ଓଡ଼ିଶା ତାଜା ନ୍ୟୁଜ (୦୨ସେପ୍ଟେମ୍ବର ଶୁକ୍ର ବାର) ପାରଳାଖେମୁଣ୍ଡି :- ଗଜପତି ଜିଲ୍ଲା ଆର.ଉଦୟଗିରି ବ୍ଲକଅନ୍ତର୍ଗତ କେ.ଏମ୍ ଭାଲିଆ ସାହୀ ସ୍ଥୀତ ୫ଟି ବିଦ୍ୟାଳୟର ଛାତ୍ରଛାତ୍ରୀଙ୍କ ଦ୍ବାରା କିଛିନା କିଛି ପାରଦର୍ଶୀତା ଦେଖାଇ ଚର୍ଚ୍ଚାକୁ ଆସିଥାନ୍ତି । କେବେ ବକ୍ତୃତା, କେବେ ଅଭିନୟ , କେବେ ଖେଳକୁଦ, କେବେ ଚିତ୍ରାଙ୍କନ ପରି ବିଭିନ୍ନ ବିଭାଗରେ ସୁନାମ ଆଣୁଥିଲା ବେଳେ, ଆଜି ଶିକ୍ଷକ ଶିକ୍ଷୟିତ୍ରୀଙ୍କ ଦ୍ବାରା ଏକ ନୁଆ ପ୍ରୋଚେଷ୍ଟା ର ଆରମ୍ଭ କରି ଅଞ୍ଚଳରେ ଚର୍ଚ୍ଚା ସାଉଁଟିଛନ୍ତି । ବିଦ୍ୟାଳୟର ପ୍ରଧାନ ଶିକ୍ଷକ ଶ୍ରୀ ରାମଚନ୍ଦ୍ର ଦଳବେହେରାଙ୍କ କହିବା ଅନୁସାରେ ବିଦ୍ୟାଳୟରେ ଅନେକେ ଗରିବ ଛାତ୍ରଛାତ୍ରୀ ପାଠ ପଢିଥାନ୍ତୀ ଯେଉଁମାନଙ୍କର ନିଜ ପରିବାରରେ ପିଲାଙ୍କର ଜନ୍ମଦିନ ପାଳି ପାରିନଥାନ୍ତି ।
ସେମାନଙ୍କର ଜନ୍ମଦିନ ପାଳିବା ଲାଗି ଅନୁଷ୍ଟାନର କର୍ମଚାରିଙ୍କ ନିଜସ୍ବ ଆର୍ଥିକ ସହାୟତାରେ ପ୍ରତି ମାସରେ ଜନ୍ମିତ ପିଲାଙ୍କର ଜନ୍ମଦିନ ପାଳିବାକୁ ନିଷ୍ପତି ନେଇଥିଲା ବେଳେ, ଆଜି ପ୍ରଥମ କରି ୨୬ଜଣ ଛାତ୍ରଛାତ୍ରୀଙ୍କର ଜନ୍ମଦିନ ପାଳନ କରାଯାଇଥିଲା । ବିଦ୍ୟାଳୟରେ ଛାତ୍ରଛାତ୍ରୀଙ୍କ ଶତକଡା ଉପସ୍ଥାନ ରଖିବାକୁ ସରକାର ଅନେକ ଯୋଜନା କରୁଥିବାବେଳେ, ଏହି କେ ଏମ ଭାଲିଆସାହି ବିଦ୍ୟାଳୟର ଶିକ୍ଷକଶିକ୍ଷୟତ୍ରୀମାନେ ଏହି ନୂଆପ୍ରଚେଷ୍ଟା ଦ୍ବାରା ଛାତ୍ରଛାତ୍ରୀଙ୍କ ବିଦ୍ୟାଳୟକୁଆସିବାକୁ
ଅନାଗ୍ରହକୁଏଡାଇବିଦ୍ୟାଳୟରେ ଶତପ୍ରତିଶତ ଛାତ୍ରଛାତ୍ରୀଙ୍କ ଉପସ୍ଥାନ କୁ ଲକ୍ଷ୍ୟ ରଖିଛନ୍ତି । ଏହି କାର୍ଯ୍ୟକ୍ରମରେ ଗୋଷ୍ଠୀ ଶିକ୍ଷା ଅଧିକାରୀ ବିଶ୍ବନାଥ ଭୁୟାଁ ଯୋଗଦେଇ ପ୍ରୟାସକୁ ଭୁରିଭୁରି ପ୍ରଶଂସା କରିବା ସହ, ବୋଧହୁଏ ଜିଲ୍ଲାରେ ପ୍ରଥମ ଓ ଉଦାହରଣ ହେବ ବୋଲି ମତ ରଖିଥିଲେ । ଅନ୍ୟାନ୍ୟ ଛାତ୍ରଛାତ୍ରୀଙ୍କ ଦ୍ବାରା ଜନ୍ମଦିନ ଗୀତ ପରିବେଷଣ ଓ ମନୋରଞ୍ଜନ କାର୍ଯ୍ୟକ୍ରମ ଆୟଜୋନ କରାଯାଇଥିଲା ।
