ସଚେତନତା ଅଭାବରୁ ଅନ୍ଧ ବିଶ୍ବାସ ର ବଶବର୍ତ୍ତୀ ହୋଇ ପେଟ ବ୍ୟଥାରୋଗରୁ ମୁକ୍ତି ପାଇଁ ଏବେ ବି ଦୁର୍ଗାମାଞ୍ଚଳ ଲୋକଙ୍କ ଚେଙ୍ଗ ଓ ଗୁଣିଗାରେଡି ଉପରେ ବିଶ୍ୱାସ

ଓଡ଼ିଶା ତାଜା ନ୍ୟୁଜ (୧୬ ଅକ୍ଟୋବର ରବିବାର ) ପାରଳାଖେମୁଣ୍ଡି :- ଗଜପତି ଜିଲ୍ଲା ଅନ୍ତର୍ଗତ ଆଦିବାସୀ ଅଧ୍ୟୁଷିତ ଅଞ୍ଚଳ ଗୁଡ଼ିକରରେ ସଚେତନତା ଅଭାବରୁ ଏବେ ମଧ୍ୟଲୋକଙ୍କ ମଧରେ ଅନ୍ଧ ବିଶ୍ବାସ ଲାଗିରହିଛି l ଆଜିର ଦିନରେ ମଧ୍ୟ ଲୋକମାନେ କୌଣସି ରୋଗ ହେଲେ ଝାଡଫୁଙ୍କାରେ ବିଶ୍ୱାସ ରଖି ତାନ୍ତ୍ରିକ ମାନଙ୍କ ପାଖକୁ ଯାଉଛନ୍ତି l ଏଭଳି ଏକ ଘଟଣା ମୋହନା ବ୍ଲକର ଗୁଲୁବା ପଞ୍ଚାୟତର ଅଟାଗଣ୍ଡା ଗ୍ରାମରେ ଦେଖିବାକୁ ମିଳିଛି l ବିଜ୍ଞାନ ଯୁଗରେ ପୁଣି ପେଟରେ ଚେଙ୍ଗ ଦେଇ ଆରୋଗ୍ୟ ଲାଭ କରିବା ଭଳି ଅନ୍ଧବିଶ୍ୱାସର ବଶବର୍ତ୍ତୀ ହେଉଛନ୍ତି ଦୁର୍ଗମ ଆଦିବାସୀ ଅଞ୍ଚଳର ଲୋକେ । ଆଦିବାସୀ ଗାଁ ମାନଙ୍କରେ ସ୍ୱାସ୍ଥ୍ୟ ବିଭାଗ ଓ ସରକାରୀ କଳର ସଚେତନତାର ଅଭାବ ହେତୁ ପେଟ ବ୍ୟଥା ଭଳି ବେଦନାରୁ ସୁସ୍ଥ ହୋଇ ଆରୋଗ୍ୟ ଲାଭ କରିବା ପାଇଁ ପେଟରେ ଚେଙ୍କ ଦିଆଯାଉଥିବା ଦେଖିବାକୁ ମିଳିଛି I ଏପରି ଦୁଃଖଦ ଘଟଣା ଗଜପତି ଜିଲ୍ଲା ମୋହନା ବ୍ଳକ ଅନ୍ତର୍ଗତ ଗୁଲୁବା ପଞ୍ଚାୟତ ଅଧିନ ଅଟାଗଣ୍ଡା ଗ୍ରାମରେ।ସୂଚନାଯୋଗ୍ୟ ଗୁଞ୍ଜିପାଟାଙ୍ଗ ମଳିକଙ୍କ ପେଟରେ ଦିଆଯାଇଛି ଚେଙ୍ଗ I

କିଛି ଦିନ ତଳେ ଗୁଞ୍ଜିପାଟାଙ୍ଗଙ୍କ ପେଟ ବ୍ୟଥା ହେବାରୁ ଚିକିତ୍ସା ପାଇଁ ଅର୍ଥ ଅଭାବରୁ ସ୍ଵାସ୍ଥ୍ୟକେନ୍ଦ୍ରକୁ ଯାଇ ନ ପାରି ଆରୋଗ୍ୟ ଲାଭ କରି ସୁସ୍ଥ ହେବା ସକାଶେ ପେଟରେ ଚେଙ୍ଗ ଦେଇଛନ୍ତି I ସେ ଆରୋଗ୍ୟ ଲାଭ କରିବା ପରିବର୍ତ୍ତେ ପେଟରେ ଚେଙ୍ଗ ଦେବା ଦ୍ଵାରା ଆଘାତ ଲାଗି ବହୁ ସ୍ଥାନରେ ଚିହ୍ନ ହେବା ସହିତ ପେଟର ଚମଡା ମୁଦା ହୋଇ ରହିବା ଫଳରେ ଯନ୍ତ୍ରଣାରେ କଲବଲ ହୋଇ ଜୀବନ ବିତାଉଛନ୍ତି I ବିଶେଷ କରି ଏହି ପରି ପେଟ ବ୍ୟଥା ବେଦନାରୁ ଆରୋଗ୍ୟ ଲାଭ ପାଇଁ ଅନ୍ଧବିଶ୍ୱାସର ବଶବର୍ତ୍ତୀ ନ ହୋଇ ଦୁର୍ଗମ ଆଦିବାସୀ ବହୁଳ ଅଞ୍ଚଳରେ ସ୍ୱାସ୍ଥ୍ୟ ବିଭାଗ ତରଫରୁ ସଚେତନତା ସୃଷ୍ଟି କରିବା ଓ ଚେଙ୍ଗ ଏବଂ ଗୁଣିଗାରୁଡି ଭଳି କୁସଂସ୍କାରକୁ ଦୂର କରିବା ପ୍ରଶାସନ ପାଇଁ ଜରୁରି ଅଟେ। ଗୁରୁତର ଥିବା ଗୁଞ୍ଜି ପାଟାଙ୍ଗ ମଳିକଙ୍କୁ ସରକାରୀ ସହାୟତାରେ ଚିକିତ୍ସା କରାଇବାକୁ ଅନୁରୋଧ କରିଛନ୍ତି ଅଞ୍ଚଳବାସୀ ଜନସାଧାରାଣଙ୍କୁ ଏହି ଅନ୍ଧ ବିଶ୍ବାସ ରୁ ଦୂରେଇବା ପାଇଁ ଜିଲ୍ଲା ପ୍ରଶାସନ ପକ୍ଷରୁ ସଚେତନତା ସୃଷ୍ଟି କରିବା ପାଇଁ ପଦକ୍ଷେପ ନେବାକୁ ଦାବି ହେଉଛି l