ବୈପାରିଗୁଡା ବ୍ଳକ ଏସ.ୟୁ.ସି.ଆଇ କମ୍ୟୁନିଷ୍ଟ କାର୍ଯ୍ୟାଳୟ ପରିସର କମ୍ରେଡ ସୂର୍ଯ୍ୟ ନାରାୟଣ ବିଶୋୟୀଙ୍କ ସଭାପତିତ୍ୱରେ ଏହି ସାମ୍ବାଦିକ ସମ୍ମିଳନୀ ଅନୁଷ୍ଟିତ ହୋଇଥିବା ବେଳେ ମୁଖ୍ୟଅତିଥି ଭାବେ ରାଜ୍ୟ ସମ୍ପାଦକ ମଣ୍ଡଳୀ ସଦସ୍ୟ କମ୍ରେଡ ସଦାଶିବ ଦାସ ଯୋଗଦାନ କରିଛନ୍ତି । ଏହି ଗଣ ବିକ୍ଷୋଭରେ ୩୦ ଗୋଟି ଜିଲ୍ଲାରୁ ହଜାର ହଜାର ସଂଖ୍ୟକ ଲୋକ ଯୋଗ ଦେଉଥିବା ବେଳେ ମାଲକାନଗିରି, କୋରାପୁଟ, ରାୟଗଡା ଓ କୋରାପୁଟ ଜିଲ୍ଲାରୁ ଅନ୍ୟୁନ୍ୟ ୫ ଶହ ଲୋକ ଯାଇ ସେଠାରେ ସାମିଲ ହେବେ ବୋଲି ସୂଚନା ମିଳିଛି । ଆନ୍ଦୋଳନକାରୀ ଖଟିଖିଆ ମେହେନତି ଲୋକମାନଙ୍କ ନେତୃତ୍ୱ ନେବେ କମ୍ରେଡ କାହ୍ନୁ ବିଶ୍ୱାଳ, କମ୍ରେଡ ସୂର୍ଯ୍ୟନାରାୟଣ ବିଶୋୟୀ, କମ୍ରେଡ ରାମ ବାରିକ,ଲକ୍ଷ୍ମୀ ବାରିକ, ରବିନ୍ଦ୍ର ପଣ୍ଡା ବୋଲି ଜଣାପଡିଛି ।
ବନ୍ଦ କରାଯାଇଥିବା ସମସ୍ତ ପ୍ରାଥମିକ ବିଦ୍ୟାଳୟଗୁଡିକୁ ତୁରନ୍ତ ଖୋଲ । ଖାଲିପଡିଥିବା ସମସ୍ତ ଶିକ୍ଷକ ଅଧ୍ୟାପକ ଓ ଅନ୍ୟାନ୍ୟ ପଦବୀରେ ସ୍ଥାୟୀ ନିଯୁକ୍ତି ଦେବା ସହ ଶିକ୍ଷାର ସମସ୍ତ ଆର୍ଥିକ ଦାୟିତ୍ୱ ସରକାର ବହନ କରିବା ଏହି ଭଳି ବିଭିନ୍ନ ଦାବି ଉପସ୍ଥାପନ କରି ଏସ.ୟୁ.ସି.ଆଇ କମ୍ୟୁନିଷ୍ଟ ପକ୍ଷରୁ ଭୁବନେଶ୍ୱର ଠାରେ ରାଜ୍ୟସ୍ତରୀୟ ଗଣ ବିକ୍ଷୋଭ କରିବାକୁ ଯାଉଛି ।
