ଶଙ୍ଖଚିଲା ହିଙ୍ଗୁଳା ଉଚ୍ଚ ମାଧ୍ୟମିକ ବିଦ୍ୟାଳୟ ପକ୍ଷରୁ ସଫଳ ଛାତ୍ରଛାତ୍ରୀଙ୍କୁ ସମ୍ବର୍ଦ୍ଧନା

ଓଡ଼ିଶା ତାଜା ନ୍ୟୁଜ (୨୯ ଅଗଷ୍ଟ ସୋମବାର) କୋରାଇ :- କୋରାଇ ବ୍ଲକ ଅନ୍ତର୍ଗତ ଶଙ୍ଖଚିଲା ସ୍ଥିତ ହିଙ୍ଗୁଳା ଉଚ୍ଚ ମାଧ୍ୟାମିକ ବିଦ୍ୟାଳୟ ପକ୍ଷରୁ ଚଳିତ ବର୍ଷ +୨ପରୀକ୍ଷାରେ କୃତିତ୍ୱ ଅର୍ଜ୍ଜନ କରିଥିବା ସଫଳ ଛାତ୍ରଛାତ୍ରୀଙ୍କ ନିମନ୍ତେ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା । ଅନୁଷ୍ଠାନର ଅଧ୍ୟକ୍ଷ ପର୍ଶୁରାମ ମଲ୍ଲିକଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ମୁଖ୍ୟଅତିଥିଭାବେ କୋରାଇର ବିଧାୟକ ଅଶୋକ କୁମାର ବଳ ଯୋଗ ଦେଇଥିଲେ । ସାଂସ୍କୃତିକ ବିଭାଗର ସଂଯୋଜକ ଅଧ୍ୟାପକ ଗୋବିନ୍ଦ ଚନ୍ଦ୍ର ବେହେରା ସଭା ସଂଚଳାନା କରିଥିଲା ବେଳେ ମୁଖ୍ୟବକ୍ତା ଭାବେ ଇନ୍ଦିରା ଗାନ୍ଧୀ ମହିଳା ଡିଗ୍ରୀ ମହାବିଦ୍ୟାଳୟର ଅଧ୍ୟାପକ ମଳୟ କୁମାର ମଲ୍ଲିକ ଯୋଗ ଦେଇଥିଲେ ।

ସମ୍ମାନୀତ ଅତିଥିଭାବେ ଜିଲାପରିଷଦ ଅଧ୍ୟକ୍ଷା ନଳିନୀପ୍ରଭା ଜେନା, କୋରାଇ ବ୍ଲକ ଅଧ୍ୟକ୍ଷା ଜୟନ୍ତୀ ଦଳାଇ, ଖମଣ ପଂଚାୟତର ସରପଂଚ ଜୟନ୍ତୀ ରାଉତ, ପରିଚଳନା ପରିଷଦର ପୂର୍ବତନ ସଂପାଦକ ଶିବପ୍ରସାଦ ବେହେରା, ପୂର୍ବତନ ସଭ୍ୟ ଦିଲ୍ଲୀପକୁମାର ସାହୁ, ପୂର୍ବତନ ସରପଂଚ କୈଳାସଚନ୍ଦ୍ର ସାହୁ, ସମାଜେସେବୀ କାଶିନାଥ ସାହୁ ପ୍ରମୁଖ ଯୋଗଦେଇ ଶିକ୍ଷା ଓ ଶୈକ୍ଷିକ ବାତାବରଣ ଉପରେ ଆଲୋକପାତ କରିଥିଲେ । ଅଧ୍ୟାପକ ଉପେନ୍ଦ୍ର ନାଥ ନାୟକ ଅତିଥି ପରିଚୟ ପ୍ରାଦାନ କରିଥିଲା ବେଳେ କ୍ରୀଡାଶିକ୍ଷକ ପୀତା ମ୍ବର ବେହେରା ସ୍ୱାଗତ ଭାଷଣ ଦେଇଥିଲେ ।

ଅଧ୍ୟାପିକା ଡକ୍ଟର ସ୍ୱପ୍ନାମାନସୀ ପୃଷ୍ଟି ଓ ଅଧ୍ୟାପିକା ସୁମିତ୍ରା ସ୍ୱାଇଁଙ୍କ ସଂଯୋଜନାରେ ଅନୁଷ୍ଠିତ ସମ୍ବର୍ଦ୍ଧନା ସଭାରେ କେଲଜର ଟପର ଇପ୍ସିତା ଙ୍କ ସମେତ ରୋହିତକୁମାର ସାହୁ, ରୁଦ୍ରନାରାୟଣ ସାହୁ, ରାଜଶ୍ରୀ ସାହୁ, ଇତିଶ୍ରୀ ମାଝୀ, କମଳଲୋଚନ ସାହୁ, ଅମିତ କୁମାର ପରମାଣିକ, ଆକାଶ ତ୍ରିପାଠୀ, ସୁଦାମ ଚରଣ ସାହୁ, ପ୍ରିୟବ୍ରତ ସାହୁ ପ୍ରମୁଖ ସଫଳତା ପାଇଥିବା ୧୦ଜଣକୃତୀ ଛାତ୍ରଛାତ୍ରୀଙ୍କୁ ମାନପତ୍ର ଓ ଫଳକ ଦେଇ ଅତିଥିଙ୍କ ଦ୍ୱାରା ସମ୍ବର୍ଦ୍ଧିତ କରାଯାଇଥିଲା ।

