ହଠାତ ଦର କମିବା ପରେ ଗ୍ରାହକ ମାନେ ମଧ୍ୟ ଗୋଟିଏ ଗୋଟିଏ ବେପାରୀ ମାନଙ୍କ ପାଖରେ ଲମ୍ବା ଲାଇନରେ ଠିଆ ହୋଇଥିବାର ଦେଖିବାକୁ ମିଳିଥିଲା । ଗୋଟିଏ ପକ୍ଷରେ ଦେଖିବାକୁ ଗଲେ ଏବେ ବୈପାରିଗୁଡା ବଜାରରେ ବଢୁଛି ଛତୁର ଚାହିଦା । ଆଜିକାଲି ବର୍ଷ ତମାମ ଛତୁ ମିଳୁଥିବା ବେଳେ ଶ୍ରାବଣ ଛତୁ ଚାହିଦା ଅନ୍ୟତମ । ବଜାରରେ କୃତ୍ରିମ ଉପାୟରେ ଚାଷ କରି ଛତୁ ପ୍ରସ୍ତୁତ କରାଯାଉଛି ତେବେ ପ୍ରାକୃତିକ ପରିବେଶରେ ଉଠୁଥିବା ଛତୁର ଚାହିଦା ଅଧିକ ଓ ସ୍ୱାଦ ଟିକେ ଅତି ନିଆରା ।
ଏଣୁ ସେ ସବୁର ଚାହିଦା ଏହି ଅଂଚଳରେ ଅଧିକ । ଆଗରୁ ଘରବାଡି,ପଡିଆ ଓ ପାହାଡରେ ବହୁତ ପ୍ରକାର ଛତୁ ମିଳୁଥିଲା ।ତେବେ ଆଜିକାଲି ଆଉ ସେତେ ମିଳୁନାହିଁ । ଧିରେ ଧିରେ ଏହି ଛତୁ ଗୁଡିକ ବାହାରିବା କମୁଥିବାରୁ ଏହାର ଦର କମିବା ପରିବର୍ତେି ଦିନ କୁ ଦିନ ବଢି ଚାଲିଛି । ଅପରପକ୍ଷ ଛତୁ ସଂଗ୍ରହକାରୀଙ୍କ ଠାରୁ ବଡବଡ ବେପାରୀ ମାନେ କମ ମୂଲ୍ୟରେ କିଣି ବଜାରରେ ଅଧିକ ଦର ଦେଇ ବିକ୍ରି ମଧ୍ୟ କରୁଥିବାର ମଧ୍ୟ ଦେଖିବାକୁ ମିଳିଛି । ଦର ଅଧିକ ଥିଲେ ମଧ୍ୟ ଲୋକଙ୍କ ପସନ୍ଦ ଥିବାରୁ ଛତୁ ବଜାରକୁ ଆସିବା ମାତ୍ର କମ ସମୟ ମଧ୍ୟ ସରି ଯାଉଥିବାର ଦେଖିବାକୁ ମିଳିଛି ।
