ଗତ ୫ ବର୍ଷ ତଳେ ଉକ୍ତ ଗାଡ଼ି ଉଦ୍ଘାଟନ ସମୟରେ ଆୟୋଜିତ କାର୍ଯ୍ୟକ୍ରମରେ ଜିଲା କୃଷି ଅଧିକାରୀ, ସମବାୟ ନିରୀକ୍ଷକ, କୃଷି ବିଭାଗର ପଦାଧିକାରୀମାନେ ଉପସ୍ଥିତ ଥିଲେ । ବର୍ତ୍ତମାନ ଏହି ଗାଡ଼ିଟି ସେବାରେ ନ ଲାଗି ବରଗଡ଼ ସଦର ମହକୁମା ର ସମ୍ବଲପୁର ଜିଲ୍ଲା କେନ୍ଦ୍ରୀୟ ସମବାୟ ବ୍ୟାଙ୍କ ମୁଖ୍ୟ କାର୍ଯ୍ୟାଳୟ ସମ୍ମୁଖରେ ପଡିରହିଛି । ଏ ନେଇ ବ୍ୟାଙ୍କ ର ଜନୈକ ଅଧିକାରୀଙ୍କୁ ପଚାରିବାରୁ ସେ କହିଥିଲେ, ଏହି ଗାଡିଟି ନାବାର୍ଡ ପକ୍ଷରୁ ସେତେବେଳେ ମିଳିଥିଲା ।
ଆଭ୍ୟନ୍ତରୀଣ ଅଞ୍ଚଳଗୁଡ଼ିକରେ କୃଷକମାନେ ସମବାୟ ବ୍ୟାଙ୍କ ମାଧ୍ୟମରେ ବିଭିନ୍ନ ସେବା ପାଇବା ପାଇଁ ଗାଡିଟି ବୁଲିଥାନ୍ତା । ମାତ୍ର ଏହି ଗାଡିରେ ସବୁପ୍ରକାର ସୁବିଧା ଥିଲେ ମଧ୍ୟ ନେଟ୍ଓ୍ବର୍କ ସୁବିଧା ନ ଥିବା, କୁଶଳୀ କର୍ମଚାରୀଙ୍କ ଅଭାବ, ଡ୍ରାଇଭର ଏବଂ ପରିଚାଳନା ପାଇଁ ନାବାର୍ଡ ପକ୍ଷରୁ କୌଣସି ବ୍ୟବସ୍ଥା ନ ଥିବାରୁ ଏହା ପଡିରହିଛି । ଏ ସମ୍ପର୍କରେ ନାବାର୍ଡର ଅଧିକାରୀଙ୍କ ସହ ଯୋଗାଯୋଗ ହୋଇ ନ ପାରିବାରୁ ତାଙ୍କ ପ୍ରତିକ୍ରିୟା ମିଳିପାରିନାହିଁ ।