ସେହିପରି ପ୍ରତ୍ୟେକ ବିଷୟରେ ସର୍ବାଧିକ ନମ୍ବର ରଖିଥିବା ୮ଜଣଙ୍କୁ ସମ୍ବର୍ଦ୍ଧିତ କରାଯାଇଥିଲା ବେଳେ ଏନଏସଏସରେ ୧୫ଜଣ, ପ୍ରଥମ ବର୍ଷ ବାର୍ଷିକ ପରୀକ୍ଷାରେ ପ୍ରଥମ, ୨ୟ ଓ ତୃତୀୟ ସ୍ଥାନ ଅଧିକାର କରିଥିବା କୃତୀଛାତ୍ରଛାତ୍ରୀଙ୍କୁ ମଧ୍ୟ ଏହି ଅବସରରେ ସମ୍ବର୍ଦ୍ଧିତ କରାଯାଇଥିଲା । ସମ୍ବର୍ଦ୍ଧନା ଉତ୍ସବରେ ବିଧାୟକ ଶ୍ରୀ ବଳ ଶୈକ୍ଷିକ ଭିତିଭୂମିର ଉନ୍ନତି ଲାଗି କଲେଜକୁ ୧୦ଲକ୍ଷ ଟଙ୍କା ଅନୁଦାନ ଦେବାକୁ ଘୋଷଣା କରିଥିଲେ । ଏହି ଅବସରରେ ସମସ୍ତ ଅତିଥିଙ୍କୁ ଅନଉଷ୍ଠାନ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା ।

ଅନୁଷ୍ଠିତ କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ପରମଶ୍ୱେର ମଲ୍ଲିକ, ସରପଂଚଙ୍କ ପ୍ରତିନିଧି ପରୀକ୍ଷିତ ରାଉତ, ସାଂସଦ ପ୍ରତିନିଧି ଅଶୋକୁମାର ବେହେରା, ଡିଜିଟାଲ ସଂପାଦକ କୁନାଚନ୍ଦ୍ର ପାଢୀ, ଶିକ୍ଷାବିତ ମଦନମୋହନ ବେହେରା, ଲକ୍ଷ୍ମୀନଗର ସରପଂଚ ଇଂ ସର୍ବେଶ୍ୱର ସାହୁ, ବିଦ୍ୟାଧର ସାହୁ, ଭାସ୍କର ପୃଷ୍ଟି, ଶ୍ରୀଧର ଦାସ, ଶରତକୁମାର ପୃଷ୍ଟି ପ୍ରମୁଖ ଯୋଗ ଦେଇଥିଲେ । କାର୍ଯ୍ୟକ୍ରମକୁ ଅଧ୍ୟାପକ କପିଳେନ୍ଦ୍ର ମାଝୀ,

ନିର୍ମଳରଞ୍ଜନ ସାହୁ, ଉପେନ୍ଦ୍ରନାଥ ନାୟକ, ଜୟନ୍ତ କୁମାର ମଲ୍ଲିକ, ପବିତ୍ରକୁମାର ସାହୁ, ଅଶୋକକୁମାର ମଲ୍ଲିକ, ବସନ୍ତକୁମାର ସାହୁ, ନୀଳମଣି ମଲ୍ଲିକ, ଅଭୟକୁମାର ବେହୁରା ଓ ନାରାୟଣ ବାରିକ ପ୍ରମୁଖ ଅଧ୍ୟାପକ/ଅଧ୍ୟାପିକା ଓ କର୍ମଚାରୀ ପରିଚାଳନାରେ ସହାୟତା କରିଥିଲେ । ସମସ୍ତ ଛାତ୍ର/ଛାତ୍ରୀ ଓ ଅଭିଭାବକ ଆଦି ଉପସ୍ଥିତ ରହିଥିଲା ବେଳେ ଅଧ୍ୟାପକ ପବିତ୍ର କୁମାର ସାହୁ ଧନ୍ୟବାଦ ଅର୍ପଣ କରିଥିଲେ ।