍ଯ୍ୟକ୍ରମକୁ ପଂଚାୟତ ସ୍ତରର କର୍ମୀ ମାନେ ଯୋଗଦାନ କରିଥିବା ବେଳେ ଅସନ୍ତୁଷ୍ଟ କର୍ମୀଙ୍କ ପକ୍ଷରୁ ଆୟୋଜନ କରାଯାଇଥିଲା । ବିଜୁ ଜନତା ଦଳ ପକ୍ଷରୁ ରାଜ୍ୟବ୍ୟାପୀ ଅକ୍ଟୋବର ୨ ରୁ ଏକମାସ ଧରି ସମସ୍ତ ନିର୍ବାଚନ ମଣ୍ଡଳୀରେ ଜନସମ୍ପର୍କ ପଦଯାତ୍ରା ଆୟୋଜନ କରାଯାଇଥିବା ବେଳେ ବୈପାରିଗୁଡାର ଅସନ୍ତୋଷ ଗୋଷ୍ଠୀ ପକ୍ଷରୁ ପ୍ରଥମଥର କରି ଏହି ପଦଯାତ୍ରା କରିଥିବାର ଜଣାପଡିଛି । ରାଜ୍ୟ ସରକାରଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନା ଓ ସାମୁହିକ ବିକାଶମୂଳକ ଯୋଜନାର ସଫଳ ରୂପାୟନ କରିବା ଏବଂ ଜନସାଧାରଣ ଓ ସମାଜରେ ସବୁଠାରୁ ତଳସ୍ତରରେ ରହିଥିବା ଲୋକମାନେ କିପରି ସୁଫଳ ପାଇପାରିବେ ସେଥିପ୍ରତି ଧ୍ୟାନ ଦେବା ପାଇଁ ଦଳୀୟ ଅସନ୍ତୁଷ୍ଟ କର୍ମୀ ନିର୍ବାଚିତ ପ୍ରତିନିଥି ଓ କର୍ମୀଙ୍କୁ ସଚେତନ କରାଇଥିଲେ । ଏହି ଜନସମ୍ପର୍କ ପଦଯାତ୍ରାରେ ଅସନ୍ତୁଷ୍ଟ କର୍ମୀଙ୍କ ସହିତ କିଛି ସରପଂଚ , ସମିତିସଭ୍ୟ, ୱାର୍ଡମେମ୍ବର ମାନେ ଉପସ୍ଥିତ ରହିଥିଲେ ।
